रोमान्चक खेलमा अस्ट्रेलियासंग भारत झिनो अन्तरले पराजित



  • विकेटनेपाल, मङ्सिर ५ 

एडम जाम्पाले उत्कृस्ट बलिङ्ग गरेपछि भारत विरुद्ध पहिलो टि-२० खेलमा अस्ट्रेलियाले ४ रनको अत्यन्त रोमाञ्चक जित हात पारेको छ।

अन्तिम ओभरमा भारतलाई जित्न १३ रन आवस्यक हुँदा ८ रन मात्र बनाउन सकेपछि भारत पराजित हुन पुग्यो।

जाम्पाले कसिलो बलिङ्ग गर्ने क्रममा ४ ओभर बलिङ्ग गर्दै २२ र खर्चेर विराट कोहली र केएल राहुलको महत्वपुर्ण विकेट हात पारे। जितमा महत्वपुर्ण योगदान गरेका जाम्पानै खेलको प्लेयर अफ द म्याच समेत चुनिए।

खेलमा भारतीय कप्तान विराट कोहलीले टस जितेर फिल्डिंग रोजेपछि ब्याटिंगमा उत्रेको अस्ट्रेलियाले १७ ओभरमा ४ विकेट गुमाएर १५४ रन बनाएको थियो। पहिलो इनिंगको १७ ओभरपछि वर्षाले खेल रोकिंदा खेललाइ १७ ओभरमा घटाइएको थियो र भारतलाई डीएलएस मेथड अनुसार १७ ओभरमा १७४ रनको लक्ष्य दिईएको थियो।

अस्ट्रेलियाको ब्याटिंगमा आरोन फिंच र क्रिस लिनले दोश्रो विकेटको लागि ४० तथा म्याक्सवेल र स्टोनिसले ७८ रनको महत्वपुर्ण साझेदारी गरे। म्याक्सवेल र लिनले आक्रामक पारि खेल्ने क्रममा क्रमश ४६ र ३७ रन बनाए। म्याक्सवेलले २४ बलमा ४ चौका प्रहार गरे भने लिनले २० मा १ चौका र ४ छक्क प्रहर गरे। त्यस्तै स्टोइन्सले १९ बलको सामना गर्दै ३ चौका र १ छक्का मद्दतले अविजित ३३ रन बनाए।

भारतको लागि कुलदीप यादवले (४-०-२४-२ ) २ विकेट हात पारे भने खलिल अहमद र जस्प्रित बुम्राहले समान १/१ विकेट हात पारे।

१७४ रनको लक्ष्यका साथ ब्याटिंग गरेको भारतले राम्रो सुरुवात गर्यो। शिखर धवन सुरुवात देखिनै आक्रामक देखिए।

पहिलो विकेटको रुपमा रोहित शर्मालाई पाँचौ ओभरमा व्यक्तिगत ७ रनमा गुमाएपछि ब्याटिंगमा आएका केएल राहुलसंग मिलेर धवनले ४६ रनको साझेदारी गर्दै भारतलाई अघि बढाएका थिए।

जाम्पाले नवौं ओभरमा राहुललाइ स्टाम्प आउट तथा ११औ ओभरमा कप्तान कोहलिलाई व्यक्तिगत ४ रनमा क्याच आउट गराए पछि भारतीय इन्निंग धुर्मुराएको थियो।

१२ औं ओभरमा शिखर धवनलाई व्यक्तिगत ७८ रनमा गुमाए पछि हारको संघारमा पुगेको इन्डियालाइ पन्त २० (१६ बल , १ चौका, १ छक्का ) र कार्तिकले ३० (१३ बल, ४ चौका, १ छक्का) ५१ रनको साझेदारी गर्दै जिततर्फ डोर्याउन खोजे पनि अन्ततः भारतले ४ रनको हार बेहोर्न पुग्यो।

अस्ट्रेलियाको लागि स्टोइन्स ले २ विकेट तथा टाई, बेह्रेनडर्फ तथा स्ट्यानलेकले समान १/१ विकेट हात पारे।

जितसंगै ३ खेलको सिरिजमा अस्ट्रेलियाले १-० को अग्रता लिएको छ। सिरिज अन्तर्गत दोस्रो खेल नोभेम्बर २३ मा मेर्लबर्नमा खेलिनेछ भने तेस्रो तथा अन्तिम खेल २५ तारिकमा सिड्नीमा खेलिनेछ। ३ टी-ट्वान्टी, चार टेस्ट र तिन एकदिवसीय सिरिजको लागि भारत जनवरी १८, २०१९ सम्म अस्ट्रेलियामा हुनेछ।

 





थप समाचार

EPL : नेपाल आइपुगे गत सिजनका सबैभन्दा आक्रामक ब्याट्सम्यान लेभी

सेप्टेम्बर २५ तारिख देखि सुरु हुने एभरेस्ट प्रिमियर लिग टि-ट्वान्टी ( ईपीएल ) को चौंथो संस्करणमा सहभागी हुन दक्षिण अफ्रिकी […]

हातमा आएको जित खोसीएपछि राहुलले भने “यो हार पचाउन गाह्रो छ।”

पन्जाब किंग्सलाई अन्तिम २ ओभरमा जितको लागि मात्र ८ रन आवस्यक थियो र साथमा थियो ८ विकेट। यस्तो अवस्थामा राजस्थान […]

IPL : सनसनीपूर्ण खेलमा राजस्थानद्वारा पन्जाब २ रनले पराजित, त्यागिको अपत्यारिलो ओभर

कार्तिक त्यागिले अपत्यारिलो बलिंग गरेपछि पन्जाब किंग्सलाई राजस्थान रोयल्सले मात्र २ रनले पराजित गरेको छ।  युएईको दुबई अन्तर्राष्ट्रिय क्रिकेट स्टेडियममा […]

IPL : अर्शदिपले ५ विकेट लिंदा उत्कृस्ट सुरुवातको बाबजुद राजस्थान १८५ मा सिमित

युएईमा जारी आईपीएलको दोश्रो फेजको खेल अन्तर्गत लिगको ३२ औं खेलमा पन्जाब किंग्स र राजस्थान रोयल्स प्रतिस्पर्धा गरिरहेका छन्। दुबई […]

IPL : टस हारेर राजस्थान ब्याटिंग गर्दै, पन्जाबको अन्तिम-११ बाट गेल बाहिर

युएईमा जारी आईपीएलको दोश्रो फेजको खेल अन्तर्गत लिगको ३२ औं खेलमा पन्जाब किंग्स र राजस्थान रोयल्स प्रतिस्पर्धा गरिरहेका छन्। दुबई […]

EPL-T20 2021 : कुन टिममा को-को खेलाडीहरु छन्

चौंथो संस्करणको एभरेस्ट प्रिमियर लिग टि-ट्वान्टी ( ईपीएल ) सेप्टेम्बर २५ तारिख देखि सुरु हुँदैछ। यो सिजन पनि लिगको उपाधिको […]