ठुलो स्कोर बनेको खेलमा रसेल र बिलिंग्सको विस्फोटक ब्याटिंग



  • विकेटनेपाल, चैत्र २८ – बुधबार

इन्डियन प्रिमियर लिग (आइपिएल) क्रिकेट अन्तर्गत गएराती भएको खेलमा चेन्नाई सुपर किंग्सले लगातार दोश्रो जित निकाल्ने क्रममा कोलकत्ता नाईटराइडर्समाथि अन्तिम ओभरमा ५ विकेटको जित हात पारेको छ । कोलकत्ताले भने दोश्रो खेलमा पहिलो हार व्यहोरेको छ ।

चेन्नाईको घरेलु मैदानमा भएको खेलमा कोलकत्ताले दिएको २०३ रनको लक्ष्य पछ्याएको घरेलु टिमले १ बल अगावै मात्र ५ विकेट गुमाएर लक्ष्य पुरा गरेको थियो । उसको लागि शेन वाट्सनले ४२ रन बनाउन १९ बलमा ३ चौका र त्यति नै छक्का प्रहार गर्दै पहिलो विकेटको लागि अम्बाती रायडुसँग मिलेर ७५ रनको साझेदारी गरेका थिए । रायडूले ३९ रन बनाउन २६ बलमा ३ चौका र २   छक्का प्रहार गरेका थिए ।

यस्तै कमजोर प्रदर्शन गरेका सुरेश रैनाले १२ रन, महेन्द्र सिंह धोनीले २५ रन बनाएको खेलमा केदार जाधव घाइते भएपछी स्थान बनाएका स्याम बिलिंग्सले मात्र २३ बलको सामना गर्दै २ चौका र ५ छक्का सहित ५६ रन बनाएर जितको आधार तय गरेका थिए ।

अन्तिम ओभरमा जितको लागि १७ रन आबश्यक रहेको बेला रबिन्द्र जडेजा र ड्वायान ब्राभोले अविजित समान ११ रन प्रहार गरे ।

कोलकत्ताको लागि सबै भन्दा खराब बलिंग गरेका विनयकुमारले मात्र १.५ ओभरमा ३५ रन खर्चे भने विकेट लिन सकेनन् । आइपिएलको पहिलो खेल खेलेका टोम करणले २ विकेट तथा पियुष चावला, कुलदीप यादव र   सुनिल नारायणले १/१ विकेट लिए ।

यसअघि टस हारेर पहिले ब्याटिंग गरेको कोलकत्ताले निर्धारित २० ओभरमा ६ विकेट गुमाएर २०२ रनको योगफल बनाएको थियो । कुनै समय ५१/१ को अवस्थामा रहेको उसले लय गुमाउंदै ८९/५ को स्थितिमा पुगेको थियो । त्यसपछि आएका आन्द्रे  रसेलले आक्रामक पारि खेल्दै    ११ छक्का सहित ३६ बलमा अविजित ८८ रन प्रहार गरेपछि कोलकाताले २०० भन्दा माथिको स्कोर पुगेको थियो ।

चेन्नाईका लागि शेन वाट्सनले ३९ रन खर्चेर २ विकेट तथा हरभजन सिंह, शार्दुल ठाकुर र रबिन्द्र जडेजाले १/१ विकेट हात पारे ।    स्याम बिलिंग्स म्यान अफ द म्याच घोषित भए ।





थप समाचार

श्रीलंकाले जित्यो भारत बिरुद्ध टि-२० सिरिज, टुट्यो भारतको अपराजित यात्रा

तेश्रो तथा निर्णायक खेलमा भारतलाई ७ विकेटले पराजित गर्दै घरेलु टोलि श्रीलंकाले तिन खेलको टि-ट्वान्टी अन्तर्राष्ट्रियको सिरिज २-१ ले जितेको […]

हसरंगाले घातक बलिंग गर्दा भारतको लज्जास्पद ब्याटिंग प्रदर्शन

भारतको श्रीलंका भ्रमण अन्तर्गत तेश्रो तथा निर्णायक टि-२० जित्दै सिरिज जित्न भारतले श्रीलंकालाई ८२ रनको लक्ष्य प्रस्तुत गरेको छ। आर […]

क्यान प्रदेश-२ द्वारा विश्वकीर्तिमानी आलमलाई राष्ट्रिय सम्मान सहितको विदाइको माग

१४ साउन, बर्दिबास । प्रदेश क्रिकेट संघ प्रदेश नं. २ ले बुधवार सम्पन्न बैठकमा बिभिन्न महत्वपुर्ण १५ वटा निर्णय गरेको […]

डी सिल्भा चम्किँदा रोमान्चक खेलमा श्रीलंकाद्वारा भारत पराजित

दोश्रो खेलमा भारतलाई ४ विकेटले पराजित गर्दै श्रीलंकाले तिन खेलको टि-२० अन्तर्राष्ट्रिय सिरिज १-१ को बराबरीमा ल्याएको छ। सिरिज अन्तर्गत […]

भारतद्वारा श्रीलंकालाई सामान्य लक्ष्य

भारतको श्रीलंका भ्रमण अन्तर्गत तिन खेलको टि-२० अन्तर्राष्ट्रिय सिरिज अन्तर्गत दोश्रो खेल जित्न भारतले श्रीलंकालाई १३३ रनको लक्ष्य प्रस्तुत गरेको […]

द हन्ड्रेड : बेयरस्टो र निशम चम्किंदा वेल्सको लगातार जित

इंग्ल्यान्डमा जारि पहिलो संस्करणको ‘द हन्ड्रेड’ लिग अन्तर्गत गय रातीको खेलमा जोनी बेयरस्टो कप्तानीको वेल्स फायरले जेम्स भिन्स कप्तानको साउदर्न […]