‘एसियन क्रिकेट सिक्सेस टुर’ नेपालमा पहिलो पटक आयोजना हुने



  • विकेटनेपाल, बैशाख-१४ , शनिवार 

अष्ट्रेलियन क्रिकेट आयोजक एसियन क्रिकेट सिक्सेस टुरको सहयोगमा देविबास इभेन्ट्स एण्ड मिडियाले पर्यटकीय नगरी पोखरामा नेपाल इन्टरनेशनल क्रिकेट सेभेन्सको आयोजना गर्ने भएको छ ।

आउदो असोज ३ गतेदेखि ५ गतेसम्म हुने प्रतियोगितामा कुल १६ बिदेशी टोलीहरुको सहभागिता रहने आयोजकले शनिबार एक कार्यक्रम मार्फत जानकारी दिएको छ । सहभागी टोलीहरुले लिग कम नकआउटका आधारमा ५ ओभरको खेल खेल्नेछन् । प्रतियोगिताबाट उठेका सम्पूर्ण रकम परोपकारी संस्थाहरुलाई हस्तान्तरण गरिनेछ ।

प्रतियोगितामा सहभागी हुनका लागि प्रत्येक टोलीले कम्तिमा एक हजार अष्ट्रेलियन डलर तिर्नुपर्ने हुन्छ । यसबाहेक कोष खडा गर्नका लागि हरेक खेलमा डक आउट, गोल्डेन डक आउट र डक आउट भएपछि पहिरिनुपर्ने डक मेडल नलगाउने खेलाडीले जरिवाना तिर्नेछन् भने अक्सनका लागि बिभिन्न क्रिकेट सम्बन्धि सामग्रिहरु पनि राखिनेछ।

“हामीले लामो समयदेखि यो प्रतियोगिता सञ्चालन गर्दै आइरहेका छौं । पोखरा नेपालकै सबैभन्दा सुन्दर पर्यटकिय शहर रहेको कारणले यहा गर्ने जमर्को गरेका हो । गत बर्ष थाइल्याण्डमा यो प्रतियोगिता गरिरँहदा हामी देविबासको सम्पर्कमा आएका थियौं । वहाहरुले प्रतियोगिता आयोजना गर्ने रुचि देखाएपछि यहाँ गर्न तयार भएका हौ,” टुरका दुई मध्येका एक संस्थापक तथा अध्यक्ष माइकल माहेरले नेपाल टुरिज्म बोर्डमा आयोजित कार्यक्रममा भने ।

माहेरका अनुसार प्रतियोगिता आयोजनका गर्नका लागि निकै ठूलो रकमको आवश्यकता हुने र प्रायोजकहरुको टुँगो लागिसकेपछि टिमसँग दर्ता शुल्क निर्धारण गर्ने जानकारी दिए । नेपालमा हुन गइरहेको ५३ औं संस्करणसम्म आइपुग्दा टुरले थाइल्याण्ड, मकाउ, फिलिपिन्समा यो प्रतियोगिता आयोजना गरिसकेको छ ।

नेपाल पर्यटन बर्ष २०२० लाई मध्येनजर गर्दै प्रतियोगितालाई नेपाल पर्यटन बोर्डले पनि साथ दिएको छ । देविबासका प्रबन्ध निर्देशक देवेन्द्र आचार्यले प्रतियोगिता रोमाञ्चक हुने अपेक्षा राखे-

“हामीले यसअघि पनि अण्डर १६ स्कुल क्रिकेट र मारवाडी प्रिमियर लिगको आयोजना गरिसकेका छौं । यो प्रतियोगिता नेपालमा गराउन हामीले लामो समयदेखि कसरत गरिरहेका थियो । पोखरामा हुने क्रिकेट सेभेन्स निकै नै रोमाञ्तक हुनेमा हामी आशावादी छौं,” आचार्यले बताए ।





थप समाचार

EPL : आजको दुवै खेल टस समेत नभई स्थगित, स्थगित खेल नयाँ मितिमा हुन सक्ने

चौंथो संस्करणको एभरेस्ट प्रिमियर लिग ( ईपीएल ) अन्तर्गत तेश्रो दिन सोमबारको दुई वटै खेल टस समेत हुन नपाई स्थगित […]

अफ्रिदी खेल्ने अन्तिम खेल मैदान भिजेको कारण रद्ध

चौथौ संस्करणको एभरेष्ट प्रिमियर लिग (ईपिएल टि-२०) अन्तर्गत सोमबारको पहिलो खेल मैदान भिजेको कारण रद्ध हुन पुगेको छ | हिजो […]

EPL मा आज पनि दुई खेल हुँदै

चौंथो संस्करणको एभरेस्ट प्रिमियर लिग ( ईपीएल ) टि-ट्वान्टी अन्तर्गत सोमबार तेश्रो दिन पनि दुई वटा खेलहरु हुनेछन्। दिनको पहिलो […]

हर्षलको ह्याट्रिक, बैंगलोर बिरुद्ध मुम्बईको इतिहासकै कम योगफल

हर्षल पटेलले ह्याट्रिक विकेट लिंदा डिफेन्डिङ च्याम्पियन मुम्बई इन्डीएन्सलाई ५४ रनले पराजित गर्दै रोयल च्यालेन्जर्स बैंगलोरले चौंथो खेलमा हारको शिलशिला […]

EPL : अम्पायरको निर्णयको बिरोध गर्दा विलियम्सलाई कारवाही

काठमाडौँमा जारी चौंथो संस्करणको एभरेस्ट प्रिमियर लिग ( ईपीएल ) को आइतबार सम्पन्न पोखरा राइनोज र भैरहवा ग्ल्याडीएटर्स बीचको खेलमा […]

ईपीएलमा करनको कप्तानी अनुभव “गार्हो नै हुने रैछ “

एभरेस्ट प्रिमीयर लिग अन्तर्गत दोश्रो दिन सम्पन्न लिगको दोश्रो खेलमा चितवन टाइगर्ससंग पराजित भएपछि बिराटनगर वारियर्सका कप्तान करन केसीले आज […]