अस्ट्रेलिया र इंग्ल्यान्ड बीच निर्णायक वानडे आज, स्मिथ खेल्छन् या खेल्दैनन् ?



अस्ट्रेलिया र इंग्ल्यान्ड बीच ३ वानडे म्याचको सिरिज अन्तर्गत अन्तिम र निर्णायक खेल बुधबार म्यानचेस्टरको ओल्ड ट्रयाफोर्ड स्टेडियममा खेलिनेछ। सिरिज अन्तर्गत पहिलो वानडे अस्ट्रेलियाले १९ रनले तथा दोश्रो वानडे इंग्ल्यान्डले २४ रनले जितेको थियो। अन्तिम वानडेले सिरिज विजेताको निर्णय गर्नेछ। यस अघि टि-२० सिरिज इंग्ल्यान्डले २-१ ले जितेको थियो। खेल आज बेलुका नेपाली समय ५:४५ बजे सुरु हुनेछ।

महत्वपूर्ण तेश्रो वानडेमा स्टिभ स्मिथ खेल्ने या नखेल्ने बारे भने अझै पनि निर्णय हुन सकेको छैन। पहिलो वानडे अघि अभ्यासको क्रममा एक प्रशिक्षकले फालेको बल टाउकोमा लाग्दा स्मिथ घाइते भएका थिए। त्यसपछि पहिलो वानडे गुमाएका स्मिथलाई दोश्रो वानडेमा पनि खेलाउने जोखिम टिमले लिएको थिएन। तेश्रो वानडेमा पनि खेल्ने नखेल्ने अझै निश्चित भैसकेको छैन।

अस्ट्रेलियाका प्रशिक्षक जस्टिन ल्यांगरले अझै पनि उनि खेल्नेमा थोरै संशय बाँकी रहेको बताएका छन्। स्मिथले मंगलबार ब्याटिंग र फिल्डिंग अभ्यास गर्नुको साथै दौड पनि लगाएका थिए। अभ्यासको क्रममा एउटा बलले उनको हेल्मेटलाई छोएर गएको थियो।

“अझै पनि उनि पूर्णत ठिक भएका छैनन्।” ल्यांगरले थपे “अन्तिम सयसम्म पनि हामि उनको अवस्था कस्तो हुनेछ पर्खिएर मात्र निर्णय लिनेछौँ। उनको स्वास्थ्य पहिलो प्राथमिकता हो। तर उनि सहि दिशातर्फ गइरहेका छन् र हामि आशावादी छौँ कि उनि ठिक हुनेछन्।”

मंगलबार अभ्यासको क्रममा स्मिथ

स्मिथको सट्टा अस्ट्रेलियाले तेश्रो नम्बरमा मार्कस स्टोइनिसलाई खेलाएको थियो जसले क्रमशः पहिलो २ खेलमा ४३ र ९ रन बनाएका थिए। स्मिथ नखेलेको खण्डमा उनलेनै सो नम्बरमा ब्याटिंग गर्नेछन्।

दोश्रो एकदिवसीयमा अस्ट्रेलियाले २३२ रनको लक्ष्य पछ्याउन नसक्दा टिमको मध्यक्रमका ब्याट्सम्यानको प्रदर्शन खराब रहेको थियो। १४४/२ को अवस्थाबाट टिमले थप ६३ रन जोड्दा सम्पूर्ण विकेट गुमाउन पुगेको थियो। स्मिथको आगमनले अस्ट्रेलियाको ब्याटिंग क्रम मजबुत हुने अपेक्षा गरिएको छ।

संबन्धित :-

आर्चर र वोक्सको घातक बलिंग, दोश्रो वानडे जित्दै इंग्ल्यान्डद्वारा सिरिज बराबरी

धेरैले पढीरहेको :-

IPL : स्टोक्स खेल्छन् कि खेल्दैनन् ? यसो भन्छन् राजस्थानका प्रशिक्षक

ज्ञानेन्द्र मल्लको नाममा छ टि-२० अन्तर्राष्ट्रियको ७ कीर्तिमान

आईपीएलका ८ रेकर्ड जुन टुट्न निकै मुस्किल छ

गौतम गम्भीरको विश्लेषण- पहिलो खेलमा चेन्नाई भन्दा मुम्बईको ‘हात माथि’





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]