PM CUP : अनिलले ५ विकेट लिंदा लुम्बिनीद्वारा प्रदेश-२ पराजित



प्रदेश-२ लाई ४२ रनले पराजित गर्दै प्रधानमन्त्री कप टि-२० राष्ट्रिय प्रतियोगितामा पहिलो जित दर्ता गरेको छ। यस अघि लुम्बिनी बागमती प्रदेशसंग पराजित भएको थियो। प्रदेश-२ को यो लगातार दोश्रो हार हो जो यस अघि एपीएफसंग पराजित भएको थियो। स्कोरकार्ड 

समुह ‘बि’ अन्तर्गत टियु अन्तर्राष्ट्रिय मैदान किर्तिपुरमा सम्पन्न खेलमा लुम्बिनीले दिएको १६२ रन लक्ष्य पछ्याएको प्रदेश-२ ले पुरै २० ओभर ब्याटिंग गर्दै ९ विकेट क्षेतीमा ११९ रन मात्र बनाउन सक्यो। प्रदेश-२ को ब्याटिंगमा दशौँ नम्बरमा ब्याटिंग गरेका बिबेक यादवले सर्वाधिक अविजित ३६ रन बनाए जुन क्रममा २४ बलमा २ चौका र ३ छक्का प्रहार गरे। सन्तोष कार्की र हरिकृष्ण झाले समान १४ तथा आदील आलम र रुपेश सिंहले समान १३ रन बनाए।

लुम्बिनी प्रदेशका बलर अनिल खरेलले ५ विकेट लिए जुन क्रममा ४ ओभरमा १ मेडन गर्दै १३ रन मात्र खर्चिए। कृष्ण कार्की, सिद्धान्त शहि र बसिर एहमदले समान एक विकेट लिए।

यस अघि टस जितेर ब्याटिंग गरेको लुम्बिनीले २० ओभरमा ८ विकेट क्षेतीमा १६१ रन बनाएको थियो।

लुम्बिनीको ब्याटिंगमा ओपनर देव खनालले सर्वाधिक ५४ रन बनाए जुन क्रममा ३८ बलमा ४ चौका र २ छक्का प्रहार गरे। बसिर एहमद र सन्दिप रजालीले समान ३० रन तथा सुशान्त थापाले १४ र सौरभ खनालले १० रन योगदान दिए। देवले दोश्रो विकेटको लागि सुशान्तसंग ४२ रनको तथा बसिरसंग ५३ रनको साझेदारी गरे।

प्रदेश-२ का बलर रुपेश सिंह र बिबेक यादवले समान दुई विकेट तथा हरि शंकर शाह, मेहबुब आलम र बिशाल सुश्लिंगले समान एक विकेट लिए।





थप समाचार

BBL : दबाबमा सन्दिपको राम्रो बलिंग, मेलबर्न बिरुद्ध लिए २ विकेट

दबाबमा सन्दिप लामिछानेले राम्रो बलिंग गर्दा मेलबर्न रेनेगेड्सलाई ६ रनले पराजित गर्दै होबार्ट हरिकेन्सले सातौँ जित दर्ता गरेको छ। मेलबर्नको […]

आर्मीलाई ४७ रनले हराउँदै एपीएफ फाइनलमा

त्रिभुवन आर्मी क्लबलाई ४७ रनले हराउँदै नेपाल एपीएफ क्लब जारि प्रधानमन्त्री कप राष्ट्रिय टि-ट्वान्टी प्रतियोगिताको फाइनलमा प्रवेश गरेको छ । […]

लोकेशको कीर्तिमानी अर्धशतक

नेपाल एपीएफ क्लबका आक्रामक युवा ब्याटर लोकेश बमले जारि प्रधानमन्त्री टि-ट्वान्टी राष्ट्रिय प्रतियोगिता अन्तर्गत त्रिभुवन आर्मी क्लबविरुद्धको दोस्रो सेमिफानल खेलमा […]

दिपेन्द्रको घातक बलिंग, पुलिस फाइनलमा

पहिलो सेमिफाइनलमा बागमती प्रदेशलाई ५० रनको फराकिलो अन्तरले पराजित गर्दै जारि प्रधानमन्त्री कप टि-ट्वान्टी राष्ट्रिय प्रतियोगितामा विभागीय टोलि नेपाल पुलिस […]

देव खनाल र अनिल खरेल चम्कदा लुम्बिनीद्वारा गण्डकी सहजै पराजित

अनिल खरेल र देव खनाल चम्कदा जारि प्रधानमन्त्री टि-ट्वान्टी राष्ट्रिय प्रतियोगितामा लुम्बिनी प्रदेशले गण्डकी प्रदेशलाई ५ विकेटले हराउँदै प्रतियोगितामा सुखद […]

राजुको अर्धशतकमा सुदूरपश्चिम विजयी, सेमिफाइनल समिकरण पुरा

ओपनर राजु रिजालले अर्धशतकी पारि खेल्दा जारि प्रधानमन्त्री कप टि-ट्वान्टी राष्ट्रिय प्रतियोगितामा सुदूरपश्चिमले प्रदेश १ माथि ७ विकेटको जित निकालेको […]