२०२१ जुनमा एसिया कप टि-२० आयोजना गर्ने एसीसीको तयारी, श्रीलंकामा खेलिने



यो वर्ष सेप्टेम्बरमा आयोजना हुने भनिएको एसिया कप टि-२० प्रतियोगिता कोभिड-१९ महामारीका कारण रद्द भएको छ। निर्धारित समयमा एसिया कप टि-२० आयोजना नहुने भएपछि अब आगामी वर्ष जुनमा एसिया कप टि-२० आयोजना गर्ने प्रयासमा एसियन क्रिकेट काउन्सिल रहेको छ।

भारतीय क्रिकेट बोर्ड ( बिसीसीआई ) का अध्यक्ष सौरभ गांगुलीले एक अन्तर्वार्ताको क्रममा प्रतियोगिता रद्द भएको खुलासा गरेका थिए।

यस्तै एसीसीले पाकिस्तान क्रिकेट बोर्डले आफुले पाएको प्रतियोगिताको आयोजना अधिकार श्रीलंकालाई दिएको समेत बताएको छ। श्रीलंकाले आगामी वर्ष आयोजना गरेपछि २०२२ मा पाकिस्तानले प्रतियोगिता आयोजना गर्नेछ।

“सेप्टेम्बर २०२० मा एसिया कप आयोजना गर्ने प्रयास भएता पनि कोभिड-१९ का कारण देशहरु बीच यात्रा प्रतिबन्ध तथा अन्य स्वास्थ्य खतराहरुलाई मध्यनजर गर्दै यो वर्ष प्रतियोगिता सार्ने निर्णय गरेका छौँ। हामि जुन २०२१ मा प्रतियोगिता आयोजना गर्ने सोचका साथ काम गरिरहेका छौँ” एसीसीले बिहिबार बेलुका जारि गरेको प्रेस विज्ञप्तिमा बताएको छ।


प्रत्येक २ वर्षमा आयोजना हुँदै आएको एसिया कप सन् २०१६ पछि टि-२० र एकदिवसीयमा पालै पालो आयोजना हुने सहमति भएको थियो। सन् २००८ पछि पाकिस्तानले एसिया कप आयोजना गरेको छैन। २०१० मा श्रीलंकाले प्रतियोगिता आयोजना गरेपछि अन्य तिन संस्करण बंगलादेशले आयोजना गरेको थियो। तर २०१८ को एसिया कप भने युएईमा आयोजना भएको थियो।

एसिया कपमा एसियाली टेस्ट राष्ट्र भारत, पाकिस्तान, श्रीलंका, बंगलादेश, अफगानिस्तान र छनौट प्रतियोगिताबाट आउने १ राष्ट्र गरि ६ टिम सहभागी थिए। अगस्टमा मलेसियामा एसिया कप छनौट प्रतियोगिता आयोजना हुने तय भएको थियो जसमा हंगकंग, कुवेत, सिंगापुर र युएई सहभागी हुँदै थिए।

नेपाल भने लगातार दोश्रो पटक एसिया कप रेसबाट बाहिर भैसकेको थियो। थाइल्याण्डमा फेब्रुअरीमा सम्पन्न एसिया कप पूर्वी छनौटमा नेपाल चौथो भएको थियो। सिंगापुर र हंगकंग पूर्वी क्षेत्रबाट छनौट भएका थिए। नेपालले ४ खेल मध्ये १ खेलमा जित र २ खेलमा हार बेहोरेको थियो। मलेसिया र हंगकंगसंग पराजित भएको नेपालले थाइल्याण्ड पराजित गरेको थियो भने सिंगापुरसंगको खेल वर्षाले रोकिएको थियो।

धेरैले पढेको :- 





थप समाचार

T20WC : अफगानिस्तानको विशाल जितमा बनेका ७ ठूला कीर्तिमान

युएईमा जारि टि-ट्वान्टी विश्वकपको सातौँ संस्करणको सुपर-१२ चरणको खेलमा विजयी सुरुवात गर्ने क्रममा अफगानिस्तानले स्कटल्याण्डलाई १३० रनको विशाल अन्तरले पराजित […]

T20WC : मुजिब र राशिदको घातक बलिंग, अफगानिस्तानको कीर्तिमानी विशाल जित

मुजिब उर् रहमानले टि-ट्वान्टी विश्वकप इतिहासकै तथा करियरकै उत्कृस्ट बलिंग गर्दा टि-ट्वान्टी विश्वकपमा अफगानिस्तानले स्कटल्याण्डलाई १३० रनको कीर्तिमानी अन्तरले पराजित […]

T20WC : जद्रानको आक्रामक अर्धशतक, अफगानिस्तानको कीर्तिमानी योगफल

युएईमा जारि टि-ट्वान्टी विश्वकप अन्तर्गत सोमबारको एक मात्र खेलमा अफगानिस्तान र स्कटल्याण्ड प्रतिस्पर्धा गरिरहेका छन्। समुह ‘२’ दुवै टिमको सुपर-१२ […]

IPL मा लखनऊ र अहमदावाद दुई नयाँ टिम, बिसीसीआई बन्यो मालामाल

इन्डियन प्रिमियर लिगको आगामी संस्करण २०२२ मा दुई नयाँ टिम अहमदावाद र लखनऊ हुने पक्का भएको छ। सम्बर दुबईमा दुई […]

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]