नेपाल, मलेसिया र नेदरल्याण्ड बीच त्रिकोणात्मक सिरीज अप्रिल १७ देखि



कोरोना महामारी पछि पहिलो पटक नेपालमा अन्तर्राष्ट्रिय क्रिकेट फर्कने निश्चित भएको छ। नेपाल क्रिकेट संघको आयोजनामा आगामी महिना अप्रिल १७ देखि २४ तारिखसम्म त्रिभुवन विश्वविद्यालय अन्तर्राष्ट्रिय क्रिकेट मैदानमा नेपाल सहित नेदरल्याण्ड र मलेसिया बीच त्रिकोणात्मक सिरिजको आयोजना हुने भएको छ। सिरिजको सम्पूर्ण खेलहरु टियु अन्तर्राष्ट्रिय मैदान किर्तिपुरमा खेलिनेछ।

नेपाल क्रिकेट संघले शुक्रबार बिज्ञप्ति जारि गर्दै प्रतियोगिता बारे अधिकारिक जानकारी गराएको छ।

त्रिकोणात्मक सिरिजलाई बजाज पल्सरले मुख्य प्रायोजना गर्ने पनि क्यानले बताएको छ।

सिरिज टि-२० फर्म्याटमा खेलिनेछ भने डबल राउण्ड रोबिनको आधारमा सहभागी तिनवटा टोलिले एकअर्का बिरुद्ध २-२ खेल खेलीसकेपछि अंकतालिकामा उत्कृस्ट हुने दुईवटा टिमले फाइनलमा प्रतिस्पर्धा गर्नेछन्।

क्यानले बिज्ञप्तिमा कोरोना महामारी पछि नेपालमा क्रिकेट खेल्नको लागि समेत मौसम उपयोगी रहेको र सिरिजको दौरान कोरोनालाई मध्यनजरमा राखेर विशेष सुरक्षा घेराको पालना गर्ने समेत बताएको छ। यस्तै प्रतियोगिता अघि सम्पूर्ण खेलाडी र अफिसियलहरुको कोरोना पीसीआर परिक्षण समेत गरिनेछ।

नेपालमा अन्तिम पटक अन्तर्राष्ट्रिय क्रिकेट गत वर्ष फेब्रुअरीमा आईसीसी विश्वकप लिग-२ अन्तर्गत ओमान, अमेरिका र नेपाल सम्मिलित त्रिकोणात्मक सिरिज खेलिएको थियो। नेपाली राष्ट्रिय क्रिकेट टिमले पछिल्लो पटक थाइल्याण्डमा गत वर्ष मार्चमा एसीसी इस्टर्न रिजन टि-२० प्रतियोगिता खेलेको थियो। त्यसपछि क्यानले प्रधानमन्त्री कप र काठमाडौँ मेयर्स कप एकदिवसीय राष्ट्रिय प्रतियोगिताको आयोजना गरेको थियो।

नेपाल क्रिकेट संघका अध्यक्ष चतुर बहादुर चन्दले त्रिकोणात्मक सिरिज आयोजना हुन लागेकोमा उत्साह व्यक्त गरेका छन्-

“म नेदरल्याण्ड क्रिकेट र मलेसिया क्रिकेटलाई छोटो अवधिमा नजिक रहेर साथ दिएकोमा धन्यवाद दिन चाहन्छु। हामि नेपालमा अन्तर्राष्ट्रिय क्रिकेट फर्किएको हेर्न उत्साहित छौँ।”

यस्तै नेदरल्याण्ड क्रिकेट टिमका मुख्य प्रशिक्षक रायन क्यापवेल लामो समयपछि अन्तर्राष्ट्रिय क्रिकेटमा फर्कन पाउदा खुसि व्यक्त गरेका छन् –

“नोभेम्बर २०१९ पछि अन्तर्राष्ट्रिय क्रिकेटमा फर्कन पाउदा र नेपालमा त्रिकोणात्मक सिरिज खेल्न पाउदा अत्यन्त हर्षित छौँ। हाम्रो केटाहरुले अनिश्चितताको वर्षको वावजुद कठिन मेहनत गरेका छन्। नेपाल र मलेसियासंग खेलेर हाम्रो विश्व क्रिकेटमा पुनरागमन हुनेछ जसको लागि हामि उत्साहित छौँ”

यस्तै मलेसिया क्रिकेट एसोसिएसनका अध्यक्ष महिन्दा भल्लीपुरमले पनि नेपालमा त्रिकोणात्मक सिरिज खेल्न उत्साह व्यक्त गरेका छ-

“अन्तिम पटक हामीले अन्तर्राष्ट्रिय खेल मार्च २०२० मा खेलेका थियौं। यो सिरिजले हाम्रो टिमको मनोबल उच्च बनाउनेछ। नेपाल र मलेसिया सधै मित्र रहेको छ। नेपाल एउटा महान देश हो र मलेसिया आफ्नो अन्तर्राष्ट्रिय क्रिकेटको पुनरागमन यहाँ गर्न पाउदा खुसि छौँ र क्यानलाई धन्यवाद व्यक्त गर्न चाहन्छु।”

नेदरल्याण्डको कुनै पनि राष्ट्रिय क्रिकेट टिमले नेपाल भ्रमण गर्न लागेको यो नै पहिलो अवसर हो। मलेसिया राष्ट्रिय क्रिकेट टिम भने बिभिन्न प्रतियोगिता खेल्न नेपाल आईसकेको छ। पछिल्लो वर्ष मलेसियाले नेपालसंग पोखरामा टि-२० सिरिज खेलेको थियो भने नेपालकै अर्को घरेलु एकदिवसीय प्रतियोगिता एमएम कपमा समेत सहभागिता जनाएको थियो।

अन्तर्राष्ट्रिय क्रिकेट परिषदको टि-२० वरियता अनुसार नेपाल १५ औं स्थानमा रहेको छ भने नेदरल्याण्ड १७ औं र मलेसिया ३२ औं स्थानमा रहेको छ।

प्रतियोगिताको लागि नेपाल क्रिकेट संघले हालसम्म टिमको घोषणा गरेको छैन भने कहिले देखि तयारी सुरु गर्ने पनि बताएको छैन। पछिल्लो पटक नेपालले विश्वकप लिग-२ र कतारमा खेल्ने भनिएको टि-२० सिरिज स्थगित भएपछि नेपाली क्रिकेट टिम अन्तर्राष्ट्रिय क्रिकेटमा फर्कने अब भने तय भएको छ।

धेरैले पढेको 

सन्दिपले इंग्ल्यान्डको भाईटालिटि ब्लास्ट टि-२० खेल्ने

सप्तरी प्रिमियर लिग : बजाज खडक वारियर्स र रुपनी राईडर्स फाइनलमा





थप समाचार

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]

“बन्द कोठा भित्र पक्कै केहि हुँदैछ” वार्नरलाई हटाइएको विषयमा स्टेनको कडा टिप्पणी

सनराइजर्स हैदरावादको अन्तिम-११ बाट डेभिड वार्नरलाई हटाउने निर्णय धेरै फ्यान र एक्स्पर्टहरुलाई समेत चित्त बुझेको छैन। वार्नरबारे धेरैले विभन्न थरि […]

विलियमसनले बताए ११ ओभरमै राशिदको स्पेल सक्नुको कारण

आइतबार कप्तानी परिवर्तन गर्ने सनराइजर्स हैदरावादको निर्णयले टिमको भाग्य परिवर्तन गर्न सकेन। वार्नरको स्थानमा केन विलियमसन कप्तानीको हैदरावाद राजस्थान रोयल्ससंग […]

IPL : पन्जाबलाई हराउदै दिल्ली शिर्षमा, धवनको उत्कृस्ट ब्याटिंग

पन्जाब किंग्सलाई ७ विकेटले पराजित गर्दै दिल्ली क्यापिटल्स आईपीएल अंकतालिकाको शिर्ष स्थानमा उक्लेको छ। नरेन्द्र मोदी स्टेडियम अहमदावादमा सम्पन्न लिगको […]