एसिया कप टि-२० रद्द भएको गांगुलीको खुलासा , कारण यस्तो



भारतीय क्रिकेट कन्ट्रोल बोर्ड ( बिसीसीआई ) का अध्यक्ष सौरभ गांगुलीले यो वर्षको एसिया कप २०२० प्रतियोगिता रद्द भएको बताएका छन्।

गांगुलीले सोमबार एक च्याट सोको दौरान भारतले खेल्ने आगामी सिरिज बारे सोधिएको प्रश्नमा जवाफ दिने क्रममा प्रतियोगिता रद्द भएको बताएका हुन्।

गांगुलीले बताए – “यो बताउन धेरै मुस्किल छ कि भारतले कुन सिरिज पहिला खेल्नेछ। यो बारेमा कसैलाई थाहा छैन कि कोरोना कहिले सकिनेछ। हामि प्रतिक्षा मात्र गर्न सक्छौं। हामि पुरै तयार छौं कि जब क्रिकेट सुरु हुनेछ भारतमा मैदानहरु तयार हुनेछ। हामीलाई भारतमा क्रिकेट सुरु गर्न हतार छैन। भारतले पहिलो सिरिज डिसेम्बरमा अस्ट्रेलिया बिरुद्ध खेल्नेछ। सेप्टेम्बरमा हुने एसिया कप रद्द भैसकेको छ”

गांगुलीले एसिया कप रद्द हुनुको कारण कोरोना रहेको बताएका हुन्। यस्तै गांगुलीले आईपीएल आयोजना बारे बोल्दै अहिले कुनै पनि कुरा भन्न नसकिने बताए।

“हामिसंग आईपीएलको लागि कुनै खाली समय अहिले छैन त्यसैले अहिले भन्न मुस्किल छ। टि-२० विश्वकप अक्टोबर-नोभेम्बरमा हुनेवाला छ र यो आयोजना भए आईसीसीलाई फाइदा हुन्छ। जबसम्म हामिले आईसीसीबाट टि-२० विश्वकप बारे कुनै निर्णय पाउदैनौ आईपीएललाई लिएर कुनै ठुलो निर्णय लिन सक्नेछैनौ।” गांगुलीले प्रस्ट पारे।

यस अघि पाकिस्तान क्रिकेट बोर्डले एसिया कप तोकिएको समयमै आयोजना हुने बताएको थियो। आयोजनाको जिम्मेवारी पाएको पाकिस्तानले श्रीलंकालाई आयोजना अवसर दिने बताएको थियो।

एसिया कपमा एसियाली टेस्ट राष्ट्र भारत, पाकिस्तान, श्रीलंका, बंगलादेश, अफगानिस्तान र छनौट प्रतियोगिताबाट आउने १ राष्ट्र गरि ६ टिम सहभागी थिए। अगस्टमा मलेसियामा एसिया कप छनौट प्रतियोगिता आयोजना हुने तय भएको थियो जसमा हंगकंग, कुवेत, सिंगापुर र युएई सहभागी हुँदै थिए। अब एसिया कप नहुने भएपछि एसिया कप छनौट हुने पनि पक्का भएको छ।

युएईमा आयोजित २०१८ एसिया कप भारतले जितेको थियो

नेपाल भने लगातार दोश्रो पटक एसिया कप रेसबाट बाहिर भैसकेको थियो। थाइल्याण्डमा फेब्रुअरीमा सम्पन्न एसिया कप पूर्वी छनौटमा नेपाल चौथो भएको थियो। सिंगापुर र हंगकंग पूर्वी क्षेत्रबाट छनौट भएका थिए। नेपालले ४ खेल मध्ये १ खेलमा जित र २ खेलमा हार बेहोरेको थियो। मलेसिया र हंगकंगसंग पराजित भएको नेपालले थाइल्याण्ड पराजित गरेको थियो भने सिंगापुरसंगको खेल वर्षाले रोकिएको थियो।

धेरैले पढेको :- 





थप समाचार

T20WC : स्मिथद्वारा भारतीय विश्वकप टिमको तारिफ

अस्ट्रेलियन ब्याट्सम्यान स्टिभ स्मिथले भारतको टि-ट्वान्टी विश्वकप टिम उत्कृस्ट रहेको बताएका छन्। अस्ट्रेलियाको दोश्रो वार्म अप खेलमा भारत बिरुद्ध ४८ […]

अफगानिस्तानद्वारा वेस्टइन्डिज सहजै पराजित, नाबीको घातक बलिंग

टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ। युएईको अबुधाबी स्थित आईसीसी एकेडेमी मैदानमा […]

डुसेनले शतक बनाउदा रोमान्चक खेलमा दक्षिण अफ्रीकाद्वारा पाकिस्तान पराजित

टि-ट्वान्टी विश्वकपको तयारीको लागि खेलिएको अभ्यास खेलमा दक्षिण अफ्रीकाले रोमान्चक खेलमा प्रकिस्तानलाई ६ विकेटले पराजित गरेको छ। युएईको अबुधाबी स्थित […]

T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो

युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले […]

T20WC : फाबियन एलेन प्रतियोगिताबाटै बाहिर

युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्। आक्रामक ब्याट्सम्यान तथा देब्रे हाते स्पिनर एलेन […]

भारतद्वारा अस्ट्रेलिया पराजित, रोहितको अर्धशतक

ओमान र युएईमा संयुक्तरुपमा जारि सातौं टि-ट्वान्टी विश्वकप अघि आफ्नो दोश्रो अभ्यास खेलमा भारतले अस्ट्रेलियालाई ९ विकेटले पराजित गरेको छ। […]