आर्मीलाई ४७ रनले हराउँदै एपीएफ फाइनलमा



त्रिभुवन आर्मी क्लबलाई ४७ रनले हराउँदै नेपाल एपीएफ क्लब जारि प्रधानमन्त्री कप राष्ट्रिय टि-ट्वान्टी प्रतियोगिताको फाइनलमा प्रवेश गरेको छ । अब भोलि हुने फाइनलमा दुई विभागीय टोलि नेपाल एपीएफ क्लब र नेपाल पुलिस क्लब प्रतिस्पर्धा गर्नेछन् । यसअघि आजै सम्पन्न पहिलो सेमिफाइनलमा बागमती प्रदेशलाई ५० रनले पराजित गर्दै नेपाल पुलिस क्लब फाइनलमा पुगिसकेको छ ।

कीर्तिपुरस्थित टियु क्रिकेट मैदानमा सम्पन्न खेलमा २३१ रनको विशाल लक्ष्य पछ्याएको त्रिभुवन आर्मी क्लबले निर्धारित २० ओभरमा ९ विकेट गुमाएर १८३ रनमात्र बनाउँन सक्यो । उसका लागि राजेस पुलामी मगरले सर्वाधिक ३८, भिम शार्कीले ३५, सुमित श्रेष्ठले २४, हरि चौहानले २२ तथा शाहब आलमले २१ रन बनाए ।

ओपनर भिम शार्की र हरि चौहानले पहिलो विकेटको लागि ५५ रनको साझेदारी गर्दै त्रिभुवन आर्मी क्लबलाई राम्रो सुरुवात दिलाए । त्यसपछि आर्मीले १५ रनको अन्तरालमा ५ विकेट गुमाएपछि राजेस पुलामी र तुल थापाले ५७ रनको साझेदारी गर्दै त्रिभुवन आर्मी क्लबको इनिंग्स उकासे । राजेस पुलामीलाई भुवन कार्कीले कट एण्ड बोल्ड आउट पारे । त्यसपछि अन्तिममा शाहब आलम र सुशन भारिले अविजित २९ रनको साझेदारी गर्दै आर्मीलाई अल आउट हुनबाट जोगाए ।

नेपाल एपीएफको बलिंगतर्फ कप्तान शरद भेषावाकारले ४ ओभरमा १६ रन खर्चिएर सर्वाधिक ३ तथा भुवन कार्की र अविनास बोहोराले समान २ विकेट लिए । यस्तै, दिपक बोहोरा र किशोर महतोले समान १ विकेट हात पारे ।

यसअघि खेलमा टस हारेर ब्याटिंगको निम्तो पाएको नेपाल एपीएफ क्लबले निर्धारित २० ओभरमा २ विकेट गुमाएर २३० रन बनाएको थियो । उसका लागि ओपनर आशिफ शेखले ४३ बलमा १० चौका र ५ छक्काको मद्धतमा सर्वाधिक ८४ तथा लोकेश बमले नेपाली घरेलु टि-ट्वान्टी राष्ट्रिय प्रतियोगिता कै छिटो अर्धशतक पुरा गर्ने क्रममा १८ बलमा २ चौका र ९ छक्काको मद्धतमा अविजित ६६ रन बनाए । यस्तै, अर्का ओपनर प्रदिप ऐरीले ५३ बलमा ५७ रनको योगदान दिए ।

ओपनरद्वय आशिफ र प्रदिपले पहिलो विकेटको लागि १५० रनको उत्कृष्ट साझेदारी गरे । आशिफलाई सुमित श्रेष्ठले तथा कप्तान शरद भेषावाकरलाई ९ रनमा जितेन्द्र मुखियाले आउट पारेपछि प्रदिप र लोकेशले अविजित ६८ रनको साझेदारी गर्दै एपीएफलाई विशाल योगफलतर्फ डोर्याए । लोकेशले जितेन्द्र मुखियाको १७ औं र १९ औं बलमा समान ३ छक्का प्रहार गरेका थिए ।

त्रिभुवन आर्मी क्लबको बलिंगतर्फ जितेन्द्र मुखिया ( ४-०-५७-१ ) र सुमित श्रेष्ठले ( १-०-१९-१ ) समान १ विकेट लिए भने अन्य बलर विकेटविहिन रहे ।





थप समाचार

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]