अपीको दोहोरो जित

अपीले क्यानभास इन्डोर अन्तरविद्यालय क्रिकेट प्रतियोगितामा आइतबार दोहोरो जित हात पारेको छ । अपीले आयोजक क्यानभासलाई ६ विकेट तथा नाइटिङगेललाई सुपर ओभरमा पराजित गर्यो।

नेपाल क्रिकेट स्कुल (एनसीएस) द्वारा आयोजित प्रतियोगितामा विराटले पनि दोहोरो जित निकाल्यो । विराटले पुष्प सदनलाई २७ रन तथा ओम नेसनललाई ११ रनले हरायो । मिश्रित नतिजा निकाल्ने क्रममा ओमले पुष्पसदनलाई ६ विकेट तथा नाइटिङगेलले क्यानभासलाई १ सय २ रनले पन्छाए ।

प्रतियोगिताको क्यानभासका प्रिन्सिपल रमेशकुमार लिङदेनले एक कार्यक्रमबीच उद्घाटन गरे । दस ओभरको प्रतियोगितामा १६ छात्र टिम सहभागी छन् । फाइनलमा साउन १६ गते हुनेछ।