काठमाडौँ जिल्ला क्रिकेट संघको अध्यक्षमा पाण्डे सर्वसम्मत



काठमाडौँ जिल्ला क्रिकेट संघको अध्यक्षमा अमित वीर पाण्डे चयन भएका छन्। मंगलबार काठमाडौँको मैतीदेवीमा सम्पन्न साधारणसभाबाट पाण्डे सहित १४ सदस्यीय कार्यसमिति सर्वसम्मतले निर्वाचित भएका हुन्।

काठमाडौँका अध्यक्ष दिवाकर घलेले आफ्नो सदस्यता विनाकारण खारेज भएको भन्दै अदालतमा मुद्दा दायर गरेका कारण काठमाडौँको निर्वाचन ढिलाई भएको थियो। अदालतले अन्तरिम आदेश नदिएपछि निर्वाचन भएको हो।

अमित वीर पाण्डे ( फाइल तस्वीर )

संघको उपाध्यक्षमा विजय कुमार शर्मा, सचिवमा बसन्त राज सत्याल तथा कोषाध्यक्षमा यूव वस्नेत रहेका छन्। यस्तै सदस्यहरुमा हिमाल राज गिरि, मनिष ढुंगेल, अजय वीर पाण्ड, रमन श्रेष्ठ, शामसन जंग थापा, प्रफुल्ल बैद्य, रितेश डंगोल, महेश्वरी डंगोल, धिरेन्द्र श्रेष्ठ र विनित ध्वज चन्द रहेका छन्।

यो संगै नेपाल क्रिकेट संघको सबै ३९ जिल्लाको निर्वाचन समाप्त भएको छ।

जिल्ला पछि अब क्रिकेट संघको प्रादेशिक चुनाव सम्पन्न हुनेछ। यस अघिनै ३ वटा प्रदेशको निर्वाचन सकीसकेको छ। सुदूरपश्चिम प्रदेशमा हरि रेग्मी, गण्डकी प्रदेशमा देवेन्द्र प्रजु र प्रदेश १ मा मिङ्ग्मा डण्डु शेर्पा निर्वाचित भइसकेका छन्।

अब प्रदेश-२, ३ र ५ को निर्वाचन पनि अगस्ट महिना भित्र सम्पन्न हुनेछ। कर्णाली प्रदेशमा मात्र १ जिल्ला हुनाले प्रदेश-५ मा गाभेर निर्वाचन गरिनेछ।

अक्टोबर दोश्रो साता अन्तर्राष्ट्रिय क्रिकेट परिषदको बैठकले नेपाल क्रिकेट संघको प्रतिबन्ध हट्ने सम्भावना बढेको छ। अब प्रदेशको र केन्द्रिय निर्वाचन समाप्त गरिसकेपछि निलम्वन फुकुवा हुनेछ।

( फोटो – अनुज सापकोटा/विकेटनेपाल )

 





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]