प्रधानमन्त्री कपको उपाधी एपीएफलाई

Armed Police Force APF Cricket Team


  • विकेटनेपाल, जेठ २८ – सोमबार

राजधानीमा सम्पन्न प्रदेश स्तरीय प्रधानमन्त्री कप एकदिवसीय क्रिकेटको उपाधी विभागीय टिम सशस्त्र प्रहरी बलको एपीएफ क्लबले जितेको छ। उसले फाइनलमा अर्को विभागीय टिम त्रिभुवन आर्मी क्लबलाई ६ विकेटले पराजित गर्यो। स्कोरकार्ड, बल टु बल अपडेट

किर्तिपुर मैदानमा जितको लागि २१० रनको लक्ष्य पछ्याएको एपीएफलाई जित दिलाउन ओपनर अनिलकुमार शाहले ६३ रन र अर्का ओपनर सुबास खकुरेल व्यक्तिगत १२ रनमा घाइते भएपछी मैदान पसेका प्रदीप ऐरीले पनि समान ६३ रन नै प्रहार गर्दै पहिलो विकेटका लागि ११९ रनको साझेदारी गरेका थिए। शाहले ७२ बलमा ४ चौका र ३ छक्का र ऐरीले ९९ बलमा २ चौका र समान छक्का प्रहार गरे।

त्यसपछि एकओभरको अन्तरालमा दुवै ब्याट्सम्यान आउट भएपछी क्रिजमा आएका पृथु बास्कोटा र रोहित कुमार पौडेलले पारि सम्हाल्दै २९ रनको साझेदारी गरेका थिए। पौडेल १५ रन बनाउँदै तेस्रो विकेटको रुपमा आउट हुँदा बिनोद भण्डारीलाई खेलको तेस्रो क्याच दिएका थिए। चौथो विकेटको रुपमा पृथु बास्कोटाले पनि सोमपाल कामिको तेस्रो सिकार बन्दै ३२ रनमा बिनोद भण्डारीलाई नै क्याच दिएका थिए।

अन्त्यमा सुबास खकुरेल ब्याटिंग गर्न आउँदै अविजित १४ रन तथा करण केसीले अविजित १६ रन बनाए।

यसअघि टस जितेर पहिले ब्याटिंग गरेको त्रिभुवन आर्मी क्लबले निर्धारित ५० ओभरमा सबै विकेट गुमाएर २०९ रनको योगफल तयार पारेको थियो। उसका लागि युवा खेलाडी भिम सार्कीले सेमिफाइनलमा बनाएको ७७ रनलाई निरन्तरता दिँदै ४५ रनको महत्त्वपूर्ण पारि खेलेका थिए। २ चौका र २ छक्का प्रहार गर्न ४८ बलको सामना गरेका सार्कीले पाचौँ विकेटका लागि राजेश पुलामी मगर (२७ रन) सँग मिलेर ६८ रनको साझेदारी गरेका थिए।

त्यसपछि सोमपाल कामी र बिनोद भण्डारीले सातौँ विकेटका लागि ३९ बलमा आक्रामक ६७ रनको साझेदारी गरेका थिए। कामीले ३६ रन बनाउन ३३ बलमा १   चौका र २ छक्का तथा भण्डारीले ३५ रन   बनाउन २५ बलमा ४ चौका र १ छक्का प्रहार गरेका थिए।

Sompal Kami

एपीएफका लागि उत्कृस्ट बलिंग प्रदर्शन गर्नेक्रममा करण केसीले ३ विकेट लिन १० ओभरमा ३८ रन खर्चे भने भुवन कार्कीले २ विकेट लिन २४ रन खर्चिदा बसन्त रेग्मी समान २ विकेट लिनेक्रममा महंगा साबित हुँदै ६५ रन खर्चे।





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]