वार्नरले विशाल शतक बनाउदा अस्ट्रेलियाको विशाल योगफल, वर्षाले रोकियो खेल



इंग्ल्याण्डमा जारि एकदिवसीय विश्वकप अन्तर्गत अस्ट्रेलिया २६ औं खेलमा अस्ट्रेलिया र बंगलादेश प्रतिस्पर्धा गरिरहेका छन्।

खेलमा टस जितेर पहिले ब्याटिंग गरेको अस्ट्रेलियाले ४९ ओभरमा ५ विकेट गुमाएर ३६८ रन बनाएको छ। १ ओभर मात्र इनिंगमा बाँकी रहंदा वर्षाले खेल रोकिएको छ।

ट्रेन्ट ब्रिज मैदानमा टस जितेर ब्याटिंग गरेको अस्ट्रेलियालाई ओपनर डेभिड वार्नरले कप्तान एरोन फिंचले उत्कृस्ट सुरुवात दिलाए। दुवैले १२१ रनको ओपनिंग साझेदारी गरे। फिंच २१ औं ओभरमा आउट भए जसअघि उनले १४७ बलमा १४ चौका र ५ छक्का प्रहार गरे।

फिंचको विकेटपछि वार्नर र उस्मान ख्वाजाले दोश्रो विकेटको लागि १९२ रनको विशाल साझेदारी गरे। उत्कृस्ट फर्म दोहोर्याउने क्रममा वार्नरले प्रतियोगिताको दोश्रो शतक प्रहार गरे।

४५ औं ओभरमा सौम्य सरकारको बलमा क्याच आउट हुनु अघि उनले १६६ रन बनाए जुन क्रममा १४७ बलमा १४ चौका र ५ छक्का प्रहार गरे। एकदिवसीय अन्तर्राष्ट्रियमा यो वार्नरको १६ औं शतक हो। प्रतियोगितामा यस अघि उनले पाकिस्तान संघ १०७, भारतसंग ५६, इंग्ल्याण्डसंग ४३ तथा अफगानिस्तानसंग अविजित ८९ रन बनाएका थिए

वार्नरको विकेटपछि ख्वाजापनि सौम्य सरकारकै बलमा क्याच आउट भए जसले ७२ बलमा १० चौका मदतले ८९ रन बनाए। स्टिभ स्मिथ १ रन बनाएर आउट भए।

आक्रामक ब्याटिंग गरेका ग्लेन म्याक्सवेलले विस्फोटक ब्याटिंग गर्दै १० बलमा ३ छक्का र २ चौका मदतले ३२ रन बनाए।उनि रन आउट भए।

प्रतियोगितामा अस्ट्रेलियाले ५ खेल खेल्दा ४ जित र १ हार बेहोरेको छ। यस क्रममा उसले श्रीलंकालाई ८७ रनले, पाकिस्तानलाई ४१ रनले, वेस्ट इन्डिजलाई १५ रनले तथा अफगानिस्तानलाई ७ विकेटले पराजित गर्दा भारतसंग भने ३६ रनले पराजित हुन पुगेको थियो।

बंगलादेशको बलिंगमा सौम्य सरकारले सर्वाधिक ३ विकेट ( ८-०-५८-३ ) तथा मुस्तफिजुर रहमानले १ विकेट ( ८-०-५६-१ ) लिए। मश्रफे मुर्तजा ( ८-०-५६-० ) , शकिब अल हसन ( ६-०-५०-० ) , रुबेल हुसेन ( ९-०-८३-० ) र मेहदी हसन ( १०-०-५९-० ) विकेट विहिन रहे।

बंगलादेशले ५ खेल खेल्दा २ जित र २ हार बेहोरेको छ भने १ खेल नतिजाविहिन रहेको थियो। यस क्रममा उसले वेस्टइन्डिजलाई ७ विकेटले तथा दक्षिण अफ्रीकालाई २१ रनले पराजित गरेको थियो भने इंग्ल्याण्डस्नाग १०६ रनको तथा न्युजिल्याण्डसंग २ विकेटको हार बेहोरेको थियो। श्रीलंकासंगको खेल भने नतिजाविहिन रहेको थियो।

 





थप समाचार

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]

EPL : नेपाल आइपुगे गत सिजनका सबैभन्दा आक्रामक ब्याट्सम्यान लेभी

सेप्टेम्बर २५ तारिख देखि सुरु हुने एभरेस्ट प्रिमियर लिग टि-ट्वान्टी ( ईपीएल ) को चौंथो संस्करणमा सहभागी हुन दक्षिण अफ्रिकी […]

हातमा आएको जित खोसीएपछि राहुलले भने “यो हार पचाउन गाह्रो छ।”

पन्जाब किंग्सलाई अन्तिम २ ओभरमा जितको लागि मात्र ८ रन आवस्यक थियो र साथमा थियो ८ विकेट। यस्तो अवस्थामा राजस्थान […]

IPL : सनसनीपूर्ण खेलमा राजस्थानद्वारा पन्जाब २ रनले पराजित, त्यागिको अपत्यारिलो ओभर

कार्तिक त्यागिले अपत्यारिलो बलिंग गरेपछि पन्जाब किंग्सलाई राजस्थान रोयल्सले मात्र २ रनले पराजित गरेको छ।  युएईको दुबई अन्तर्राष्ट्रिय क्रिकेट स्टेडियममा […]