सन्नेटसँग रास्ट्रीय खेलाडीको बाहुल्यता रहेको आर्मी पराजित, एपीएफ बिजयी

Naresh Budhayer


फिचर फोटो: फाइल (नरेश बुढाऐर)

  • विकेटनेपाल, बैशाख ११ – मंगलबार

दिपक गुप्ता मेमोरियल टि-२० क्रिकेट प्रतियोगिता अन्तर्गत मंगलबार सम्पन्न दुई खेलमा सन्नेट क्रिकेट क्लब र सशस्त्र प्रहरी बल (एपीएफ) ले जित हात पारेका छन् । सन्नेटले त्रिभुवन आर्मी क्लबलाई ४ रनले तथा एपीएफले बिराट क्रिकेट सोसाईटीलाई ६ विकेटले पराजित गरेका हुन् ।

रोमान्चक खेलमा आर्मी पराजित (स्कोरकार्ड)

टस जितेर पहिले ब्याटिंग गरेको सन्नेट क्रिकेट क्लबले १५ ओभरमा झारिएको खेलमा ७ विकेट गुमाएर १०३ रनको योगफल बनाएको थियो । उसका लागि २९/४ को अवस्थाबाट म्यान अफ द म्याच समेत चुनिएका शिवम दीक्षितले ४३ रन बनाउन २५ बलमा ४ चौका र २ छक्का प्रहार गर्दै चौथो विकेटको लागि ऋषब राईसँग पाँचौ विकेटको लागि ६४ रनको साझेदारी गरेका थिए । उक्त साझेदारीमा ऋषबले २४ रन (३३ बल, २ चौका) बनाए भने टिमले अतिरिक्त २२ रन पनि पाएको थियो ।

रास्ट्रीय खेलाडीहरुले भरिएको आर्मीको बलिंगतर्फ सोमपाल कामी, जितेन्द्र मुखिया, बिक्रम सोभ, सुशन भारी र सागर पुनले समान १/१ विकेट लिएका थिए ।

sagar pun
sagar pun

जवाफमा रास्ट्रीय खेलाडीको बाहुल्यता रहेको आर्मीले पुरै १५ ओभर खेल्दै ७ विकेट गुमाएर ९९ रनमात्र बनाउन सक्यो । उसका लागि सागर पुनले २३ रन (१३ बल, ३ चौका, १ छक्का) र नरेश बुढाऐरले ३० रन (३१ बल, १ चौका, २ छक्का) बनाउंदै राम्रो सुरुवात दिएका थिए । त्यसपछि राजु रिजाल ०, राहुल कुमार १०, राजेश पुलामी १०, बिनोद भण्डारी ३, सोमपाल कामि ४ र बिक्रम सोभले ६ बलमा अविजित १६ रन बनाएपनि जितको लागि पर्याप्त हुन सकेन ।

बलिंगतर्फ सन्नेटका शिवम दीक्षितले ३ ओभरमा ९ रन खर्चेर २ विकेट तथा आदेश कुमारले पनि ३ ओभरमा १२ रन खर्चेर २ विकेट लिएका थिए । अनमोल पाण्डे र फैज़ महमदले १/१ विकेट लिएका थिए ।

सन्दिप जोराको अर्धशतकमा एपीएफको जित (स्कोरकार्ड)

टस जितेर पहिले ब्याटिंग गरेको बिराट क्रिकेट सोसाईटीले २० ओभरमा ९ विकेट गुमाएर ११७ रन बनाएको थियो । उसका लागि मिनस थापाले २९ रन (३१ बल, ४ चौका) र दिपेन्द्र चौधरीले २३ रन (२७ बल, १ चौका, २ छक्का) हानेका थिए भने अतिरिक्त २० रन पाएका थिए ।

बलिंगतर्फ रास्ट्रीय खेलाडीहरु रहेको एपीएफको लागि भुवन कार्कीले १२ रन खर्चेर तथा इर्शाद अहमदले १८ रन खर्चेर समान ३/३ विकेट लिएका थिए भने पवन सर्राफले २ विकेट लिएका थिए ।

Sandeep Jora
Sandeep Jora

जवाफमा लक्ष्य पछ्याएको एपीएफले म्यान अफ द म्याच समेत रहेका सन्दिप जोराको अविजित ५६ रनमा २ ओभर अगावै ४ विकेट गुमाएर पुरा गरेको थियो । ४४ बल सामना गरेका सन्दीपले २ चौका र ४ छक्का प्रहार गरेका थिए । त्यस्तै अनिल शाहले २१ रन, प्रनित थापा मगरले अविजित १७ रन बनाएका थिए । बलिंगमा बिराटका दिपेश कंडेलले २७ रन खर्चेर ३ विकेट लिए भने अर्सलन अख्तरले १ विकेट लिए ।

 





थप समाचार

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]