पुलिसको उद्दार गर्न अमित श्रेष्ठको शतकीय इनिंग



राष्ट्रिय क्रिकेट टिममा स्थान बनाउन नसके पनि लगातार घरेलु क्रिकेटमा राम्रो प्रदर्शन गर्ने क्रिकेटर अमित श्रेष्ठले पुनः आफुलाई प्रमाणित गरेका छन्।

यु-१९ राष्ट्रिय क्रिकेटर रहीसकेका बिरगंजका अमित श्रेष्ठले यस अघि सन् २०१२ को एकदिवसीय राष्ट्रिय खेल्ने क्रममा लगातार २ शतक प्रहार गर्दै नेपाली घरेलु क्रिकेटमा लगातार २ शतक बनाउने किर्तिमान कायम गरेका थिए। अमितको त्यो रेकर्ड हालसम्म कसैले तोड्न सकेको छैन।

काठमाडौँमा जारि प्रधानमन्त्री कप एकदिवसीय प्रतियोगिता अन्तर्गत मुलपानी मैदानमा जारि प्रदेश-१ संगको खेलमा मुस्किल अवस्थामा रहेको पुलिस क्लबको उद्दार गर्ने क्रममा अमितले शतकीय इनिंग खेलेका हुन्।

जारि प्रधानमन्त्री कपमा ज्ञानेन्द्र मल्ल पछि शतक बनाउने उनि दोश्रो क्रिकेटर बनेका छन्। मल्लले एपीएफबिरुद्ध शतक बनाएका थिए।

मुलपानी मैदानमा टस जितेर पहिले ब्याटिंग गरेको पुलिसले खराब सुरुवात गर्ने क्रममा पहिलो ५ विकेट ४५ रनको योगफलमा गुमाउन पुग्यो। ओपनर पवन सर्राफ १० तथा अनिल साह ४ रन बनाएर आउट भए भने त्यसपछि दिपेन्द्र ऐरी २, आरिफ शेख ४ तथा दिलिप नाथ १ रन बनाएर पेभेलियन फर्किए।

Nepal Police Club

तेश्रो नम्बरमा ब्याटिंग गरेका अमितले त्यसपछि छैठौं विकेटको रुपमा कुशल भुर्तेलसंग ६८ रनको साझेदारी गर्दै पुलिसलाई जोगाए। भुर्तेल २४ रन बनाएर आउट भए पछि पनि तल्लो क्रममा मन्जित श्रेष्ठसंग ३८ रन, रामनरेश गिरिसंग २४ रनको साझेदारी गरे। मन्जित र रामनरेशले समान ११ रन बनाए।

४३ औं ओभरमा अमित श्रेष्ठ १०६ रन बनाएर आउट भए जुन क्रममा उनले ११८ बलमा १५ चौका र १ छक्का प्रहार गरे।

पुलिसले ४३.१ ओभरमा १८५ रनमा सम्पूर्ण विकेट गुमाउन पुग्यो।

प्रदेश-१ को लागि बलिंगमा कमल खत्री ( ६-१-२७-२ ) , फिर्दोश अन्सारी ( ८-०-२५-२ ), पुष्प थापा ( ६-०-३५-२ ) , दिपेश कंडेल ( ९.१-२-३०-२ ) तथा सिद्धान्त लोहनी ( ५-०-१८-२ ) ले २/२ विकेट लिए।

जारि प्रधानमन्त्री कप प्रतियोगिता अन्तर्गत समुह ‘बि’ मा रहेको पुलिसले यस अघि पहिलो खेलमा कर्णाली प्रदेशलाई ९४ रनले पराजित गरेको थियो। प्रदेश-१ ले भने त्रिभुवन आर्मी क्लबसंग ११३ रनको पराजय बेहोरेको थियो।

यसै समुहमा रहेको त्रिभुवन आर्मी क्लबले खेलेको ३ वटै खेलमा जित दर्ता गर्दै अंकतालिकाको शिर्ष स्थानमा रहेको छ। कर्णाली प्रदेशले खेलेको दुवै खेल हारेको छ भने प्रदेश-१ र प्रदेश-२ ले खेलेको १-१ खेलमा हार बेहोरीसकेका छन्।





थप समाचार

T20 WC : पहिलो चरण समाप्त, यी हुन् दोश्रो चरण पुग्न सफल ४ टिम

युएई र ओमानमा संयुक्तरुपमा जारि सातौँ संस्करणको टि-ट्वान्टी विश्वकप अन्तर्गत समुह चरणमा १२ खेलहरु समाप्त भएका छन्। शनिवार ( अक्टोबर […]

T20WC : श्रीलंकाको कीर्तिमानी जित, नेदरल्याण्डको लज्जास्पद प्रदर्शन,

नेदरल्याण्डलाई किर्तिमानी अन्तरले पराजित गर्दै श्रीलंका समुह ‘ए’ को विजेताको रुपमा २०२१ टि-ट्वान्टी विश्वकपको सुपर-१२ चरण प्रवेश गरेको छ। समुह […]

T20WC : नामिबिया सुपर-१२ चरणमा प्रवेश, आयरल्याण्ड पहिलो चरणबाटै बाहिर

जित्नैपर्ने खेलमा टेस्ट राष्ट्र आयरल्याण्डलाई ८ विकेटले पराजित गर्दै नामिबिया टि-ट्वान्टी विश्वकप २०२१ को सुपर-१२ चरण प्रवेश गरेको छ। पहिलो […]

T20WC : जित्नैपर्ने खेलमा आयरल्याण्डद्वारा नामिबियालाई सामान्य लक्ष्य

सातौं संस्करणको टि-ट्वान्टी विश्वकप अन्तर्गत समुह ‘ए’ अन्तर्गतको खेलमा आयरल्याण्ड र नामिबिया प्रतिस्पर्धा गरिरहेका छन्। खेलको विजेता टिम सुपर-१२ चरण प्रवेश […]

T20WC : शेन वार्नको नजरमा को हो विश्वकप जित्ने दावेदार टिम

युएई र ओमानमा संयुक्तरुपमा जारी सातौं संस्करणको टि-ट्वान्टी विश्वकपको समुह चरणको खेलहरु चल्दै गर्दा क्रिकेट पण्डितहरु विश्वकप जित्न दावेदार टिमको […]

T20WC : आज दुई खेल हुँदै, आयरल्याण्ड र नामिबियालाई ‘गर या मर’ को अवस्था

युएई र ओमानमा संयुक्तरुपमा जारि सातौं संस्करणको टि-ट्वान्टी विश्वकप अन्तर्गत समुह चरणको खेलहरु आज समाप्त हुँदैछन्। समुह ‘बि’ अन्तर्गतको खेलहरु […]