पाकिस्तानी क्रिकेटर आसिफ अलिकी छोरीको निधन



  • विकेटनेपाल, जेठ ६ – सोमबार

पाकिस्तान राष्ट्रिय क्रिकेट टिमका सदस्य आसिफ अलिको छोरीको निधन भएको छ। केहि समयदेखि क्यान्सरसँग लडिरहेकी छोरीको निधन पाकिस्तानको इंग्ल्याण्डसंग आइतबार राति भएको पाचौं एकदिवसीय खेल सकिएको केहि समयपछी भएको थियो।

२ बर्षीय छोरी नुर फतिमा क्यान्सरको चौथो तथा अन्तिम चरणमा रहेकि थिईन्। उनकी छोरीको निधन भएको कुरा उनको पाकिस्तान सुपर लिग टिम इस्लामावाद युनाइटेडले ट्विटरमार्फत जनाएको थियो। उसले लेखेको छ:

“आसिफ अलिको छोरीको निधन भएकोमा इस्लामावाद युनाइटेड हार्दिक समवेदना प्रकट गर्दछ। हामि भगवानसँग उनको परिवारलाई सहन सक्ने क्षमता दिनको लागि प्रार्थना गर्छौं। आसिफ हामि सबैको लागि ठुलो उदाहरण हुन्, उनि प्रेरणाका स्रोत हुन्”।

इस्लामावादका प्रशिक्षक डिन जोन्सले पनि समवेदना प्रकट गर्दै ट्विट गरेका छन्।

मे ३० तारिखदेखि इंग्ल्याण्डमा आयोजना हुन लागेको विश्वकपको लागि पाकिस्तानले घोषणा गरेको १५ सदस्यीय अन्तिम टिममा परेपनि दुखद समयमा परिवारसँगै रहन २७ बर्षीय अलि केहि दिनको लागि घर फर्कदैछन्।

शनिबार इंग्ल्याण्ड बिरुद्दको खेलमा उनले ७ नम्बरमा ब्याटिंग गर्दै ३५२ रनको लक्ष्य पछ्याउने क्रममा २२ रन बनाएका थिए। हार्ड हिटरको पहिचान बनाएका उनले दुई अर्धशतक समेत बनाउंदै सिरिजका सम्पूर्ण ५ खेल खेले। पाकिस्तान ५ खेलको एकदिवसीय सिरिजमा ४-० ले पराजित भयो भने पहिलो खेल बर्षाले रद्द भयो।

उनले इंग्ल्याण्ड भ्रमणमा जानुअघि छोरी क्यान्सरको चौथो स्टेजमा पुगेको र उपचारको लागि अमेरिका पठाएको जनाएका थिए।

पाकिस्तानले सोमबार घोषणा गरेको विश्वकप खेल्ने टोलीमा आसिफ अलिको समेत नाम परेको हो। यस अघि घोषित प्रारम्भिक सुचिमा नअटाएका आसिफसंगै पाकिस्तानको विश्वकप टोलीमा मोहम्मद आमिर र वहाब रियाजले समेत स्थान बनाएका छन्।

पाकिस्तान टोली : सरफराज अहमद (कप्तान). फखर जमान, इमाम-उल-हक, बाबर आजम, आसिफ अली, शाहीन अफरीदी, हसन अली, वहाब रियाज, मोहम्मद हसनैन, शादाब खान, शोएब मलिक, मोहम्मद आमिर, मोहम्मद हफीज, इमाद वसीम, हरिस सोहेल

विश्वकपमा पाकिस्तानले आफ्नो पहिलो खेल मे ३१ तारिकमा वेस्ट इन्डिजसंग खेल्ने तालिका रहेको छ।





थप समाचार

IPL : मुम्बईलाई हराउदै दिल्ली दोश्रो स्थानमा उक्लियो

भारतमा जारि १४ औं आईपीएल अन्तर्गत १३ औं खेलमा दिल्ली क्यापिटल्सले डिफेन्डिङ च्याम्पियन मुम्बई इन्डीयन्सलाई ६ विकेटले पराजित गरेको छ। […]

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]