महिला प्रम कप : एकतर्फी खेलमा लुम्बिनीलाई पराजित गर्दै प्रदेश-१ फाइनलमा



दाङमा जारि प्रधानमन्त्री कप महिला राष्ट्रिय टि-२० प्रतियोगिताको दोश्रो सेमीफाइनलमा प्रदेश-१ ले लुम्बिनी प्रदेशलाई १० विकेटले पराजित गरेको छ।

प्रतियोगिताको फाइनलमा प्रदेश-१ ले आइतबार शशस्त्र प्रहरी बल ( एपीएफ ) संग प्रतिस्पर्धा गर्नेछ। डिफेन्डिङ च्याम्पियन एपीएफले शनिवारनै सम्पन्न पहिलो सेमीफाइनलमा सुदूरपश्चिम प्रदेशलाई ९ विकेटले पराजित गरेको थियो।

लमही क्रिकेट मैदानमा सम्पन्न दोश्रो सेमीफाइनलमा लुम्बिनीले दिएको ५३ रनको लक्ष्य प्रदेश-१ ले विकेट नगुमाई ८.५ ओभरमा भेटायो। स्कोरकार्ड 

प्रदेश-१ कप्तान रुबिना क्षेत्रीले ३० बलमा २ चौका र १ छक्का मद्दतले अविजित २६ तथा काजल श्रेष्ठले २३ बलमा २ चौका मद्दतले २२ रन बनाउदै टिमलाई जितसम्म पुर्याए।

यस अघि टस जितेर ब्याटिंग रोजेको लुम्बिनी प्रदेश १४.१ ओभरमा ५२ रनमै सम्पूर्ण विकेट गुमाएको थियो।

लुम्बिनीको लागि नितु भण्डारीले २१ रन बनाउनु बाहेक अन्य खेलाडीले दोहोरो अंकमा रन बनाउन सकेनन्। उसका ५ जना ब्याट्सउमन रन आउट भए भने १ जना स्टम्प आउट भए। प्रदेश-१ को बलिंगमा निगिमा तामांग र संगीता राईले समान २ विकेट तथा रुबिना क्षेत्रीले १ विकेट लिए।

प्रतियोगिताको विजेता टिमले ५ लाख रुपैयाँ तथा उपविजेताले ३ लाख रुपैयाँ प्राप्त गर्नेछन्। यस्तै सेमीफाइनलमा पराजित हुने दुई टिमले २५ हजार रुपैयाँ प्राप्त गर्नेछन्। प्रतियोगिताको उत्कृस्ट खेलाडीले २१ हजार तथा उत्कृस्ट ब्याटिंग र बलिंग गर्ने खेलाडीले समान १० हजार रुपैयाँ प्राप्त गर्नेछन्।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]