PM CUP : सनसनीपूर्ण खेलमा एपीएफद्वारा गण्डकी २ रनले पराजित



सनसनीपूर्ण खेलमा गण्डकी प्रदेशलाई २ रनले पराजित गर्दै नेपाल एपीएफ क्लबले प्रधानमन्त्री कप टि-ट्वान्टी राष्ट्रिय प्रतियोगितामा लगातार तेश्रो जित दर्ता गरेको छ। एपीएफले यस अघि प्रदेश-२ र बागमती प्रदेशलाई पराजित गरेको थियो। स्कोरकार्ड 

मुलपानी मैदानमा सम्पन्न खेलमा एपीएफले दिएको ९३ रनको लक्ष्य पछ्याउने क्रममा गण्डकी प्रदेशले २० ओभर ब्याटिंग गर्दै ७ विकेट क्षेतीमा ९० रन बनायो।

जितको लागि गण्डकीलाई अन्तिम ४ ओभरमा २१ रन आवस्यक थियो र साथमा ७ विकेट सुरक्षित। सत्रौं ओभरमा अविनाश बोहराले ५ रन खर्चेर ३६ रन बनाएका बिपिन खत्रीलाई क्याच आउट पारे। त्यसपछि अठारौं ओभरमा किशोर महतोले मात्र ३ रन खर्चेर एक विकेट लिए। अन्तिम दुई ओभरमा १३ रन आवस्यक हुँदा अविनाश बोहराले उन्नाईसौं ओभरमा ७ रन खर्चिए।

अन्तिम ओभरमा जित्न ६ रन आवस्यक हुँदा किशोर महतोले ओभरको पहिलो बल डट गरे भने दोश्रो बलमा २९ रन बनाएका बिधान श्रेष्ठलाई क्याच आउट पारे। त्यसपछि तेश्रो बलमा पनि उनले रन दिएनन्। चौंथो बलमा कृष्ण पौडेलले १ रन लिए। २ बलमा जित्न ५ रन आवस्यक हुँदा बिशाल पौडेल रन आउट हुन पुगे। त्यसपछि अन्तिम बलमा कृष्ण पौडेलले १ रन मात्र बनाउन सके। अन्तिम ओभरमा किशोरले मात्र ३ रन खर्चिए।

१९ रनमा २ विकेट गुमेपछि बिधान श्रेष्ठ र बिपीन खत्रीले तेश्रो विकेटको लागि ५८ रनको साझेदारी गरेता पनि जित्न पर्याप्त रहेन।

एपीएफको बलिंगमा कमल सिंह ऐरीले ३ ( ४-०-१०-३ ) , किशोर महतोले २ ( ४-०-१७-२ ) तथा अविनाश बोहराले १ विकेट लिए।

यस अघि टस जितेर ब्याटिंग गरेको एपीएफले १८.४ ओभरमा सबै विकेट गुमाएर ९२ रन बनाएको थियो। एपीएफको लागि प्रदिप ऐरीले सर्वाधिक १७, दिपक बोहराले १५, आसिफ शेखले १६, सुमित महर्जनले १२ तथा सन्दिप जोराले १० रन बनाए।

गण्डकीका बलर कमल परियारले ३, बिशाल पौडेलले २ तथा चन्द्र पौडेल, कृष्ण पौडेल र सुबाश भण्डारीले समान १ विकेट लिए।





थप समाचार

BBL : दबाबमा सन्दिपको राम्रो बलिंग, मेलबर्न बिरुद्ध लिए २ विकेट

दबाबमा सन्दिप लामिछानेले राम्रो बलिंग गर्दा मेलबर्न रेनेगेड्सलाई ६ रनले पराजित गर्दै होबार्ट हरिकेन्सले सातौँ जित दर्ता गरेको छ। मेलबर्नको […]

आर्मीलाई ४७ रनले हराउँदै एपीएफ फाइनलमा

त्रिभुवन आर्मी क्लबलाई ४७ रनले हराउँदै नेपाल एपीएफ क्लब जारि प्रधानमन्त्री कप राष्ट्रिय टि-ट्वान्टी प्रतियोगिताको फाइनलमा प्रवेश गरेको छ । […]

लोकेशको कीर्तिमानी अर्धशतक

नेपाल एपीएफ क्लबका आक्रामक युवा ब्याटर लोकेश बमले जारि प्रधानमन्त्री टि-ट्वान्टी राष्ट्रिय प्रतियोगिता अन्तर्गत त्रिभुवन आर्मी क्लबविरुद्धको दोस्रो सेमिफानल खेलमा […]

दिपेन्द्रको घातक बलिंग, पुलिस फाइनलमा

पहिलो सेमिफाइनलमा बागमती प्रदेशलाई ५० रनको फराकिलो अन्तरले पराजित गर्दै जारि प्रधानमन्त्री कप टि-ट्वान्टी राष्ट्रिय प्रतियोगितामा विभागीय टोलि नेपाल पुलिस […]

देव खनाल र अनिल खरेल चम्कदा लुम्बिनीद्वारा गण्डकी सहजै पराजित

अनिल खरेल र देव खनाल चम्कदा जारि प्रधानमन्त्री टि-ट्वान्टी राष्ट्रिय प्रतियोगितामा लुम्बिनी प्रदेशले गण्डकी प्रदेशलाई ५ विकेटले हराउँदै प्रतियोगितामा सुखद […]

राजुको अर्धशतकमा सुदूरपश्चिम विजयी, सेमिफाइनल समिकरण पुरा

ओपनर राजु रिजालले अर्धशतकी पारि खेल्दा जारि प्रधानमन्त्री कप टि-ट्वान्टी राष्ट्रिय प्रतियोगितामा सुदूरपश्चिमले प्रदेश १ माथि ७ विकेटको जित निकालेको […]