एपेक्स र न्यु होराईजनको जित

nurdhoj sen


  • विकेटनेपाल- ५ चैत्र भैरहवा ।

रुपन्देही क्रिकेट संघको आयोजनामा भैरहवास्थित सिद्धार्थ रंगशालामा जारी शशिकान्त–सकुन्तला बर्मा टि–२० क्रिकेट प्रतियोगितामा शनिबार भएको पहिलो खेलमा समुहसीको एपेक्स क्रिकेट क्लबले देवदह क्रिकेट क्लबलाई चार विकेट हरायो ।

टस जितेर पहिले ब्याटिङ गरेको देवदह १९.४ ओभरमा ९१ रनमै अल आउट भयो । उसका लागि दिपक भण्डारीले २२ रन,रोशन गौतमले १९ रन र सुरज दराईले १५ रन जोडे । ब्याट्सम्यानबिच तालमेल नहुदा देवदहले रन आउटमै विकेट गुमाएको थियो । एपेक्सको बलिङमा अर्जुन बस्याल एक्लैले चार विकेट लिए । महेन्द्र सुबेदी ३ विकेट लिए ।

जवाफी ब्याटिङमा उत्रेको एपेक्सले १३.५ ओभरमा ६ विकेटको क्षतिमा ९२ रन बनाउदै लक्ष्य पुरा ग¥यो । उसको जितमा महेन्द्र सुबेदीले २५ रनको योगदान दिए । उनि खेलमा म्यान अफ दि म्याच चूनिए । सुसान्त शिंह थापाले २२ रन बनाए । देवदहको बलिङको सुरज दराईले तीन र सर्गम चौधरीले दुई विकेट लिए ।

त्यस्तै शनिबार नै भएको दोस्रो खेलमा समुह डीको न्यु होराइजनले शिवशक्ति क्रिकेट क्लबलाई ३३ रनले पराजित गर्यो । टस जितेर पहिले ब्याटिङ गरेको न्यु होराईजले निर्धारित २० ओभरमा ९ विकेटको क्षतिमा १ सय २२ रन बनायो । उसका लागि नुरध्वोज सेनले ३७ रन बनाए । विवेक न्यौपानेले १५ र कुशल मल्लले १३ रन जोडे । शिवसक्तिको बलिङमा विष्णु कटरियाले तीन तथा कृष्ण कार्की र दुर्गेश कुर्मीले २ विकेट लिए ।

जवाफी ब्याटिङमा मैदान छिरेको शिवशक्ति १८ ओभरमा ८९रनमै अलआउट भयो । शिबशक्तिका लागि निकेस जुगजैलीले १८ रन तथा विष्णु कटरिया र इमरान खानले समान १४ बनाए । न्युहोराईजनको बलिङमा कुशल मल्ल,विशाल सुनार र गणेश गौडेलले समान दुई विकेट लिए ।

प्रतियोगिताका विजेताले नगद रु. ५० हजार र ट्रफी, उपविजेताले नगद रु. २५ हजार र ट्रफी प्राप्त गर्नेछन् ।उत्कृष्ट खेलाडीले नगद रु. १० हजार, बेष्ट ब्याट्सम्यान तथा बेष्ट बलरले नगद रु.५/५ हजार प्राप्त गर्नेछन् l प्रत्येक दिनको म्यान अफ दि म्याचले रु १००० प्राप्त गर्नेछन्। प्रतियोगिता चैत १२ गतेसम्म संचालन हुनेछ ।

प्रतियोगितालाई अमेरिका निवासी विवेक बर्माले आफ्नो स्वर्गीय आमा÷बुवाको नाममा स्पोन्सर गरेका छन् । स्वर्गीय शशिकान्त बर्मा रुपन्देही जिल्लाको क्रिकेट खेलको विकासमा अम्पायर तथा खेलाडीको रुपमा योगदान पु¥याउने व्यक्तित्व मानिन्छन् भने स्वर्गीय सकुन्तला बर्मा रुपन्देही जिल्लाको महिला नेतृ थिइन् ।





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]