कमलसिंह ऐरीले जोगाउन सकेनन् वेष्टर्नको हार : शशिकान्त – शकुन्तला टि-२०

Kamal Singh Airee


फोटो फिचर : कमलसिंह ऐरी (वेष्टर्न क्रिकेट क्लब) फाइल फोटो

  • विकेटनेपाल – ५ चैत्र, सोमबार

रुपन्देहीमा जारी जिल्ला स्तरीय शशिकान्त – शकुन्तला बर्मा मेमोरियल रुपन्देही टि-२० क्रिकेट प्रतियोगितामा सोमबारको खेलमा लुम्बिनी खुकुरी क्रिकेट क्लब र न्यू होराइजन क्रिकेट क्लबले जित दर्ता गरेका छन्।

सिद्धार्थ रंगशालामा भएको दिनको पहिलो खेलमा खुकरी क्रिकेट कल्बले आइसिएफसी प्रोफेसनल मास्टर्स ११ क्रिकेट क्लब भैरहवालाई ९६ रनको ठुलो अन्तरले पराजित गर्यो। टस जित्दै पहिले ब्याटिंग रोजेको खुकुरीले निर्धारित २० ओभरमा ७ विकेट गुमाएर १७८ रन जोडेको थियो। उसको इनिंगमा प्रज्वल थापाले ४४ रन जोडेका थिए। यस्तै संदीप रजालीले ४२ तथा लालबहादुर अधिकारीले अविजित ३१ रनको योगदान गरेका थिए। बलिङमा प्रोफेसनलका शैलेश श्रीवास्तवले ३ विकेट लिएका थिए।

जवाफमा १७९ रनको बिजय लक्ष्य लिएर मैदान प्रवेश गरेको प्रोफेसनलले निर्धारित २० ओभरमा ८ विकेट गुमाएर ८२ रन मात्र जोड्न सक्यो। प्रोफेसनलको चेजमा मोहम्मद इबराइनले २६ रन बनाए पनि अन्य ब्याट्सम्यानले दोहोरो अंक जोड्न सकेनन्। खुकुरीको बलिंगमा साहव आलमले ३ विकेट चट्काए। यस्तै म्यान अफ दि म्याच लालबहादुर अधिकारी र एकलाख अहम्मदको नाममा समान २-२ विकेट रह्यो।

दिनको दोस्रो खेलमाभने होराइजन क्रिकेट क्लबले वेष्टर्न क्रिकेट क्लब बुटवललाई ८ रनले पराजित गर्यो। टस हारेर पहिला ब्याटिङको निम्तो पाएको होराइजनले निर्धारित २० ओभरमा ९ विकेटको क्षतिमा ११३ रनको योगफल बनाएको थियो। जसमा विशाल बन्जाडेले २२ तथा गणेश गौडेलले १७ रन बनाएका थिए । बलिङमा वेष्टर्नका कमलसिंह ऐरी र देवेन्द्र सोमारेले समान ३-३ विकेट लिएका थिए।

जवाफी ब्याटिंगमा उत्रिएको वेष्टर्नले १८.४ ओभरमा सबै विकेट गुमाएर १०५ रन मात्र बनाउन सक्यो। उसका लागि राहुल कुमारले ३३ तथा कमलसिंह ऐरीले २० रन बनाएपनि त्यो जितका लागि पर्याप्त भएन। बलिङमा म्यान अफ द म्याच समेत रहेका होराइजनका अनिल खरेलले ३ तथा कुशल मल्लले २ विकेट लिए।

म्यान अफ दि म्याच : अनिल खरेल

मंगलबार ज्ञानोदय क्रिकेट क्लब करहिया र देवदह क्रिकेट युनिट देवदह तथा न्यू होराइजन क्रिकेट क्लब बुटवल र साइ ग्लोबल क्रिकेट क्लब भैरहवाबीच प्रतिस्पर्धा हुने आयोजक संस्था रुपन्देही क्रिकेट संघकाका अध्यक्ष प्रशान्तविक्रम मल्लले बताए । प्रतियोगितामा बिजयी टिमले ५० हजार रुपैयाँ र उपबिजेताले २५ हजार रुपैयाँ तथा ट्रफी प्राप्त गर्नेछन् । त्यस्तै गरी म्यान अफ दि सिरिज ले १० हजार, उत्कृष्ट बलर र ब्याट्सम्यानले जनही ५/५ हजार तथा प्रत्येक दिनको म्यान अफ द म्याचले १ हजार रुपैयाँ प्राप्त गर्ने छन् । जिल्लाका ‘ए’ डिभिजनका १२ टिम सहभागि रहेको प्रतियोगिता चैत ८ गतेसम्म चल्ने छ ।





थप समाचार

WTC FINAL : अम्पायर रिभ्युमा अल्ट्रा एज हेरिएपछिको अन्योल, जान्नुस के भएको थियो

भारत र न्युजिल्यान्ड बीच वर्ल्ड टेस्ट च्याम्पियनसिपको फाइनल अन्तर्गत शनिवार दोश्रो दिन अन-फिल्ड अम्पायर रिचर्ड इलिंगवर्थले बिराट कोहली विकेटको पछाडी […]

न्युजिल्यान्डले स्पिनर नखेलाउदा वार्न निराश, वार्नलाई सलमान बटको प्रश्न

अस्ट्रेलियन महान क्रिकेटर शेन वार्नले वर्ल्ड टेस्ट च्याम्पियनसिप फाइनलमा न्युजिल्यान्डले स्पिनरलाई मौका नदिएकोमा आलोचना गरेका छन्। भारत र न्युजिल्यान्ड बीचको […]

नयाँ कीर्तिमान बनाउदै विश्वकै एक मात्र खेलाडी बने कोहली

आईसीसी वर्ल्ड टेस्ट च्याम्पियनसिपको फाइनलमा न्युजिल्यान्ड बिरुद्ध कप्तानी गरिरहेका भारतीय खेलाडी बिराट कोहलीले ठूलो कीर्तिमान आफ्नो नाम गरेका छन्। कोहली […]

वेस्टइन्डिजको ब्याटिंग समस्या निरन्तर, लगातार शतक बनाउन चुके डीकक

कमजोर ब्याटिंगका कारण पहिलो टेस्ट इनिंग्स अन्तरले हारेको वेस्टइन्डिजले दोश्रो टेस्टमा पनि उही समस्या दोहोर्याएको छ। दक्षिण अफ्रीका बिरुद्ध घरेलु […]

रानाको जुझारु इनिंग्स, भारत टेस्ट जोगाउन सफल

कमजोर ब्याटिंग गरेपछि फलो अन जोगाउन नसकेको भारतले दोश्रो इनिंग्समा उत्कृस्ट पुनरागमन गर्दै इंग्ल्यान्ड बिरुद्धको एक मात्र टेस्ट बराबरी गर्न […]

WTC FINAL : लगातार विकेट पछि भारत सम्हालियो, अर्धशतक नजिक कोहली

भारत र न्युजिल्यान्ड बीच इंग्ल्यान्डको साउथह्याम्पटनमा जारि आईसीसी वर्ल्ड टेस्ट च्याम्पियनसिपको फाइनल खेलको दोश्रो दिनको खेल समाप्त भएको छ। पहिलो […]