खुकुरी कप : अमित श्रेष्ठको विस्फोटक ब्याटिंगमा शान्तिनगरको जित



  • विकेटनेपाल, १२ माघ- शुक्रबार 

अमित श्रेष्ठले अपत्यारिलो ब्याटिंग गरेपछि खुकुरी च्यालेन्जर्स कप प्रतियोगितामा शान्तिनगर युवा क्लबले पहिलो जित दर्ता गरेको छ। शान्तिनगर युवा क्लबले मलपोखरी युवा क्लबलाई ९ विकेटले पराजित गर्यो। शुक्रबारनै सम्पन्न दोश्रो खेलमा आरसीए प्युठान च्यालेन्जर्सले अल्टिमेट इन्डोर क्रिकेटलाई ८ विकेटले पराजित गर्यो र पहिलो जित दर्ता गर्यो।

अमितको विस्फोटक ब्याटिंग 

मुलपानी मैदानमा टस जितेर ब्याटिंग गरेकोमलपोखरीले १९.५ ओभरमा ११५ रनमा सम्पूर्ण विकेट गुमाउन पुग्यो। शान्तिनगरका बलर अजय राजबंशीले ३ विकेट ( ३.५-०-१९-३ ) तथा रामनरेश गिरिले २ विकेट ( ४-०-२७-२ ) हात पारे।

मलपोखरीकोलागि ओपनर सोहन यादबले सर्बाधिक ३१ रन ( २२ बल, ३ चौका , १ छक्का ) , गौरभ कटवालले २० तथा बिशाल आचार्यले १९ रन योगदान दिनु बाहेक अन्य ब्याट्सम्यानले २ अंकमा रन बनाउन सकेनन्।

जवाफमा ११६ रनको लक्ष शान्तिनगरले ११ ओभरमै भेटायो। ओपनर मुरली चौधरी १ रनबनाएर आउट भएपछि अर्का ओपनर सुनिल धमलाले तेश्रो नम्बरका अमित श्रेष्ठसंग दोश्रो विकेटकको लागि ११५ रनको साझेदारी गर्दै जितसम्म पुर्याएका थिए।

अमित श्रेष्ठले विस्फोटक ब्याटिंग गर्नेक्रममा अविजित ८८ रन बनाए। मात्र ३७ बल खेलेका उनले २० वटा चौका प्रहार गरे। सुनिल धमला २५ रनमा अविजित रहे जसले २५ बलमा ४ चौका प्रहार गरे।

आरसीए प्युठान च्यालेन्जर्ससंग पहिलो खेल वर्षाले अवरुद्ध भए पछि अंक बाँडेको शान्तिनगरले जित पछि समुह ‘ए’ मा पहिलो जित दर्ता गर्यो।

म्यान अफ द म्याच अमित श्रेष्ठ

प्रेम तामांगको अलराउण्ड प्रदर्शन 

शुक्रबारनै सम्पन्न समुह ‘ए’ अन्तर्गत दोश्रो खेलमा आरसीए प्युठान च्यालेन्जर्सले अल्टिमेट इन्डोर क्रिकेटलाई ८ विकेटले पराजित गर्यो।

टस जितेर पहिले ब्याटिंग गरेको अल्टिमेटले निर्धारित २० ओभरमा ११४/८ को योगफल तयार गरेको थियो। ब्याटिंगतर्फ ओपनर दिपेन्द्र चन्दले ३१, रमेश भट्टले १८, कृष्ण नेगीले १५ तथा इश्वर रायले १४ रन बनाए भने बलिंगमा प्युठान च्यालेन्जर्सका बिक्रम ठगुन्ना र प्रेम तामांगले २/२ विकेट हात पारे।

म्यान अफ द म्याच राजबिर सिंह

११५ रनको लक्ष आरसीए प्युठानले १६ ओभरमा २ विकेट मात्रै गुमाएर भेटायो। ओपनिंग ब्याटिंग गरेका प्रेम तामांग र राजबिर सिंहले पहिलो विकेटको लागि  ८१ रनको साझेदारी गर्दै जितको आधार तयार गरेका थिए। राजबिर ४१ रन ( ३० बल, ६ चौका , १ छक्का ) र प्रेम २८ रन ( ३३ बल, ५ चौका ) बनाएर आउट भए।

तेश्रो नम्बरमा ब्याटिंग गरेका शुबेन्दु पाण्डेले अविजित २५ रन ( १५ बल, ३ चौका , १ छक्का ) तथा दिपेन्द्र थापाले ८ रन बनाएर टिमलाई जितसम्म पुर्याए।

अंक तालिका 

शनिबारको खेल 

पहिलो खेल – नेपाल क्रिकेट स्कुल Vs ओएसीस क्रिकेट एकेडेमी
दोश्रो खेल – ग्रेट हिमालय क्रिकेट एकेडेमी Vs आईओई थापाथली

हिजोको खेल – कमलको अलराउण्ड प्रदर्शनमा ग्रेट हिमालयको जित

खुकुरी इन्टरटेन्मेन्टको आयोजनामा सुरु भएको प्रतियोगिताको बिजेताले ३ लाख रुपैयाँ तथा उपविजेताले १ लाख रुपैयाँ पाउने छ। यस्तै उत्कृस्ट खेलाडीले २० हजार तथा बलर/ब्याट्सम्यानले १०/१० हजार रुपैयाँ पुरस्कार पाउनेछ।

कुल २० टिम सहभागी रहेको प्रतियोगिता २४ दिनसम्म चल्नेछ।  २० टिमलाई ४ वटा समुहमा बिभाजन गरेर लिग-कम नक-आउट फर्म्याटमा खेलाइनेछ। प्रतियोगिताको सेमीफाइनल र फाइनल खेल त्रिभुवन अन्तर्राष्ट्रिय क्रिकेट मैदान कीर्तिपुरमा संचालन हुनेछ भने क्वार्टरफाइनल खेलहरु मुलपानी मैदानमा खेलिनेछ।

सहभागी टिम र समुह 

समूह ‘ए’ : काठमाडौं क्रिकेट ट्रेनिङ सेन्टर , अल्टिमेट इन्डोर क्रिकेट, आरसिए प्युठान च्यालेन्जर्स, शान्तिनगर युवा क्लब, मलपोखरी क्रिकेट क्लब

समूह ‘बी’ : आई.ओ.ई. पुल्चोक, रोयल पिसी फाईटर्स, लर्ड बुद्ध क्रिकेट क्लब, बालुवाटार क्रिकेट क्लब, त्रिमुर्ति व्वाइज

समूह ‘सी’ : ओएसिस क्रिकेट एकेडेमी, ग्रेट हिमालय क्रिकेट एकेडेमी, आई.ओ.ई थापाथली, नेपाल क्रिकेट स्कुल, त्रिभुवन आर्मी क्लब

समूह ‘डी’ :  टिकापुर क्रिकेट, रौतहट-११, मकवानपुुर क्रिकेट क्लब, बुटवल क्रिकेट ब्वाइज, इन्टर- डिस्ट्रिक्ट क्रिकेट क्लब

( फिचर फोटो – फाइल तस्बिर )





थप समाचार

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]

क्यानको सम्पूर्ण घरेलु प्रतियोगिता एक्सन स्पोर्ट्सले प्रत्यक्ष प्रशारण गर्ने

नेपाल क्रिकेट संघले ( क्यान )  आयोजना गर्ने सम्पूर्ण घरेलु प्रतियोगिताहरुको प्रत्यक्ष प्रशारण गर्ने अधिकार डिश  मिडिया नेटवर्कले पाएको छ। […]

अभ्यास खेलमा जडेजा र राहुलको उत्कृस्ट प्रदर्शन

भारतको इंग्ल्यान्ड भ्रमण अन्तर्गत अगस्ट ४ देखि सुरु हुने पाँच टेस्टको सिरिज अघि भारत र काउन्टी सेलेक्स-११ बीचको तिन दिवसीय […]

सुरु भयो ‘द हन्ड्रेड’ लिग : प्रतिस्पर्धात्मक खेलमा ओभल विजयी

रोमान्चक खेलमा जोस बटलर कप्तानीको म्यानचेस्टर ओरिजिनल्सलाई ९ रनले पराजित गर्दै स्याम बिलिंग्स कप्तानीको ओभल इन्भिन्सिबल्सले ‘द हन्ड्रेड’ लिगको उद्घाटन […]