एपीएफले उपाधि जित्दा कप्तान सिता प्रतियोगिताकै उत्कृस्ट



सुदूरपश्चिम प्रदेशलाई ८ विकेटले सहजै पराजित गर्दै विभागीय टोलि शशस्त्र प्रहरी बल ( एपीएफ ) ले पहिलो संस्करणको ललितपुर मेयर्स महिला च्याम्पियनसिपको उपाधि जितेको छ।

तिन महिना अघि दाङको लमहीमा सम्पन्न प्रधानमन्त्री कप महिला राष्ट्रिय क्रिकेटमा फाइनलमा प्रदेश-१ संग ६ रनले पराजित हुँदै उपाधि जित्न चुकेको एपीएफले यो पटक भने कुनै गल्ति गरेन।

टियु क्रिकेट मैदानमा सम्पन्न खेलमा सुदूरपश्चिमले दिएको १०७ रनको लक्ष्य एपीएफले मात्र २ विकेट गुमाएर १६.२ ओभरमै भेटायो। स्कोरकार्ड

लक्ष्य पछ्याउने क्रममा एपीएफ ओपनर ज्योति पाण्डे र सिता राना मगरले ६९ रनको साझेदारी गर्दै जितको आधार तयार गरेका थिए। ११ औं ओभरमा सिता र १३ औं ओभरमा ज्योति रन आउट हुँदा सुदूरपश्चिम खेलमा फर्किएको थियो। ज्योतिले ३६ रन तथा सिताले २७ रन बनाईन्। तेश्रो विकेटको लागि इन्दु बर्मा र ममता चौधरीले ३० रनको साझेदारी गर्दै टिमलाई जितसम्म पुर्याए।

यस अघि टस जितेर ब्याटिंग गरेको सुदूरपश्चिमले २० ओभर ब्याटिंग गर्दै ७ विकेट क्षेतीमा १०६ रन बनाएको थियो।

सुदूरपश्चिमको लागि बिन्दु रावलले अविजित ४४ रन, कविता कुँवरले १३ रन, डली भट्टले १४ रन तथा रेवती धामीले १० रन योगदान दिए।

एक समय १२ औं ओभरमा ६६ रन बनाउदा मात्र २ विकेट गुमाएको सुदूरपश्चिमले त्यसपछि भने नियमित अन्तरलमा विकेट गुमाउन पुगेको थियो। फलस्वरुप उसले त्यसपछि ८ ओभरमा मात्र ४० रन बनाउन सक्यो।

एपीएफको बलिंगमा रेखा रावल, करुणा भण्डारी, सुष्म श्रेष्ठ, सिता राना मगर र बिनु बुढा मगरले समान १ विकेट लिए।

खेलको प्लेयर अफ द म्याच ज्योति पाण्डे चुनिईन्।

प्रतियोगिताकै उत्कृस्ट खेलाडी एपीएफ कप्तान सिता राना मगर चुनिईन् जसले प्रतियोगिताभर कुल १२३ रन बनाउनुको साथै ५ विकेट समेत लिएकी थिईन्। यस्तै प्रतियोगिताकै उत्कृस्ट ब्याट्सउमन प्रदेश-१ की रुबिना क्षेत्री घोषित भईन् जसले ४ कुल १६१ रन बनाएकी थिईन्। प्रतियोगिताकै उत्कृस्ट बलर एपीएफकी बिनु बुढा मगर चुनिईन् जसले ५ खेलमा १० विकेट नाम गरिन्। उत्कृस्ट खेलाडी चुनिएकी सिताले २५ हजार रुपैयाँ हात पारिन् भने उत्कृस्ट ब्याट्सउमन र बलर चुनिएका रुबिना र बिनुले १५ हजार रुपैयाँ प्राप्त गरे।

उपाधि जितेको एपीएफले ३ लाख रुपैयाँ तथा उपविजेता सुदूरपश्चिमले १ लाख ५० हजार रुपैयाँ प्राप्त गर्यो।

धेरैले पढेको 

मुम्बई बिरुद्ध रोमान्चक जित पछि कोहलीद्वारा कीर्तिमानी हर्षलको तारिफ

IPL : दोश्रो खेलमा चेन्नाई र दिल्लीको भेट, कस्तो हुनेछ दुवै टिमको अन्तिम-११





थप समाचार

EPL : आजको दुवै खेल टस समेत नभई स्थगित, स्थगित खेल नयाँ मितिमा हुन सक्ने

चौंथो संस्करणको एभरेस्ट प्रिमियर लिग ( ईपीएल ) अन्तर्गत तेश्रो दिन सोमबारको दुई वटै खेल टस समेत हुन नपाई स्थगित […]

अफ्रिदी खेल्ने अन्तिम खेल मैदान भिजेको कारण रद्ध

चौथौ संस्करणको एभरेष्ट प्रिमियर लिग (ईपिएल टि-२०) अन्तर्गत सोमबारको पहिलो खेल मैदान भिजेको कारण रद्ध हुन पुगेको छ | हिजो […]

EPL मा आज पनि दुई खेल हुँदै

चौंथो संस्करणको एभरेस्ट प्रिमियर लिग ( ईपीएल ) टि-ट्वान्टी अन्तर्गत सोमबार तेश्रो दिन पनि दुई वटा खेलहरु हुनेछन्। दिनको पहिलो […]

हर्षलको ह्याट्रिक, बैंगलोर बिरुद्ध मुम्बईको इतिहासकै कम योगफल

हर्षल पटेलले ह्याट्रिक विकेट लिंदा डिफेन्डिङ च्याम्पियन मुम्बई इन्डीएन्सलाई ५४ रनले पराजित गर्दै रोयल च्यालेन्जर्स बैंगलोरले चौंथो खेलमा हारको शिलशिला […]

EPL : अम्पायरको निर्णयको बिरोध गर्दा विलियम्सलाई कारवाही

काठमाडौँमा जारी चौंथो संस्करणको एभरेस्ट प्रिमियर लिग ( ईपीएल ) को आइतबार सम्पन्न पोखरा राइनोज र भैरहवा ग्ल्याडीएटर्स बीचको खेलमा […]

ईपीएलमा करनको कप्तानी अनुभव “गार्हो नै हुने रैछ “

एभरेस्ट प्रिमीयर लिग अन्तर्गत दोश्रो दिन सम्पन्न लिगको दोश्रो खेलमा चितवन टाइगर्ससंग पराजित भएपछि बिराटनगर वारियर्सका कप्तान करन केसीले आज […]