अनिल खरेलको उत्कृस्ट बलिंग मदतले एपेक्स सेमीफाइनल प्रवेश : रुपन्देही सुपर लिग

anil kharel


  • विकेटैनेपाल- भैरहवा, २८ माघ ।

भैरहवाको सिद्धार्थ रंगशालामा जारी जिल्लास्तरीय नेपाल टेलिकम रुपन्देही सुपर लिगमा शुक्रबार भएको ग्रुप ‘बी’को अन्तिम खेलमा एपेक्स क्रिकेट क्लब शंकरनगरले प्रोफेसनल मास्टर्स–११ क्रिकेट क्लब भैरहवालाई ८ विकेटले हराउँदै विजयी हासिल गरेको छ ।

गत वर्ष रेलिगेशनमा परेर ‘बी’ डिभिजनमा घटुवा भएको एपेक्सले अघिल्लो वर्षको सेमिफाइनल पुगेको मास्टर्सलाई हराएको हो । जितसँगै एपेक्स सेमिफाइनल पुग्ने तेस्रो टिम बनेको छ भने मास्टर्स बी डिभिजनमा घटुवा भएको छ ।

यस अघि ग्रुप ‘ए’ बाट लुम्बिनी खुकुरी क्रिकेट क्लब बेलहिया र ग्रुप ‘सी’बाट वेस्टर्न क्रिकेट क्लब बुटवल सेमिफाइनल पुगिसकेका छन्। अब ग्रुप ‘डी’बाट सेमिफइनल पुग्ने टिमको टुंगो लाग्न बाँकी रहेको आयोजक संस्था रुपन्देही क्रिकेट संघका अध्यक्ष प्रशान्त विक्रम मल्लले जानकारी दिए ।

सिद्धार्थ रंगशालामा सम्पन्न खेलमा एपेक्सले टस जितेर पहिला ब्याटिङ गर्न मास्टर्सलाई निम्तो दिएको थियो । पहिला ब्याटिङ गरेको मास्टर्सले निर्धारित ४० ओभरको खेलमा २९.३ ओभरमा सबै विकेट गुमाउँदै जम्मा ७४ रनमा समेटियो।

मास्टर्सका लागि प्रविन नेपालीले १४ र दुर्गा सेनले १२ रन बनाए पनि अन्य ब्याट्सम्यान नचल्दा टिम धरासायी बनेको थियो ।

बलिङतर्फ एपेक्सका लागि यु–१६ का चर्चित अन्तर्राष्ट्रिय खेलाडी अनिल खरेल चम्किएका थिए । उनले ४ विकेट लिए । त्यस्तै तुलबहादुर थापा र मैनुउद्दिन खानले समान २/२ विकेट लिए l

लक्ष्य पछ्याउन मैदान छिरेको एपेक्सले ११.२ ओभरमा २ विकेटको क्षतिमा ७७ रन बनाउँदै विजयी हासिल गर्यो । एपेक्सका लागि महेन्द्र सुवेदीले नटआउट ३१ तथा अजय कौशिलाले ३१ रनको योगदान दिए । बलिङमा मास्टर्सका लागि नासिर अन्सारी र दुर्गा सेनले १/१ विकेट लिएका थिए ।

खेलमा एपेक्सका अनिल खरेल म्यान अफद म्याच घोषित भए ।

शनिबार शक्ति गौचनको कप्तानीमा रहेको न्यू होराइजन क्रिकेट क्लब बुटवल र तीन पटकको सुपरलिग विजेता बुम एमसीसी भैरहवाबीच प्रतिस्पर्धा हुनेछ।

रुपन्देही क्रिकेट संघको आयोजना, नेपाल टेलिकमको प्रमुख प्रायोजन र बुम रेमिटको सहप्रायोजनमा जारी प्रतियोगिता फागुन ४ गतेसम्म संचालन हुनेछ । प्रतियोगिताका बिजेताले ५० हजार, उपबिजेताले २५ हजार, उत्कृष्ट खेलाडीले १० हजार, उत्कृष्ट बलर र उत्कृष्ट ब्याट्सम्यान दुबैले ५/५ हजार नगद पुरस्कार पाउने छन् ।





थप समाचार

काठमाडौँ मेयर कप : दुई सोनुलाई मौका दिंदै बागमती प्रदेश टिमको घोषणा

फाल्गुन २२ गते शनिवार देखि काठमाडौँमा सुरु हुने पहिलो संस्करणको ‘काठमाडौँ मेयर कप’ राष्ट्रिय प्रतियोगिताको लागि बागमती प्रादेशिक क्रिकेट संघले […]

रुपन्देही सुपर लिग : अनिल खरेलले ५ विकेट लिंदा वेष्टर्न विजयी, देवदह घटुवा

प्रकाश न्यौपाने, भैरहवा, फागुन २० रुपन्देहीको भैरहवामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बिहीबार डिभिजन ‘ए’को खेलमा […]

काठमाडौँ मेयर कपको प्रत्यक्ष प्रशारणको लागि क्यान र डीश मिडिया विच सम्झौता

यही फाल्गुन २२ गते देखि काठमाडौँमा सुरु हुने काठमाडौँ मेयर कप एकदिवसीय राष्ट्रिय प्रतियोगिताको प्रशारणको लागि नेपाल क्रिकेट संघ र […]

स्पिनर बिरुद्ध कमजोर इंग्ल्यान्ड २०५ मै सिमित

इंग्ल्यान्डको भारत भ्रमण अन्तर्गत चौथो तथा अन्तिम टेस्ट नरेन्द्र मोदी स्टेडियम अहमदावादमा सुरु भएको छ। सिरिजमा भारत २-१ ले अघि […]

पीएसएल रोकियो, खेल नखेली फर्कने भए सन्दिप लामिछाने

पछिलो केहि दिन देखि कोभीड-१९ को बढ्दो पोजेटिभ केसहरुका कारण पाकिस्तानको कराचीमा जारी पाकिस्तान सुपर लिग २०२१ तत्काल लागु हुने […]

एकै खेलमा ह्याट्रिक विकेट र ६ बलमा ६ छक्का, पोलार्डले रचे इतिहास

वेस्टइन्डिजका ब्याट्सम्यान काईरन पोलार्डले घरेलु मैदानमा श्रीलंका बिरुद्ध सम्पन्न पहिलो टि-२० अन्तर्राष्ट्रियमा ६ बलमा ६ वटै छक्का प्रहार गर्दै इतिहास […]