कुकको बिशाल इनिंगमा इंग्ल्यान्ड बलियो



  • विकेटनेपाल, भदौ ३ 

एलेस्टर कुकले खेल जीवनको चौथो दोहोरो शतक प्रहार गरेपछि वेस्ट इन्डिजसंगको पहिलो डे/नाइट टेस्टको पहिलो इनिंगमा ५१४/८ को स्कोरमा इनिंग घोषणा गरेको छ l दोश्रो दिनको खेल सकिंदा वेस्ट इन्डिज ४४/१ को अवस्थामा छ l

कुकले २४३ रन बनाउने क्रममा ३३ चौका प्रहार गर्दै ५९.७ को स्ट्राइक रेटले रन बनाए l

४ दोहोरो शतक प्रहार गर्ने सुचीमा इंग्ल्याण्ड ब्याट्सम्यानको सुचीमा कुक र लेन हटन मात्रै रहेका छन् l सर्बाधिक ७ दोहोरो शतक प्रहार गर्दै वाली हेमन्ड सर्बाधिक दोहोरो शतक प्रहार गर्ने सुचीमा पहिलो स्थानमा छन् l केभिन पिटरसनको ३ वटा दोहोरो शतक छ l

एजबास्टन मैदानमा इंग्ल्याण्डको लागि जोए रुटले पनि करियरको १३ औँ शतक प्रहार गर्ने क्रममा १३६ रन ( १८९ बल , २२ चौका ) बनाएका थिए l दविड मलनले ६५ रनको योगदान दिए l

कुक र रुटले तेश्रो विकेटको लागि २४८ रनको साझेदारी गरेका थिए भने कुकले मलनसंग चौथो विकेटको लागि १६२ रनको साझेदारी गरे l

२ बिशाल साझेदारी पछि भने इंग्ल्याण्ड ब्याट्सम्यानहरु क्रिजमा जम्न सकेनन् l कुकलाई अफ स्पिनर रोस्टन चेजले एलबिडब्लु धरापमा पारे भने मलन, बेन स्टोक्स र मोईन अलिलाई समेत पेभेलियनको दिशा देखाए l रोस्टनले सर्बाधिक ४ विकेट ( २६.२-२-११३-४ ) हात पारे भने केमर रोचले २ विकेट आफ्नो नाम गरे l

डे/नाइट टेस्टमा एजबास्टन मैदानको दृश्य l फोटो – इंग्ल्यान्ड क्रिकेट 

दोश्रो दिनको खेल सकिंदा वेस्ट इन्डिजले ओपनर ब्राथवेटलाई ० रनमा गुमाईसकेको छ जसलाई जेम्स एण्डरसनले विकेटकिपर बेयरस्टोको हातमा क्याच थमाए l काईरन पावेल १८ रनमा तथा कायल होप २५ रन बनाएर अविजित छन् l

३ टेस्ट म्याचको शृंखलाको पहिलो टेस्ट पंक बलले डे/नाइट खेलीएको हो भने अन्य २ वटा टेस्ट दिनमानै खेलिनेछ l इंग्ल्यान्ड भ्रमण अन्तर्गत दुवैले एउटा टि-२० र ५ वटा एकदिवसीय खेल्ने कार्यक्रम रहेको छ l

पहिलो दिनको हाईलाइट हेर्नुस 





थप समाचार

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]