लुम्बिनी खुकुरी फाइनलमा, अन्तिम थापाको उत्कृस्ट ब्याटिंग : रुपन्देही सुपर लिग

antim thapa


  • विकेटनेपाल-भैरहवा, २ फागुन

लुम्बिनी खुकुरी क्रिकेट क्लब, नेपाल टेलिकम रुपन्देही सुपरलिग क्रिकेट प्रतियोगिताको फाइनलमा प्रबेश गरेको छ।

सोमबार सम्पन्न पहिलो सेमिफाइनलमा वेष्टर्न क्रिकेट क्लब बुटवललाई ९२ रनको फराकिलो अन्तरले पराजित गर्दै साबिक उप-बिजेता लुम्बिनी खुकुरी उपाधी नजिक पुगेको हो।

टस जितेर ब्याटिंग रोजेको लुम्बिनी खुकुरीले निर्धारित ४० ओभरको खेलमा ९ विकेट गुमाई २ सय २१ रनको योगफल तयार गरेको थियो। जसमा कप्तान अन्तिम थापाले आकर्षक ७३ रन बनाए भने सबिन शाक्यले ३५, बिजय सुनार २४, मान बहादुर थापाले १५ रनको योगदान दिए । वेस्टर्नका वीरेन्द्र सोमरे र बिक्रम भुषालले समान २-२ विकेट लिए।

प्रतिउत्तरमा वेस्टर्न ३० ओभर ३ बलमा १२९ रन बनाउँदै अलआउट भयो। वेस्टर्नकान भुवन पाण्डेले ३१, बिक्रम भुषाल २६, सौरभ खनाल २२ र देब खनालले १७ रन बनाए । वेस्टर्नलाई सस्तैमा समेट्ने क्रममा लुम्बिनी खुकुरीका शाह आलमले ४ , रोहित पौडेलले ३, दुर्गेश गुप्ताले २ विकेट लिएका थिए ।

खेलमा लुम्बिनी खुकरीका अन्तिम थापा म्यान अफ द म्याच हुँदै पुरस्कृत भए । लुम्बिनी खुकुरी गत वर्ष सुपरलिगको फाइनलमा होराईजनसंग पराजित भएको थियो।

दोश्रो सेमिफाईनल खेलमा मंगलबार श्री शिबशक्ति क्रिकेट क्लब भैरहवा र एपेक्स क्रिकेट क्लब शंकरनगर बीच प्रतिष्पर्धा हुने आयोजक रुपन्देही क्रिकेट संघका अध्यक्ष प्रशान्त बिक्रम मल्लले बताए।

रुपन्देही क्रिकेट संघको आयोजना, नेपाल टेलिकमको प्रमुख प्रायोजन र बुम रेमिटको सहप्रायोजनमा जारी प्रतियोगिता फागुन ४ गतेसम्म सञ्चालन हुनेछ । प्रतियोगिताका बिजेताले ५० हजार, उपबिजेताले २५ हजार, उत्कृष्ट खेलाडीले १० हजार, उत्कृष्ट बलर र उत्कृष्ट ब्याट्सम्यान दुबैले ५/५ हजार नगद पुरस्कार पाउने छन् ।





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]