अनिल खरेल चम्किदा, नेपालको स्कुलले भारतीय भुमिमा जित्यो प्रतिष्ठित स्कुल प्रिमियर लिग

Apex international school


  • विकेटनेपाल, २९ मंसिर

फाइनलमा अनिल खरेल चम्किएपछि बुटवलको एपेक्स स्कुलले भारतको लखनउमा सम्पन्न चौथो अन्तर्राष्ट्रिय स्कुल क्रिकेट प्रिमियर लिगको उपाधि जितेको छ l

भारत, श्रीलंका, अफगानिस्तान, बंगलादेश, जिम्बाबे, दक्षिण अफ्रीका, ओमान र भारतका बिभिन्न गरी १६ स्कुलहरुले सहभागिता जनाएको प्रतियोगिताको फाइनल खेलमा नेपालले अफगानिस्तानको अफगान यार स्कुललाई ५ रनले पराजित गर्दै प्रतिष्ठित प्रतियोगिताको उपाधि जितेको हो l

मंगलबार राति सम्पन्न फाइनल खेलमा टिमको कप्तानी समेत गरेका यु-१६ रास्ट्रीय क्रिकेट टिमका स्टार खेलाडी अनिल खरेलले फाइनल कसिलो बलिंग गर्दै ३ विकेट हात पारे l फाइनल खेलको म्यान अफ द म्याच घोषित भएका खरेल प्रतियोगिताभर ११ विकेट लिंदै प्रतियोगिताकै उत्कृस्ट बलर समेत घोषित भए l बायाँ हाते स्पिनर खरेलले प्रतियोगिताको उत्कृस्ट फिल्डरको समेत उपाधि आफ्नो बनाए l खरेलले विदुरा स्कुल श्रीलंका विरुद्ध प्रतियोगिताको पहिलो खेलमा ४ विकेट लिएका थिए l

अन्य टिम कप्तान संग एपेक्सका कप्तान अनिल खरेल
अन्य टिम कप्तान संग एपेक्सका कप्तान अनिल खरेल

फाइनल खेलमा पहिले ब्याटिंग गरेको एपेक्सले निर्धारित २० ओभरमा ७ विकेट गुमाई १०१ रन मात्रै बनाउन सक्यो l प्रतिउत्तरमा ब्याटिंग गरेको अफगान यार स्कुललाई एपेक्सले कसिलो बलिंग र फिल्डिंग मदतले २० ओभरमा ९६/९ मै सिमित पारेपछि ५ रनको झिनो अन्तरले नेपाली स्कुल बिजयी भएको थियो l

Anil Kharel
अनिललाई पुरस्कार दिंदै पुर्ब भारतीय क्रिकेटर चेतन शर्मा

फाइनल खेलमा नेपाली टिमलाई पुरस्कार वितरण भारतीय पुर्ब खेलाडी तथा प्रसिद्ध कमेन्टेटर चेतन शर्माले गरेका थिए l

नेपाली टिमले सेमीफाइनल खेलमा सेन्ट एन्ड्रयु पब्लिक स्कुल ( आग्रा ) लाई ८ रनले पराजित गरेको थियो जुन खेलमा यु-१६ रास्ट्रिय क्रिकेट टिमका पुर्ब खेलाडी समेत रहेका सुशान्त सिंह थापाले अविजित ९२ रन बनाएका थिए l टिमले क्वाटरफाइनलमा आयोजक सीएमएस स्कुललाई १७ रनले पराजित गरेको थियो l

प्रतियोगितामा नेपालको अर्को टिम डीएभी सुशील केडियाले पनि सहभागिता जनाएको थियो l

एपेक्स स्कुलको प्रशिक्षण बसन्त शाही ठकुरीले गरेका थिए जसले नेपाललाई एसीसी यु-१६ २०१४ को उपाधि जिताउदा प्रशिक्षण गरेका थिए l सोहि प्रतियोगिताको होनहार खेलाडीको पुरस्कार अनिल खरेले पाएका थिए जसले उक्त प्रतियोगितामा कुल १३ विकेट लिएका थिए भने ओमान संग एकै खेलमा ६ विकेट लिएर चर्चा कमाएका थिए l अनिल खरेल प्रशिक्षक ठकुरीकै उत्पादन हुन् l

यो पनि पढ्नुस :- 





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]