अनिलको अल-राउण्ड प्रदर्शनमा शिवशक्तिको जित



  • विकेटनेपाल – १० फाल्गुन, बिहिवार

भैरहवामा जारी नेपाल टेलिकम रुपन्देही सुपर लिग क्रिकेट प्रतियोगितामा बिहिवारबाट डिभिजन “ए” को खेल सुरु भएको छ। बिहिवार भएको डिभिजन “ए” को पहिलो खेलमा शिवशक्ति क्रिकेट क्लबले ज्ञानोदय क्रिकेट क्लबलाई १८२ रनको बिशाल अन्तरले पराजित गर्यो।

पहिले ब्याटिंग गर्दै शिवशक्तिले दिएको ३०५ रनको बिशाल लक्ष्यको पिछा गरेको ज्ञानोदयले मात्र ३४.२ ओभर ब्याटिंग गर्दै अल आउट हुनअघि १२२ रन मात्र जोड्न सक्यो। उसको इनिंगमा निशान पुरीले ३६ र निशान शर्माले ३० रन बनाएपनि टोलिलाई जित दिलाउन सकेनन्।

बिपक्षि क्लबलाई सस्तैमा समेट्न शिवशक्तिका लागि म्यान अफ दि म्याच बनेका अनिल थापाले ४ विकेट चट्काए। यस्तै विधान सुनार, हरजित सिंह, र कृष्ण कार्कीले समान २-२ विकेट हात पारे।

यसअघि टस हारेर पहिले ब्याटिंगको निम्तो पाएको शविशक्तिले निर्धारित ५० ओभरको खेलमा २ बल अघि (४९.४ओभर) सबै विकेट गुमाएर ३०४ रन जोडेको थियो। उसका लागि अनिल थापाले सर्वाधिक ७३ रनको योगदान दिंदा यम क्षेत्रीले ५२, सुमन अधिकारीले ३८ र कृष्ण कार्कीले ३६ रन बनाएका थिए।

बलिंगमा ज्ञानोदयका सन्तोष क्षेत्री र निशान पुरीले समान ३-३ विकेट लिएका थिए।

शुक्रबार वेष्टर्न क्रिकेट क्लब, बुटवल र देवदह क्रिकेट युनिट, देवदहबीच प्रतिस्पर्धा हुने आयोजक संस्था रुपन्देही क्रिकेट संघका अध्यक्ष प्रशान्त मल्लले बताए।

नेपाल टेलिकमले मुख्य प्रायोजक रहेको सुपर लिग प्रतियोगितामा जिल्लाका २१ क्लबको सहभागिता छ। विजेता क्लबले नगद ७० हजार तथा उपविजेताले नगद ३५ हजार प्राप्त गर्ने सुपर लिगको सहप्रायोजन बुम रेमिट्यान्स र अर्घाखाँची सिमेन्ट प्रालिले गरेका छन्।

प्रतियोगिताको उत्कृस्ट खेलाडीले १० हजार, बेष्ट बलर र बेष्ट ब्याट्सम्यानले नगद ५-५ हजार तथा प्रत्येक दिनको म्यान अफ द म्याचले एक हजार रुपैयाँ प्राप्त गर्ने छन्। रुपन्देही क्रिकेट संघको आयोजनामा भइरहेको प्रतियोगिता फागुन २६ गतेसम्म चल्ने छ ।





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]