अनिल खरेल र सुनिल धमलाको प्रदर्शनमा ग्रेट हिमालय र पुलिस क्लब बिजयी : आरपीएल टि-२०



  • विकेटनेपाल, असोज-१७  

अनिल खरेलले उत्कृस्ट बलिङ्ग गरेपछि रौतहट प्रिमियर लिग ( आरपीएल ) टि-२० अन्तर्गत समुह ‘बि’ अन्तर्गत पहिलो खेलमा वाईवाई ग्रेट हिमालय क्रिकेट एकेडेमीले पहिलो जित दर्ता गरेको छ। बुधबारनै सम्पन्न समुह ‘बि’ अन्तर्गतको खेलमा नेपाल पुलिस क्लबले जित हात पार्यो।

ग्रेट हिमालयले गढीमाई क्रिकेट क्लबलाई १० विकेटले पराजित गर्दा नेपाल पुलिसले लायन्स युवा क्लबलाई ४ विकेटले पराजित गर्दै दुवै टिमले प्रतियोगितामा बिजयी सुरुवात गरेको हो।

पुलिसको जितमा धमलाको अल-राउण्ड प्रदर्शन 

प्रतियोगिताको पहिलो खेल खेल्ने क्रममा नेपाल पलिस क्लबले लायन्स युवा क्लबलाई ४ विकेटले हरायो।

टस जितेर पहिले ब्याटिंग गरेको लायन्सले २० ओभरमा ९ विकेट गुमाएर ८७ रन मात्रै बनाउन सक्यो। राजेश यादबले सर्वाधिक २३ तथा अस्चल चौधरीले १४ रन बनाए। पुलिसको लागि रामनरेश गिरि र योगेन्द्र कार्कीले समान २/२ विकेट तथा सुनिल धमला र प्रेम तामांगले १/१ विकेट लिए।

Sunil Dhamala
Sunil Dhamala

८८ रनको लक्ष्य पुलिसले १४.१ ओभरमै पुरा गरे पनि ६ विकेट गुमाउन पुग्यो। अभिराज यादबले ३ विकेट लिएपछि पुलिसका ब्याट्सम्यानहरु संघर्ष गरेका थिए। पुलिसको लागि प्लेयर अफ द म्याच सुनिएका सुनिल धमलाले सर्वाधिक २४ रन बनाए।

अनिल खरेल चम्किदा हिमालयको सहज जित

ग्रेट हिमालय क्रिकेट एकेडेमीले प्रतियोगिताको पहिलो जित हात पार्दा गढीमाई क्रिकेट क्लबलाई १० विकेटले पराजित गर्यो।

टस जितेर ब्याटिंग गरेको गढीमाईले दिएको ७४ रनको लक्ष्य ग्रेट हिमालयले ६.२ ओभरमा विकेट नगुमाई पुरा गर्यो। ओपनरद्वय नरेश बुढायर र रबिन जोशीले क्रमश: ३६ ( १७ बल, ५ चौका र २ छक्का ) , ३९ ( २१ बल, १ छक्का , ६ चौका ) अविजित रहँदै टिमलाई जितसम्म पुर्याए।

यस अघि बलिङ्गमा यु-१६ राष्ट्रिय क्रिकेटर रहीसकेका अनिल खरेल एक्लैले ४ विकेट हात पारे। प्लेयर अफ द म्याच समेत चुनिएका देब्रे हाते स्पिनर खरेलले ४ ओभरमा मात्र १४ रन खर्चेका थिए। यस्तै बिक्रम सोब, सोनु तामांग र इशान पाण्डेले पनि समान १/१ विकेट हात पारे।

प्रतियोगिताको यस अघि सम्पन्न समुह चरणको खेलहरु जित्दै समुह ‘ए’ बाट धनगढी क्रिकेट एकेडेमी र रौतहट ११ तथा समुह ‘सी’ बाट ओएसीस क्रिकेट एकेडेमी र मलपोखरी क्रिकेट क्लब क्वार्टरफाइनल प्रवेश गरिसकेका छन्।

प्रतियोगिता अन्तर्गत बिहिबार हुने खेलहरुमा ग्रेट हिमालय क्रिकेट एकेडेमीले गढीमाई तथा नेपाल पुलिस क्लबले लायन्स युवा क्लबको सामना गर्नेछ। क्वार्टरफाइनल खेलहरु असोज २० गतेबाट सुरु हुनेछ।

रौतहट प्रिमियर लिगको बिजेताले नगद ३ लाख ५० हजार सहित ट्रफी, मेडल र प्रमाण पत्र हात पार्ने छन्। यस्तै उपविजेताले नगद १ लाख ५० हजार सहित ट्रफी, मेडल र प्रमाण पत्र हात पार्नेछन्।





थप समाचार

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]

नेपालले ओमानमा चौदेशीय टि-२० सिरिज खेल्ने, आयो खेल तालिका

ओमानमा फेब्रुअरी १७ तारिख देखि सुरु हुने आईसीसी टि-२० विश्वकप ग्लोबल क्वालिफायरको तयारी स्वरूप नेपाली राष्ट्रिय क्रिकेट टिमले चार टिम […]

टि-२० विश्वकप छनोट : नेपालको पहिलो खेल ओमानसंग ( खेल तालिका सहित )

यसै वर्ष अक्टोबर १६ तारिख देखि अस्ट्रेलियामा टि-ट्वान्टी विश्वकप प्रतियोगिता आयोजना हुँदैछ। उक्त प्रतियोगितामा आयोजक अस्ट्रेलिया सहित २०२१ टि-२० विश्वकपको […]

टि-२० विश्वकप : भारत र पाकिस्तानको खेल एमसीजीमा, आयो खेलतालिका

अस्ट्रेलियामा यो वर्ष आयोजना हुने टि-२० विश्वकप प्रतियोगिताको अन्तर्राष्ट्रिय क्रिकेट परिषदले खेल तालिका र समुह बिभाजन शुक्रबार घोषणा गरेको छ। […]

‘आईसीसी टिम अफ द एअर’ : भारतीय खेलाडी छैनन् वानडे र टि-२० टिममा

अन्तर्राष्ट्रिय क्रिकेट परिषद ( आईसीसी ) ले यो वर्षको तिन वटै फर्म्याटको क्रिकेटको ‘टिम अफ द एअर’ घोषणा गरेको छ। […]