ख्वाजाको बिशाल इनिंगले अस्ट्रेलिया बलियो स्थितिमा



  • विकेटनेपाल, २२ पौष- शनिबार 

उस्मान ख्वाजाको बिशाल शतक तथा स्टिभ स्मिथसंगको बिशाल साझेदारी पछि अस्ट्रेलियाले पाँचौ तथा अन्तिम एसेज टेस्टमा पहिलो इनिंगमा १३३ रनको अग्रता लिएको छ।

इंग्ल्याण्डले पहिलो इनिंगमा ३४६ रन बनाएपछि ब्याटिंग थालेको अस्ट्रेलियाले तेश्रो दिनको समाप्तिमा ४७९/४ को स्कोर बनाईसकेको छ। दिनको समाप्तिमा शन मार्श ९८ रन तथा मिचेल मार्श ६३ रनमा अविजित रहेका छन्।

यस अघि उस्मान ख्वाजाले छैठौं टेस्ट शतक पुरा गर्दै अस्ट्रेलियालाई अग्रतातर्फ लगेका थिए। १७१ रनको इनिंग खेलेका उनले ३८१ बलमा १८ चौका र १ छक्का प्रहार गरे। तेश्रो विकेटको लागि उनले कप्तान स्टिभ स्मिथसंग तेश्रो विकेटको लागि १८८ रनको साझेदारी गरेका थिए। स्मिथ ८३ रन बनाएर आउट भए।

तेश्रो विकेटपछि ख्वाजाले शन मार्शसंग १०१ रनको साझेदारी गरेका थिए। ख्जावाको विकेट पछि शन मार्श र मिचेल मार्शले १०४ रनको साझेदारी गरिसकेका छन्।

इंग्ल्यान्ड बलर जेम्स एण्डरसन, स्टुवार्ट ब्रड, मोइन अलि र मासोन क्रेनले  समान १ विकेट आफ्नो नाम गरेका छन्।

इंग्ल्याण्ड पहिलो इनिंग 

यस अघि सिड्नीमा टस जितेर पहिले ब्याटिंग गरेको इंग्ल्यान्डको लागि कप्तान जोए रुटले सर्बाधिक ८३ रनको योगदान दिएका थिए। डविड मलनले ६२ रन, तम कुर्रनले र एलेस्टर कुकले समान ३९ रन बनाए।

इंग्ल्याण्डलाई रोक्न अस्ट्रेलियन बलर प्याट कमिन्सले सर्बाधिक ४ विकेट ( २४.३-५-८०-४ ) तथा मिचेल स्टार्क र जोश हेजलवुडले २/२ विकेट हात पारे।

सिरिजमा अस्ट्रेलियाले ३-० ले  जितीसकेको छ भने एउटा टेस्ट बराबरीमा समाप्त भएको थियो। टेस्ट शृंखला पछि दुई टिमले ५ वटा एकदिवसीय खेल्नेछ।

( फोटोहरु – आईसीसी )





थप समाचार

प्रम कप : एपीएफ सेमिफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत शनिबार सम्पन्न (ग्रुप ‘ए’) १५ औं खेलमा एपीएफले कर्णालीलाई ७१ रनले पराजित गर्दै सेमिफाइनलमा […]

प्रम कप : लुम्बिनीको दोश्रो जित, सुदूरपश्चिम बाहिरियो

सुदूरपश्चिमलाई ६ विकेटले पराजित गर्दै प्रधानमन्त्री कप एकदिवसीय राष्ट्रिय प्रतियोगितामा लुम्बिनी प्रदेशले दोश्रो जित हात पारेको छ। जितपछि लुम्बिनी समुह […]

हसन चम्कदा एक खेल अगावै बंगलादेशलाई सिरिज

बंगलादेश र वेस्ट इन्डिजबीच जारि ३ खेलको एकदिवसीय शृंखला अन्तर्गत शुक्रबार सम्पन्न दोस्रो खेलमा घरेलु टोलि बंगलादेशले ७ विकेटको सहज […]

प्रम कप : बागमतीको लगातार तेश्रो जित, पृथुको उत्कृस्ट लय

प्रदेश नम्बर-२ लाई ६ विकेटले पराजित गर्दै बागमती प्रदेशले काठमाडौँमा जारी प्रधानमन्त्री कप एकदिवसीय राष्ट्रिय प्रतियोगितामा लगातार तेश्रो जित दर्ता […]

बिग ब्यास : सन्दिपको राम्रो प्रदर्शनका बाबजुद होबार्टको हार

अस्ट्रेलियामा जारी बिग ब्यास लिग अन्तर्गत ४७ औं खेलमा नेपाली खेलाडी सन्दिप लामिछाने आबद्ध होबार्ट हरिकेन्सलाई पर्थ स्करचर्सले २२ रनले […]

राजस्थान रोयल्सद्वारा रोबिन उथप्पा चेन्नाईलाई ट्रेड

आईपीएल टिम राजस्थान रोयल्सले आफ्नो ब्याट्सम्यान रोबिन उथप्पालाई चेन्नाई सुपर किंग्समा ट्रेड गरेको छ। आईपीएल २०१४ को अरेन्ज क्याप विजेता […]