प्रम कप बागमती छनोट : अरियो चम्किदा काठमाडौँ फाइनलमा



प्रधानमन्त्री कप पुरुष एकदिवसीय राष्ट्रिय प्रतियोगिताको लागि बागमती प्रदेश स्तरीय छनोट प्रतियोगिता अन्तर्गत फाइनलमा काठमाडौँ र चितवनले प्रतिस्पर्धा गर्ने भएका छन्।

प्रतियोगिता अन्तर्गत समुह ‘ए’ बाट काठमाडौँ सबै ३ खेल जित्दै समुह विजेताको रुपमा फाइनल प्रवेश गरेको हो। यस अघिनै चितवन समुह ‘बि’ को विजेताको रुपमा फाइनल प्रवेश गरिसकेको थियो।

सोमबार मुलपानी क्रिकेट मैदानमा मकवानपुर र काठमाडौँ मध्ये विजयी हुने टिम फाइनल पुग्ने समीकरण थियो। खेलमा काठमाडौँ ७ विकेटले सहजै विजयी भयो जुन क्रममा मकवानपुरले दिएको ७४ रनको सामान्य लक्ष्य काठमाडौँले ३ विकेट गुमाएर २०.२ ओभरमै भेटायो।

Ariyo Poudel ( File Photo )

काठमाडौँको जितमा बलिंगतर्फ अरियो पौडेल एक्लैले ५ विकेट लिए। यस्तै सन्जम रेग्मीले २ तथा चन्द्र कुमार बुढा, सुमन उदय र इशान पाण्डेले समान १ विकेट लिए। यस्तै ब्याटिंगमा इशान पाण्डेले अविजित ३२ तथा जितेन्द्र ठकुरीले १४ रन बनाए।

सोमबारनै सम्पन्न समुह ‘बि’ अन्तर्गतकै अर्को खेलमा भक्तपुरले नुवाकोटलाई ८ विकेटले परजित गर्दै पहिलो जित दर्ता गर्यो। नुवाकोटले दिएको १३६ रनको लक्ष्य भक्तपुरले ३२.२ ओभरमा भेटायो। भक्तपुरको जितमा नविन यादव र अदित सुबेदीले समान ६० रन बनाए। भक्तपुरको बालिगमा सुसन श्रेष्ठ र सुबास खत्रीले समान २ विकेट लिए भने नविन यादव र धिरज अधिकारीले समान १ विकेट लिए। नुवाकोटको ब्याटिंगमा राजेश रिमालले ३६ तथा आयुष बस्नेतले २१ रन योगदान दिएका थिए।

प्रतियोगिताको उपाधिको लागि मंगलबार  मुलपानी क्रिकेट मैदानमा काठमाडौँ र चितवन बीच प्रतिस्पर्धा हुनेछ। दुवै टिम प्रतियोगितामा अपराजित रहेको छ।





थप समाचार

प्रम कप : रोमान्चक खेलमा एपीएफद्वारा आर्मी ६ रनले पराजित, एपीएफ समुह विजेता

त्रिभुवन आर्मी क्लबलाई ६ रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको समुह ‘ए’ को विजेताको रुपमा […]

प्रम कप : पुलिस सेमीफाइनलमा

समुह चरणको अन्तिम खेलमा प्रदेश-२ लाई पराजित गर्दै नेपाल पुलिस क्लब प्रधानमन्त्री कप एकदिवसीय राष्ट्रिय प्रतियोगिताको सेमीफाइनल प्रवेश गरेको छ। […]

अफगानिस्तानको जितमा रहमतको शतक

दोश्रो एकदिवसीय अन्तर्राष्ट्रियमा ७ विकेटले आयरल्याण्डलाई पराजित गर्दै अफगानिस्तानले तिन खेलको सिरिज १ खेल अगावै २-० ले जित्न सफल भएको […]

बिग ब्यास : सन्दिपको शानदार प्रदर्शन, होबार्टको प्लेअफ सम्भावना कायमै

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ५२ औं खेलमा होबार्ट हरिकेन्सले सिड्नी सिक्सरलाई ७ रनले […]

प्रम कप : लुम्बिनी र बागमतीको खेल बराबरीमा टुंगियो, बागमती सेमीफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत आइतबार मुलपानी मैदानमा सम्पन्न समुह ‘बि’ अन्तर्गतको खेल बराबरीमा टुंगिएको छ। स्कोरकार्ड, अंकतालिका बागमती प्रदेशले […]

प्रम कप : सुदूरपश्चिमको सान्त्वना जित, प्रदेश-२ को लगातार तेश्रो हार

प्रदेश-१ लाई पराजित गर्दै सुदूरपश्चिम प्रदेशले प्रधानमन्त्री कप एकदिवसीय राष्ट्रिय प्रतियोगितामा पहिलो जित दर्ता गरेको छ। यस अघिनै सुदूरपश्चिम तिनवटा […]