नोर्कियाले गरे आईपीएल इतिहासकै तीव्र गतिको बल, कति थियो गति



दिल्ली क्यापिटल्सका फास्ट बलर एनरिक नोर्कियाले बुधबार राजस्थान रोयल्स बिरुद्ध इन्डिएन प्रिमियर लिग इतिहासकै सबैभन्दा तीव्र गतिको बल फालेका छन्। खेलमा ४ ओभरमा ३३ रन खर्चिएका नोर्कियाले २ विकेट लिएका थिए। कीर्तिमान सहित राजस्थान बिरुद्ध १३ रनको जितमा नोर्किया प्लेयर अफ द म्याच समेत चुनिए।

लिगमा लगातार उत्कृस्ट बलिंग गरिरहेका दक्षिण अफ्रिकी बलर नोर्कियाले दोश्रो इनिंगको तेश्रो ओभरमा नयाँ कीर्तिमान बनाएका हुन्। ओभरको पाँचौ बलमा जोस बटलरलाई उनले कीर्तिमानी १५६.२ किलोमिटर प्रतिघण्टाको गतिमा बल फालेका थिए। उक्त बललाई बटलरले चौका प्रहार गरेका थिए।

उक्त ओभरमा नोर्कियाले तीव्र गतिको बलहरु फाल्ने क्रममा पहिलो बलमा १४८.२, दोश्रो बलमा १५२.३, तेश्रो बलमा १५२.१ तथा चौथो बलमा १४६.४ किलोमिटर प्रतिघण्टाको गतिमा फालेका थिए। पाँचौ बलमा कीर्तिमानी बल फालेता पनि चौका खाएका उनले छैठौं बलमा १५५.१ किलोमिटर प्रतिघण्टाको बल फाल्दै बटलरलाई बोल्ड गरे। बटलर बोल्ड भएको बल लिग इतिहासकै दोश्रो उच्च गतिको बल थियो।

राजस्थान रोयल्स बिरुद्धको जितमा प्लेयर अफ द म्याच चुनिएका नोर्कियाले खेलपछि कुराकानी गर्ने क्रममा आफूले १५६ किमी/घण्टाको बल गरेको थाहा नपाएको बताए- “मलाई थाहा थिएन मैले १५६ को गतिमा बलिंग गरे तर सुन्दा खुसि लाग्यो। राम्रो नतिजा आउदा निकै खुसि लागेको छ। म आफ्नो बलियो पक्षमा फोकस गरिरहेको थिए र स्टम्पलाई टार्गेट गर्दै फास्ट बल फालीरहेको थिए।” नोर्कियाले बताए।

जारि लिगमा ७ खेलमा नोर्कियाले १० विकेट लिएका छन् जुन क्रममा ७.३४ रन प्रति ओभर रन खर्चेका छन्।

आईपीएलमा डेब्यु गरिरहेका नोर्किया यस अघि कोलकाता नाइट राइडरर्स टिममा रहेता पनि ढाडको चोटका कारण खेल्ने भने मौका पाएका थिएनन्। दक्षिण अफ्रीकाको लागि गत वर्ष टेस्ट, टि-२० र वानडे तिन वटै फर्म्याटमा डेब्यु गरेका नोर्कियाले यो वर्ष मार्चमा अस्ट्रेलिया बिरुद्ध वानडे सिरिजमा ३ खेलमा ६ विकेट लिंदै उत्कृस्ट प्रदर्शन गरेका थिए। उनले ६ टेस्टमा १९ विकेट, ७ वानडेमा १४ विकेट तथा ३ टि-२० मा २ विकेट लिएका छन्।

डेल स्टेनको नाममा थियो रेकर्ड 

आईपीएलमा यस अघि सबैभन्दा तिब्र गति बलिंगको रेकर्ड डेल स्टेनको नाममा रहेको थियो जसले २०१२ मा डेक्कन चार्जर्सको प्रतिनिधित्व गर्ने क्रममा रोयल च्यालेन्जर्स बैंगलोर विरुद्ध १५४.४० को गतिमा बल फालेका थिए। ८ वर्ष पछि नोर्कियाले उक्त कीर्तिमान तोडेका हुन्। अब स्टेनको उक्त बल लिग इतिहासको चौथो तीव्र गतिको बल बनेको छ। उच्च गतिको शिर्ष ३ बल नोर्कियाले फालेका छन्।

जारि सिजन सबैभन्दा तीव्र गतिको ५ वटा बल नोर्कियाले फालेका छन्। छैठौं तीव्र गतिको बल जोफ्रा आर्चरले फालेका छन् जसको गति १५३.६२ रहेको थियो। आर्चरले कोलकाता बिरुद्धको खेलमा उक्त बल फालेका थिए। यो सिजन सबैभन्दा तिब्र गतिको १० बल मध्ये ६ बल नोर्कियाले र ४ बल आर्चरले फालेका छन्।

लिग इतिहासको १० उच्च गतिको बल

आईपीएल इतिहासको तीव्र गति बल फाल्ने ७ बलर 

एनरिक नोर्किया – १५६.२२ किलोमिटर प्रतिघण्टा ( २०२० )

डेल स्टेन – १५४.४० किलोमिटर प्रतिघण्टा ( २०१२ )

कागीसो रबाडा – १५४.२३ किलोमिटर प्रतिघण्टा ( २०१९ )

जोफ्रा आर्चर – १५३.६२ किलोमिटर प्रतिघण्टा ( २०२० )

प्याट कमिन्स – १५३.५६ किलोमिटर प्रतिघण्टा ( २०२० )

शन टेट – १५३.४३ किलोमिटर प्रतिघण्टा

नभदिप सैनी – १५२.८५ किलोमिटर प्रतिघण्टा

रोमान्चक खेलमा राजस्थानलाई पराजित गर्दै दिल्ली पुनः शिर्षमा

इमरान ताहिरको सबैको मन जित्ने ट्वीट

निको भए गेल, बैंगलोर बिरुद्ध गेल खेल्ने सम्भावना प्रवल, कसलाई गर्लान् प्रतिस्थापन



थप समाचार

एलपीएल : परेराको अर्को आक्रामक इनिंग, जाफ्नाको विजय यात्रा कायमै

लंका प्रिमियर लिग अन्तर्गत मंगलबार सम्पन्न २ वटा खेलमा दाम्बुला भाइकिंग र जाफ्ना स्टालियन्स विजयी भएका छन्। महिन्दा राजापाक्षे स्टेडियममा […]

मलान चम्किदा इंग्ल्यान्डको सिरिज क्लिन स्विप, बन्यो साझेदारीको नयाँ विश्वकीर्तिमान

दविड मलानले शानदार ब्याटिंग गर्दा तेश्रो टि-२० मा दक्षिण अफ्रीकालाई ९ विकेटले पराजित गर्दै इंग्ल्यान्डले सिरिज क्लिन स्विप गरेको छ।केपटाउनमा […]

एलपीएल : अफ्रिदी कप्तानीको ग्ल्याडीएटर्सको लगातार तेश्रो हार

लंका प्रिमियर लिग अन्तर्गत सोमबार राति सम्पन्न दिनको दोश्रो खेलमा कुशल परेरा कप्तानीको क्यान्डी टस्कर्सले शाहिद अफ्रिदी कप्तानीको गाल ग्ल्याडीएटर्सलाई […]

एलपीएल : जाफ्नाको जितमा कप्तान परेराको विस्फोटक इनिंग

कप्तान थिसारा परेराले शानदार अलराउण्ड प्रदर्शन गर्दा दाम्बुला भाइकिंगलाई ६६ रनले पराजित गर्दै जाफ्ना स्टालिएन्स लंका प्रिमियर लिग अंकतालिकामा शिर्ष […]

टि-ट्वान्टी सिरिजका लागि चोटिल वार्नरको प्रतिस्थापनमा शर्ट, कमिंसलाई विश्राम

अष्ट्रेलियाका बायाँ हाते ओपनर ब्याट्सम्यान डेविड वार्नर चोटका कारण भारत विरुद्धको अन्तिम एक दिवसीय तथा टि-ट्वान्टी अन्तर्राष्ट्रिय सिरिजबाट बाहिरिएका छन्। […]

प्रधानमन्त्री कप पुरुष र महिला राष्ट्रिय प्रतियोगिता पुष दोश्रो साता आयोजना हुने

नेपाल क्रिकेट संघले पुरुष र महिला प्रधानमन्त्री कप एकदिवसीय राष्ट्रिय क्रिकेट प्रतियोगिताको आयोजना गर्ने भएको छ। दुवै प्रतियोगिताको लागि खेलाडी छनौट […]