हरि चौहान र रोहित पौडेल चम्किदा आर्मी एमएम कपको फाइनलमा

Hari Chauhan


( फिचर फोटो – हरि बहादुर चौहान , फाइल )

  • विकेटनेपाल, माघ-४ , शुक्रबार 

प्रदेश नम्बर-१ लाई ६ विकेटले पराजित गर्दै त्रिभुवन आर्मी क्लब मनमोहन कप एकदिवसीय क्रिकेट प्रतियोगिताको फाइनलमा प्रवेश गरेको छ। पहिलो सेमीफाइनल खेलमा प्रदेश-७ लाई पराजित गर्दै हिजो नेपाल पुलिस क्लब फाइनल प्रवेश गरिसकेको छ।

शनिवार खेलिने फाइनल खेलमा २ विभागीय टोलि नेपाल पुलिस क्लब र त्रिभुवन आर्मी क्लबले प्रतिस्पर्धा गर्ने भएका छन्।

सुनसरीको इनरुवामा जारि प्रतियोगिताको दोश्रो सेमीफाइनलमा टस हारेर पहिले ब्याटिंग गरेको प्रदेश-१ ले २५.४ ओभरमा १०९ रनमै सम्पूर्ण विकेट गुमाउन पुग्यो। रबि रोयले २२ , पुष्प थापाले १९, मुकुन्द यादबले १७ र श्रवण यादबले १२ र मिनास थापाले समान १२ रन योगदान दिए भने अन्य ब्याट्सम्यानले दोहोरो अंकमा रन बाउन सकेनन्।

प्रदेश-१ लाई सस्तोमा समेट्न आर्मीका मिडियम पेसर हरि बहादुर चौहानले सर्वाधिक ४ विकेट लिए जुन क्रममा ५ ओभरमा मात्र ९ रन खर्चिए। यस्तै बिक्रम सोब, शाहब आलम, कुशल मल्ल, जितेन्द्र मुखिया र रोहित पौडेलले १/१ विकेट लिए।

Rohit Paudel ( Photo - InaruwaOnline )
Rohit Paudel ( Photo – InaruwaOnline )

११० रनको लक्ष्य आर्मीले १९.२ ओभरमा ४ विकेट गुमाएर पुरा गर्यो।

लक्ष्य पछ्याउने क्रममा आर्मीले २५ रनमा ४ विकेट गुमाईसकेको थियो। खराब सुरुवात पछि आर्मीलाई जितसम्म लैजान रोहित पौडेल र राजेश पुलामीले महत्वपूर्ण साझेदारी गरे।

रोहितले आक्रामक ब्याटिंग गर्ने क्रममा अविजित ५८ रन बनाए जुन क्रममा ४४ बलमा ३ छक्का र ७ चौका प्रहार गरे।  राजेशले अविजित २३ रन बनाए।  प्रदेश-१ बलर मनोज मण्डलले २ तथा पुष्प थापाले १ विकेट लिए।

प्रतियोगितामा ३/३ खेल खेल्ने क्रममा आर्मी र पुलिस क्लबले पराजय बेहोरेको छैन।

प्रतियोगिताको विजेता टिमले ४ लाख १ हजार रुपैयाँ प्राप्त गर्नेछ भने उपविजेताले २ लाख १ हजार रुपैयाँ पाउनेछ। सेमीफाइनलमा यात्रा टुंग्याएका प्रदेश-१ र प्रदेश-७ ले प्रोत्साहन रकम स्वरुप रु. २५ हजार प्राप्त गरेका छन्।

 





थप समाचार

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]

अफ्रिदी र सन्दिप प्रभावहिन हुँदा मुखिया चम्किए , सर्राफको अर्धशतकमा ललितपुरले बनायो १५८ रन

एभरेस्ट प्रिमियर लिगको चौंथो संस्करणको उद्घाटन खेलमा ललितपुर पेट्रिएट्स र काठमाडौँ किंग्स-११ प्रतिस्पर्धा गरिरहेका छन्। टियु अन्तर्राष्ट्रिय क्रिकेट मैदान किर्तिपुरमा […]