एपेक्सको सेमिफाइनल सम्भावना बलियो



  • विकेटनेपाल – भैरहवा, २४ माघ ।

भैरहवाको सिद्धार्थ रंगशालामा जारी नेपाल टेलिकम रुपन्देही सुपर लिग अन्तर्गत ‘ए’ डिभिजनको समूह ‘बी’ को सोमबार भएको दोस्रो खेलमा एपेक्स क्रिकेट क्लब शंकरनगरले ज्ञानोदय क्रिकेट क्लब करहियालाई ९ विकेटले हराउँदै विजयी भएको छ । जितसँगै एपेक्सले सेमिफाइनलको सम्भावनालाई बलियो बनाएको छ ।

टस हारेर ब्याटिङ गर्ने अवसर पाएको ज्ञानोदयले निर्धारित ४० ओभरको खेलमा २६.३ ओभरमा सबै विकेट गुमाउँदै ७१ रन मात्र बनाउन सक्यो । ज्ञानोदयका लागि सन्तोष क्षेत्रीले २५ तथा विशाल गोतामेले १५ रन बनाए । ज्ञानोदयलाई सस्तैमा समेट्ने क्रममा एपेक्सका मोइनुद्दीन खाँन र अर्जुन बश्यालले समान ३/३ तथा महेन्द्र सुवेदी र अनिल खरेलले २/२ विकेट लिए ।

प्रतिउत्तरमा ७२ रनको विजयी लक्षय पाएको एपेक्सले ११ ओभरमा १ विकेटको नोक्सानीमा ७४ रन बनाउँदै विजयी हासिल गर्यो । एपेक्सको जितमा विपिन न्यौपानेले २५, महेन्द्र सुवेदीले २० रन बनाएका थिए । ज्ञानोदयका सन्तोष क्षेत्रीले १ विकेट लिए । खेलको म्यान अफ द म्याच ऐक्सका मोइनुद्दीन खाँन घोषित भए। अब यो समूहमा रहेको प्रोफेसनल मास्टर्स ११ र एपेक्स बीच हुने खेलले यो समूहबाट सेमिफाइनलमा जाने टिमको टुंगो लाग्ने छ । हारका बाबजुत पनि ज्ञानोदयको सेमिफाइनलको बाटो एपेक्स र मास्टर्स ११ को खेलमा निर्भर छ ।

रुपन्देही क्रिकेट संघको आयोजना, नेपाल टेलिकमको प्रमुख प्रायोजन र बुम रेमिटको सहप्रायोजनमा जारी प्रतियोगिता अन्तरग मंगलबार समूह सीमा रहेका होराइजन क्रिकेट क्लब बुटवल र वेष्टन क्रिकेट क्लब बुटवलबीच प्रतिस्पर्धा हुनेछ । जारी प्रतियोगिता फागुन ४ गतेसम्म संचालन हुने छ । प्रतियोगिताका बिजेताले ५० हजार, उपबिजेताले २५ हजार, उत्कृस्ट खेलाडीले १० हजार, उत्कृस्ट बलर र उत्कृस्ट ब्याट्सम्यान दुबैले ५/५ हजार नगद पुरस्कार पाउने छन् ।





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]