अस्ट्रेलियाले सेप्टेम्बरमा इंग्ल्यान्ड भ्रमण गर्ने पक्का, यस्तो छ खेलतालिका



गत महिना वेस्टइन्डिजले इंग्ल्यान्डमा टेस्ट सिरिज खेलेपछि सुरु भएको कोभिड-१९ महामारी पछिको अन्तर्राष्ट्रिय क्रिकेटले इंग्ल्यान्डमा निरन्तरता पाउने भएको छ। वेस्टइन्डिज पछि आयरल्याण्डले तिन वटा वानडेको सिरिज खेल्यो भने हाल पाकिस्तानले इंग्ल्यान्डको भ्रमण गरिरहेको छ। पाकिस्तानले जारि तिन म्याचको टेस्ट सिरिज पछि तिन वटा टि-२० पनि खेल्नेछ।

यसै बीच अस्ट्रेलियाले पनि इंग्ल्यान्डको भ्रमण गर्ने पक्का भएको छ। इंग्ल्यान्ड क्रिकेट बोर्डले अस्ट्रेलिया आगामी महिना सेप्टेम्बरमा इंग्ल्यान्ड भ्रमणमा आउने अधिकारिक घोषणा गरेको हो। सिरिजको लागि अस्ट्रेलियाले अभ्यास पनि सुरु गरिसकेको छ।

इंग्ल्यान्ड भ्रमणको लागि अस्ट्रेलियाले तयारी सुरु गरिसकेको छ

इंग्ल्यान्ड भ्रमणमा अस्ट्रेलियाले तिन वटा वानडे अन्तर्राष्ट्रिय र तिन वटै टि-२० अन्तर्राष्ट्रियको सिरिज खेल्नेछ। सिरिजको तालिका समेत सार्वजनिक गरिएको छ जसअनुसार टि-२० सिरिजको तिन वटै खेल साउथह्याम्पटको एजेज बल मैदानमा खेलिनेछ। एकदिवसीय सिरिजको आयोजना म्यानचेस्टरको ओल्ड ट्रयाफोर्डमा खेलिनेछ। दुवै मैदानको नजिकै होटल रहेकोले कोरोना महामारीलाई मध्यनजर राखेर उक्त मैदान रोजिएको हो।

इंग्ल्यान्ड बोर्डले अस्ट्रेलियासंगको सिरिज पछि इंग्ल्यान्डको यो वर्षको समर सिजन समाप्त हुनेछ। त्यसपछि खेलाडीहरु इन्डियन प्रिमियर लिग ( आईपीएल ) खेल्नको लागि खुला हुनेछन्।

इंग्ल्यान्ड बोर्डका अनुसार अस्ट्रेलियन टिम २४ अगस्टमा इंग्ल्यान्ड पुग्नेछ जसपछि ५ दिन क्वारेन्टाइनमा बस्नेछ। त्यसपछि अस्ट्रेलियाले आफ्नै खेलाडीहरु बीच तिन वटा टि-२० अभ्यास खेल खेल्नेछ।

टि-२० र एकदिवसीय सिरिजको खेल तालिका 

पहिलो टि-२० : ४ सेप्टेम्बर ( साउथह्याम्पटन )

दोश्रो टि-२० : ६ सेप्टेम्बर ( साउथह्याम्पटन )

तेश्रो टि-२० : ८ सेप्टेम्बर ( साउथह्याम्पटन )

पहिलो वानडे : ११ सेप्टेम्बर ( म्यानचेस्टर )

दोश्रो वानडे : १३ सेप्टेम्बर ( म्यानचेस्टर )

तेश्रो वानडे : १६ सेप्टेम्बर ( म्यानचेस्टर )

अस्ट्रेलियाद्वारा टिमको घोषणा 

इंग्ल्यान्ड भ्रमणको लागि अस्ट्रेलियाले २१ सदस्यीय टोलिको पनि घोषणा गरेको छ जसमा अनक्याप्ड खेलाडीहरु ड्यानियल स्याम्स, राइले मेरेडीथ र जोश फिलिप्पे पनि रहेका छन्। ट्राभिस हेड, उस्मान ख्वाजा, बेन म्याकडरमोट, माइकल नेसार र ड्यारसी शर्ट जस्ता खेलाडीहरुलाई टिममा राखिएको छैन।

अस्ट्रेलिया टिम :- Aaron Finch (c), Sean Abbott, Ashton Agar, Alex Carey, Pat Cummins (vc), Josh Hazlewood, Marnus Labuschagne, Nathan Lyon, Mitchell Marsh, Glenn Maxwell, Riley Meredith, Josh Philippe, Daniel Sams,Kane Richardson, Steven Smith, Mitchell Starc,Marcus Stoinis, Andrew Tye, Matthew Wade, David Warner, Adam Zampa

इंग्ल्यान्ड बिरुद्धको सिरिज सेप्टेम्बर १६ मा सकिने हुँदा इंग्ल्यान्ड र अस्ट्रेलिया दुवै टिमका खेलाडीहरुले सुरुवाती १-२ खेलहरु गुमाउनसक्नेछन्। आईपीएल सेप्टेम्बर १९ देखि सुरु हुँदैछ। आईपीएलको लागि खेलाडीहरु युएईमा ६ दिन आइसोलेसनमा बस्नुपर्नेछ।

यो पनि पढ्नुस :- 

पाकिस्तानसंग खेल चल्दै गर्दा ब्रोडले किन प्रयोग गरे इन्हेलर, कारण जान्नुस

राष्ट्रिय फुटबलरलाई पनि देखियो कोरोना

आईपीएल २०२० : कुन टिममा को-को खेलाडी छन्

लामो समय देखि रोकिएको क्रिकेटरहरुको तलब दिन क्यानले प्रक्रिया थाल्यो

सन्दिप लामिछाने सहित सिपिएल टि-२० खेल्न यात्रा गर्ने १६२ जनाको रिपोर्ट नेगेटिभ

सिपिएल टि-२० : कुन टिममा को-को छन् खेलाडीहरु

आरिफ शेखको ६ उत्कृस्ट ब्याटिंग प्रदर्शन





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]