सेमीफाइनलमा प्रदेश-५ ले रोक्ला आर्मीको यात्रा ?

binod bhandari , shatki gauchan


  • विकेटनेपाल, जेठ २४ – बिहिबार 

राजधानीमा जारि प्रधानमन्त्री कप क्रिकेट प्रतियोगिताको पहिलो सेमीफाइनल खेलमा शुक्रबार त्रिभुवन आर्मी क्लब र प्रदेश नम्बर-५ प्रतिस्पर्धा गर्दैछन्।

प्रतियोगिता अन्तर्गत समुह चरणको खेलमा समुह ‘ए’ को बिजेताको रुपमा त्रिभुवन आर्मी तथा समुह ‘बि’ को उपविजेताको रुपमा प्रदेश नम्बर-५ सेमीफाइनल प्रवेश गरेको थियो। प्रतियोगिताको शनिबार खेलिने दोश्रो सेमीफाइनलमा समुह ‘बि’ को बिजेता नेपाल पुलिस क्लब र समुह ‘ए’ को उपविजेता शशस्त्र प्रहरी बल ( एपीएफ ) प्रतिस्पर्धा गर्नेछन्। फाइनल खेल २७ गते आइतबार खेलिनेछ।

अपराजित आर्मी

बिनोद भण्डारीको कप्तानी रहेको त्रिभुवन आर्मी क्लबले समुह चरणको ४ वटै खेलमा जित हात पार्ने क्रममा प्रदेश नम्बर-२ लाई ५५ रनले ( डी/एल ) , प्रदेश नम्बर-१ लाई १०६ रनले, प्रदेश नम्बर-४ लाई ९ विकेटले तथा शशस्त्र प्रहरी बललाई ७० रनले पराजित गरेको छ।

Sompal Kami
Sompal Kami

आर्मीको जितमा बलिंगतर्फ देब्रे हाते स्पिनरद्वय सुशन भारि र शाहब आलम तथा अफस्पिनर सागर पुनले ४ खेलमा समान ९/९ विकेट लिंदै जितमा अहम योगदान दिएका छन् भने सोमपाल कामिले पनि ८ विकेट लिईसकेका छन्। ब्याटिंगतर्फ ओपनर अनिल मण्डलले ४ खेलमा १७१ रन बनाएका छन् भने कप्तान बिनोद भण्डारीले २०१ को आक्रामक स्ट्राइक रेटमा १३७ रन बनाएका छन्।

सन्तुलित प्रदेश नम्बर-५   

शक्ति गौचन कप्तानीमा रहेको प्रदेश नम्बर-५ ले समुह चरणमा ४ खेल मध्ये २ खेल जित्यो भने १ मा हार बेहोर्दा १ खेल भने वर्षाले रद्द हुन पुगेको थियो। यस क्रममा प्रदेश नम्बर-६ लाई ९ विकेटले र प्रदेश नम्बर-३ लाई ३० रन ( डी/एल) ले पराजित गरेको प्रदेश नम्बर-५ ले नेपाल पुलिस क्लबसंग ७ विकेटको हार बेहोरेको थियो।

बलिंगतर्फ प्रदेश नम्बर-५ का अनुभवी देब्रे हाते स्पिनर लाल बहादुर अधिकारीले कुल ७ विकेट लिएर उत्कृस्ट देखाएका छन् शक्ति गौचन, कृष्ण कार्की र सन्दिप सुनारले समान ४ विकेट लिएर लय देखाएका छन्। ब्याटिंगतर्फ ओपनर शंकर रानाले ३ इनिंगमा ९२ रन तथा अर्का ओपनर सन्दिप सुनारले समान खेलमा ८५ रन बनाएर सुभसंकेत गरेका छन्।

सन्दिप सुनार ( फाइल तस्बिर )

प्रतियोगिता अघि सुर्खेतमा सम्पन्न कर्णाली प्रिमियर लिग टि -२० प्रतियोगितामा त्रिभुवन आर्मी क्लबलाई लिग चरणको खेलमा प्रदेश नम्बर-५ को खेलाडीहरुको बाहुल्यता रहेको रुपन्देही-११ ले पराजित गरेको थियो भने सोहि प्रतियोगिताको फाइनल खेलमा भने आर्मीले रुपन्देही-११ बिरुद्ध जित हाँसिल गरेको थियो।

प्रदेश नम्बर-५ टिम ब्याटिंगतर्फ शंकर राना, सन्दिप सुनार, सौरभ खनाल, शुबेन्दु पाण्डे, अन्तिम थापा, राजबिर सिंह जस्ता खेलाडी हुनाले सन्तुलित देखिएको छ भने बलिंगको नेतृत्व कप्तान शक्ति गौचन आफैले गर्दै छन् जसमा देब्रे हाते स्पिनर लाल बहादुर अधिकारी लेग स्पिनर बिक्रम भुसाल, तिब्र गति बलर कृष्ण कार्की जस्ता बलर रहेका छन्।

उता आर्मीको बलरहरु सुशन भारि, शाहब आलम, सागर पुन र सोमपाल कामि सबै लयमा देखिनु आर्मीको मजबुत पक्ष हो। अर्कोतर्फ लयमा फर्किएका अनिल मण्डल र बिनोद भण्डारीको लय दोहोरिएमा प्रदेश नम्बर-५ को निराशाको कारण बन्न सक्छ। विभागीय टिमहरुको बोलवाला रहेको प्रतियोगितामा प्रदेश नम्बर-५ ले अस्चार्यजनक नतिजा ल्याउनेछ वा छैन सेमीफाइनलमा हेर्न लायक हुनेछ।





थप समाचार

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]

नेपालले ओमानमा चौदेशीय टि-२० सिरिज खेल्ने, आयो खेल तालिका

ओमानमा फेब्रुअरी १७ तारिख देखि सुरु हुने आईसीसी टि-२० विश्वकप ग्लोबल क्वालिफायरको तयारी स्वरूप नेपाली राष्ट्रिय क्रिकेट टिमले चार टिम […]

टि-२० विश्वकप छनोट : नेपालको पहिलो खेल ओमानसंग ( खेल तालिका सहित )

यसै वर्ष अक्टोबर १६ तारिख देखि अस्ट्रेलियामा टि-ट्वान्टी विश्वकप प्रतियोगिता आयोजना हुँदैछ। उक्त प्रतियोगितामा आयोजक अस्ट्रेलिया सहित २०२१ टि-२० विश्वकपको […]

टि-२० विश्वकप : भारत र पाकिस्तानको खेल एमसीजीमा, आयो खेलतालिका

अस्ट्रेलियामा यो वर्ष आयोजना हुने टि-२० विश्वकप प्रतियोगिताको अन्तर्राष्ट्रिय क्रिकेट परिषदले खेल तालिका र समुह बिभाजन शुक्रबार घोषणा गरेको छ। […]

‘आईसीसी टिम अफ द एअर’ : भारतीय खेलाडी छैनन् वानडे र टि-२० टिममा

अन्तर्राष्ट्रिय क्रिकेट परिषद ( आईसीसी ) ले यो वर्षको तिन वटै फर्म्याटको क्रिकेटको ‘टिम अफ द एअर’ घोषणा गरेको छ। […]