पुलिसमाथि रोमान्चक जित हात पार्दै एपीएफ फाइनलमा



  • विकेटनेपाल – २७ जेठ, शनिबार

सशस्त्र प्रहरी बलको एपीएफ क्लब राजधानीमा जारि प्रदेश स्तरीय प्रधानमन्त्री कप एकदिवसीय क्रिकेट प्रतियोगिताको फाइनलमा प्रवेश गरेको छ। किर्तिपुर मैदानमा आज सम्पन्न दोश्रो सेमिफाइनल खेलमा एपीएफले अर्को विभागीय टोलि नेपाल पुलिस क्लब माथि डकवर्थ लुइस नियमको आधारमा ९ रनको रोमान्चक जित दर्ता गर्यो। स्कोरकार्ड

टस जितेर पहिले ब्याटिंग गर्दै एपीएफले  निर्धारित ५० ओभरको खेलमा ४८.५ ओभर खेल्दै मात्र २०८ रन बनाउँदा सबै विकेट गुमाएको थियो। उसका लागि ओपनर ब्याट्सम्यान अनिल शाहले ४५ रन बनाउँदै पहिलो विकेटको लागि सुबास खकुरेल (२१ रन) सँग मिलेर ५७ रनको तथा चौथौ विकेटल लागि पृथु बास्कोटा(४०) सँग ६३ रन साझेदारी गरेका थिए। रोहित पौडेलले  ३२ रनको योगदान गरे। निकै खराब फिल्डिंग गरेको नेपाल पुलिसका खेलाडीले ४ क्याच छुटाएका थिए तर पृथु बास्कोटाको विकेट सँगै पुलिस एपीएफलाई लगातार दबाबमा राख्दै २०८ रनमा रोक्न सफल भयो।

बलिंगतर्फ नेपाल पुलिस क्लबका दिपेन्द्रसिंह ऐरीले सर्वाधिक ३ विकेट हासिल  गरे भने आरिफ शेख र ललित राजबंशीले समान २-२ विकेट चट्काएका थिए।

जवाफमा २०९ रनको लक्ष्य पछ्याएको नेपाल पुलिस क्लबले १४.४ ओभरमा सुनिल  धमलाको २४ र दिपेन्द्र सिंह ऐरीको १३ रनको मद्दतमा २ विकेटको क्षति ५९ रन बनाएको थियो । तर त्यसपछि बर्षा बाधक बन्दा खेललाई २८ ओभरमा झारिएको थियो जहाँ  नेपाल पुलिस क्लबले १४१ रनको लक्ष्य पाएको थियो। त्यसपछि लगातार विकेट गुमाउँदा २८ ओभरमा ९ विकेट गुमाएर १३१ रनमात्र बनाउन सक्यो। पुलिसको इन्निंगमा कुशल भुर्तेलले सर्वाधिक ३० रन बनाउदै अन्तिमसम्म प्रयास गरेका थिए ।

बलिंगतर्फ म्यान अफ द म्याच समेत घोषित एपीएफका अमर सिंह रौटेलाले ३ विकेट लिन ३० रन खर्चेका थिए भने कप्तान बसन्त रेग्मीले २ विकेट लिए। कारण केसी  र कमलसिंह ऐरीको नाममा १/१ विकेट रह्यो।

प्रतियोगिताको फाइनल खेल सोमबार बिहान ९ बजेदेखि सुरुहुने छ। यसअघि त्रिभुवन आर्मी क्लब र एपीएफ क्लबबिचको खेल आइतबार हुने जनाईएपनि आयोजकले आज जानकारी दिँदै खेल आइतबार हुने जनाएका छन्।





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]