प्रम कप : आर्मीको लगातार तेश्रो जित



काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत छैठौं दिन समुह ‘ए’ अन्तर्गतको खेलमा त्रिभुवन आर्मी क्लबले प्रदेश-१ लाई ४ विकेटले पराजित गर्दै लगातार तेश्रो जित दर्ता गरेको छ। प्रदेश-१ को यो लगातार तेश्रो हार हो भने आर्मीको तेश्रो जित हो। आर्मीले यस अघि गण्डकी प्रदेश र कर्णाली प्रदेशलाई पराजित गरेको थियो।

स्कोरकार्डअंकतालिकाखेलतालिका 

मुलपानी माथिल्लो मैदानमा सम्पन्न खेलमा प्रदेश-१ ले दिएको १३२ रनको लक्ष्य आर्मीले २९.५ ओभरमा ६ विकेट गुमाएर पुरा गर्यो।

आर्मीको लागि रोहित पौडेलले सर्वाधिक ३६ रन, भिम शार्कीले २९ रन तथा राजेश पुलामीले २४ रन बनाए।

लक्ष्य पछ्याउने क्रममा आर्मीको सुरुवात खराब रहेको थियो। ओपनर अनिल मण्डल पहिलो बलमै खाता नखोली रन आउट भए। छैठौं ओभरमा लोकेश बमलाई ज्ञानेन्द्र श्रेष्ठले स्टम्प आउट गराए। नवौं ओभरमा कप्तान बिनोद भण्डारीलाई फिर्दोश अन्सारीले स्टमप् आउट गराए। हरि बहादुर चौहानलाई दिपेश कंडेलले १३ औं ओभरमा स्टम्प आउट गराए।

४१/४ को अवस्थाबाट पाँचौ विकेटको लागि रोहित पौडेल र भिम शार्कीले ५० रनको साझेदारी गरे। १९ औं ओभरमा रोहितलाई शुभांकर उरावले स्टम्प आउट गर्दै प्रदेश-१ लाई खेलमा फर्काए। तर त्यसपछि भिमले राजेश पुलामीसंग छैठौं विकेटको लागि ३८ रनको साझेदारी गर्दै टिमलाई जित नजिक पुर्याए। भिम ३० औं ओभरमा रन आउट भए।

प्रदेश-१ को बलिंगमा फिर्दोश अन्सारी, ज्ञानेन्द्र श्रेष्ठ, दिपेश कंडेल र शुभांकर उरावले समान १ विकेट लिए।

शाहब आलमले ४ विकेट लिए

यस अघि टस जितेर ब्याटिंग रोजेको प्रदेश-१ ले ४१.१ ओभरमा सबै विकेट गुमाएर १३१ रन बनाएको थियो।

प्रदेश-१ को ब्याटिंगमा बिबेक मेहताले सर्वाधिक ५० रन बनाए भने फिर्दोश अन्सारीले ३२, दिपक पासवानले १९ तथा दिपेश कंडेलले ११ रन योगदान दिए।

२९ रनमा ३ विकेट गुमाएको अवस्थामा चौथो विकेटको लागि बेबेक र फिर्दोशले ७७ रनको साझेदारी गर्दै टिमको योगफल १०० पार गराएका थिए। तर त्यसपछि आर्मीका स्पिनर श्हब आलम खेलमा हावी हुँदा आर्मीले लगातार विकेट गुमाउन पुग्यो।

१०६/३ को अवस्थाबाट प्रदेश-१ ले थप २५ रन जोड्दा बाँकी ७ विकेट गुमाउन पुग्यो।

आर्मीको बलिंगमा शाहब आलमले सर्वाधिक ४ विकेट लिए भने आकाश चन्दले ३ विकेट लिए। सुशन भारि, भिम शार्की र राजेश पुलामीले समान १ विकेट लिए।

स्कोरकार्डअंकतालिकाखेलतालिका 





थप समाचार

‘आईसीसी टिम अफ द एअर’ : भारतीय खेलाडी छैनन् वानडे र टि-२० टिममा

अन्तर्राष्ट्रिय क्रिकेट परिषद ( आईसीसी ) ले यो वर्षको तिन वटै फर्म्याटको क्रिकेटको ‘टिम अफ द एअर’ घोषणा गरेको छ। […]

BBL : प्लेअफ नखेली स्वदेश फर्कदै सन्दिप, यस्तो रह्यो प्रदर्शन

अस्ट्रेलियामा जारि बिग ब्यास लिगको चौधौं खेल खेलेसंगै नेपाली रास्ट्रिय टिमका कप्तान सन्दिप लामिछाने बिहिबार नेपाल फर्कदैछन्। नेपाली राष्ट्रिय क्रिकेट […]

नजिकबाट चिन्नुस को हुन् राष्ट्रिय टिमका नयाँ सदस्य लोकेश बम

युवा ब्याट्सम्यान बिबेक यादव र लोकेश बमले पहिलो पटक राष्ट्रिय क्रिकेट टिममा स्थान बनाउन सफल भएका छन्। फेब्रुअरी १७ तारिख […]

टि-२० विश्वकप छनोटको लागि टिमको घोषणा : सोमपाल र बिनोद बाहिर, लोकेश र बिबेक टिममा

ओमानमा फेब्रुअरी १७ तारिख देखि आयोजना हुने टि-ट्वान्टी विश्वकप ग्लोबल छनोट प्रतियोगिताको लागि नेपाल क्रिकेट संघले १६ सदस्यीय टिमको घोषणा […]

प्रधानमन्त्री कप टि-ट्वान्टीको उपाधि एपीएफलाई

फाइनलमा नेपाल पुलिस क्लबलाई २१ रनले पराजित गर्दै प्रधानमन्त्री कप टि-ट्वान्टी राष्ट्रिय प्रतियोगिताको उपाधि नेपाल एपीएफ क्लबले उचालेको छ । […]

शक्ति गौचन पराजित

पूर्व स्टार राष्ट्रिय क्रिकेटर शक्ति गौचनलाई पराजित गर्दै हरि बहादुर थापा रुपन्देही जिल्ला क्रिकेट संघको अध्यक्ष निर्वाचित भएका छन्। बुधबार […]