दिल्ली पेसर नोर्कियाको विश्वास – “बैंगलोरलाई परास्त गर्नेछौँ”



उत्कृस्ट लयमा रहेको प्रतिद्वन्द्वी रोयल च्यालेन्जर्स बैंगलोर बिरुद्ध खेल्नु अघि दिल्ली क्यापिटल्सका फास्ट बलर एनरिक नोर्कियाले आफ्नो टिम सोमबारको प्रतिद्वन्द्वीलाई पराजित गर्न सक्षम रहेको बताएका छन्।  शनिवार कोलकातालाई पराजित गरेको दिल्लीका आत्मविश्वासी पेसरले योजना अनुसार खेल्दै बेसिकमा टिक्न सक्नुपर्नेमा जोड दिए।

दिल्लीको बैंगलोर बिरुद्ध रेकर्ड खराब रहेको छ। इतिहासमा खेलिएको २३ खेलमा दिल्लीले मात्र ८ खेल जित्न सकेको छ। दिल्ली बिरुद्ध रेकर्डले लयमा रहेको कोहलीको टिमलाई थप बल पुगेको छ।

“हाम्रो लागि राम्रो चुनौती हुनेछ। उनीहरुसंग राम्रो टिम छ भने ठूला नामहरु पनि छन्। तर मलाई लाग्छ हामिसंग पनि राम्रो टिम छ र हाम्रो अभ्यास राम्रो भैरहेको छ।” नोर्कियाले दिल्लीद्वारा जारि गरिएको रिलिजमा बताए।

“हामीले हाम्रो कला देखाउने हो र हामीले खेल्दै आएको जस्तो खेल्ने हो भने खेल पक्कै राम्रो हुनेछ। म विश्वस्त छु कि हामि उनीहरुलाई परास्त गर्ने छौँ।”

दक्षिण अफ्रिकी फास्ट बलरले अघिल्लो खेलमा २२८ रनको योगफल रक्षा गर्ने क्रममा कोलकाता बिरुद्ध उत्कृस्ट बलिंग गरेका थिए। त्यस क्रममा उनले आक्रामक ब्याटिंग गरिरहेका ओएन मोर्गनको महत्वपूर्ण विकेट लिंदै टिमलाई खेलमा फर्काएका थिए। खेलमा २६ वर्षीय बलरले शारजाहको बलरको लागि चुनौतीपूर्ण मैदानमा ३३ रन खर्चेर ३ विकेट लिएका थिए।

“टिमलाई माथि ल्याउन योगदान दिन पाउदा म खुसि छु। मलाई लाग्छ केटाहरुले राम्रो बलिंग गरे। सबै बलरहरुले योजना अनुसार काम गरे।”

“मलाई लाग्छ म आफ्नो मूलमा रहने कोशिस गर्छु र धेरै सोच्दिन। तपाईले जब मैदान ठूलो-सानो, छक्का हान्न सजिलो छ जस्तो कुरा सोच्नु हुन्छ तपाईलाई त्यसले असर गर्छ , त्यसैले आफ्नो क्षमतामा विश्वास गर्नुपर्छ। तपाईले अभ्यासमा जे गर्नुहुन्छ त्यसलेनै तपाईआई अघि बढाउछ।”

आईपीएलमा डेब्यु गरिरहेका नोर्किया यस अघि कोलकाता नाइट राइडरर्स टिममा रहेता पनि ढाडको चोटका कारण खेल्ने भने मौका पाएका थिएनन्। दक्षिण अफ्रीकाको लागि गत वर्ष टेस्ट, टि-२० र वानडे तिन वटै फर्म्याटमा डेब्यु गरेका नोर्कियाले  यो वर्ष मार्चमा अस्ट्रेलिया बिरुद्ध वानडे सिरिजमा ३ खेलमा ६ विकेट लिंदै उत्कृस्ट प्रदर्शन गरेका थिए। उनले ६ टेस्टमा १९ विकेट, ७ वानडेमा १४ विकेट तथा ३ टि-२० मा २ विकेट लिएका छन्।

लिगमा दिल्लीले ४ खेल खेल्दा ३ जित र १ हार बेहोरेको छ। यस क्रममा श्रेयस ऐयर कप्तानीको टिमले हैदरावादसंग १५ रनको हार बेहोरेको थियो भने कोलकातालाई १८ रनले, चेन्नाईलाई ४४ रनले तथा पन्जाबलाई सुपर ओभरमा पराजित गरेको थियो।

पन्जाब बिरुद्ध उत्कृस्ट पुनरागमन जितपछि धोनी, वाटसन र डुप्लेसीले के भने

वाटसन र डु प्लेसीले कीर्तिमानी साझेदारी गर्दा चेन्नाईको शानदार जित

“अन्तिममा सम्भवतः ७-८ वटा फुल टस मैले गने”- वार्नर

हैदरावादलाई पराजित गर्दै मुम्बई अंकतालिकाको शिर्षमा

कोरोनाका कारण डिपीएलको चौथो संस्करण सर्यो





थप समाचार

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]