सोमपाल र शाहब चम्किदा आर्मीद्वारा काठमाडौँ मेयर्स-११ पराजित



सोमपाल कामि र शाहब आलमले उत्कृस्ट प्रदर्शन गर्दा सन्दिप लामिछाने कप्तानीको काठमाडौँ मेयर्स-११ लाई पराजित गर्दै त्रिभुवन आर्मी क्लबले काठमाडौँ मेयर्स कपमा पहिलो जित दर्ता गरेको छ। पहिलो खेलमा आर्मी एपीएफसंग १ विकेटले पराजित भएको थियो भने काठमाडौँ मेयर्स-११ ले पहिलो खेलमा आइतबार बागमती प्रदेशलाई ९४ रनले पराजित गरेको थियो।

टियु मैदान किर्तिपुरमा सम्पन्न खेलमा मेयर्स-११ ले दिएको १५६ रनको लक्ष्य आर्मीले २३.५ ओभरमा ५ विकेट क्षेतीमा पुरा गर्यो।

लक्ष्य पछ्याउने क्रममा आर्मीको लागि ओपनर सोमपाल कामिले आक्रामक ब्याटिंग गर्दै ८० रन बनाए। त्यस क्रममा उनले ५१ बलमा ९ चौका र ६ छक्का प्रहार गरे। कुशल मल्लले २३ रन, बिनोद भण्डारीले अविजित २० रन तथा भिम शार्कीले १६ रन योगदान दिए।

सोमपाल कामिले ८० रन बनाए

आर्मीले पहिलो ३ विकेट ३६ रनको योगफलमा गुमाएको थियो। लोकेश बम १ रन तथा रोहित पौडेल खाता नखोली आउट भए भने भिम शार्कीले १६ रन बनाए। त्यसपछि सोमपालले कुशल मल्लसंग ७२ रनको साझेदारी गर्दै टिमलाई जिततर्फ डोर्याए।

काठमाडौँ मेयर्स-११ को बलिंगमा सन्दिप लामिछाने र बिपिन खत्रीले समान २/२ विकेट लिए भने अनिल खरेलको नाममा १ विकेट रह्यो। सन्दिप लामिछानेले महँगो सावित हुने क्रममा ९ ओभरमा ७४ रन खर्चिए।

यस अघि टस हारेर ब्याटिंग गरेको काठमाडौँ मेयर-११ ले ४२.१ ओभरमा सम्पूर्ण विकेट गुमाएर १५५ रन बनाउँदै आर्मीलाई १५६ रन बनाएको थियो।

मेयर्स-११ को लागि सौरभ खनालले सर्वाधिक ४२ रन, सन्दिप रजालीले ३७ रन, खडक बोहराले १९ रन, हरिशंकर शाहले १८ रन तथा सन्दिप लामिछानेले १३ रन योगदान दिए। उसका ५ जना ब्याट्सम्यानले खाता खोल्न सकेनन्।

शाहब आलमले ४ विकेट लिए

पहिलो विकेटको लागि हरिशंकर शाह र खडक बोहराले ४८ रनको साझेदारी गरेपनि त्यसपछि सुशन भारिले लगातार ४ विकेट लिंदै आर्मीलाई खेलमा हावी गराएका थिए। पाँचौ विकेटको लागि सौरभ खनाल र सन्दिप रजालीले ६६ रनको साझेदारी गरे। तर ३४ औं ओभरमा सौरभलाई कुशल मल्लले क्याच आउट गराउदै पुनः आर्मीलाई खेलमा फर्काए। १३१/४ को अवस्थाबाट थप २४ रन जोड्दा उसले सम्पूर्ण विकेट गुमाउन पुग्यो।

आर्मीको बलिंगमा देब्रे हाते स्पिनर शाहब आलमले सर्वाधिक ४ विकेट लिए जुन क्रममा १० ओभरमा १ मेडन ओभर गर्दै ३९ रन खर्चिए। जितेन्द्र मुखियाले ३ विकेट तथा सोमपाल कामि , बिक्रम सोब र कुशल मल्लले समान १ विकेट लिए।

प्लेयर अफ द म्याच सोमपाल कामि चुनिए।

प्रतियोगिता अन्तर्गत मंगलबार दुई खेल हुनेछन्। टियु मैदानमा बागमती प्रदेश र नेपाल एपीएफ क्लबले तथा मुलपानी मैदानमा नेपाल पुलिस क्लब र त्रिभुवन आर्मी क्लबले प्रतिस्पर्धा गर्नेछन्। दुवै खेल ९ बजे बिहान सुरु हुने तालिका रहेको छ।

धेरैले पढेको 

आईपीएल २०२१ : उद्घाटन खेलमा मुम्बई र बैंगलोर बीच प्रतिस्पर्धा ( खेलतालिका सहित )

सन्दीपको अलराउण्ड प्रदर्शनमा काठमाडौं मेयर्स ११ विजयी, बागमतिको लगातार दोस्रो हार





थप समाचार

हाईस्कोरिंग खेलमा कोलकातालाई हराउदै चेन्नाई शिर्षमा

कोलकाता नाइट राइडर्सलाई १८ रनले पराजित गर्दै १४ औं आईपीएल अंकतालिकाको शिर्षस्थानमा पुगेको छ। मुम्बईको वानखेडे स्टेडियममा सम्पन्न खेलमा चेन्नाईले […]

IPL : हैदरावादको पहिलो जित, पन्जाब पुछारमा पुग्दा हैदरावाद पाँचौ स्थानमा

पन्जाब किंग्सलाई ९ विकेटले पराजित गर्दै सनराइजर्स हैदरावादले आईपीएल १४ मा पहिलो जित दर्ता गरेको छ। चेन्नाई स्थित एमए चिदम्बरम स्टेडियममा […]

पाकिस्तानको जितमा रिजवान र कादिर उत्कृस्ट

जिम्बाबेलाई ११ रनले पराजित गर्दै भ्रमण टोलि पाकिस्तानले पहिलो टि-ट्वान्टीमा ११ रनको जित दर्ता गरेको छ। जितसंगै तिन वटा टि-ट्वान्टीको […]

बराबरीमा टुंगियो मलेसिया र नेदरल्याण्डको खेल, नेपाल र नेदरल्याण्ड फाइनलमा

नेपालमा त्रि-देशीय टि-ट्वान्टी सिरिज अन्तर्गत नेदरल्याण्ड र मलेसिया बीचको खेल बराबरीमा टुंगिएको छ। यो संगै सिरिजको फाइनलमा नेपाल र नेदरल्याण्ड […]

कुपरले उत्कृस्ट ब्याटिंग गर्दा वर्षाप्रभावित खेलमा नेदरल्याण्डले बनायो १०७ रन

नेपाल, नेदरल्याण्ड र मलेसिया बीच जारि त्रि-देशीय टि-ट्वान्टी सिरिज अन्तर्गत पाँचौ खेलमा बुधबार नेदरल्याण्ड र मलेसिया प्रतिस्पर्धा गरिरहेका छन्। टियु […]

आईसीसी ब्याटिंग वरियतामा शिर्ष १०० भित्र कुशल भुर्तेल

नेपाल, नेदरल्याण्ड र मलेसिया बीच जारि त्रिदेशीय टि-ट्वान्टी सिरिजमा उत्कृस्ट ब्याटिंग गरिरहेका कुशल भुर्तेलले अन्तर्राष्ट्रिय क्रिकेट परिषद ( आईसीसी ) […]