कप्तान आजमको उत्कृष्ट पारीमा पाकिस्तानको सहज जित



जिम्बाब्वे र पाकिस्तानबीच ३ खेलको टि-२० अन्तर्राष्ट्रिय सिरिज अन्तर्गत शनिवार सम्पन्न पहिलो खेलमा घरेलु टोलि पाकिस्तानले जिम्बाब्वेमाथि ६ विकेटको जित दर्ता गर्दै सिरिजमा अग्रता लिएको छ।

कप्तान बाबर आजमले उत्कृस्ट ब्याटिंग गर्दा रावलपिण्डि क्रिकेट स्टेडियममा जिम्बाब्वेले दिएको १५७ रनको लक्ष्य पाकिस्तानले  १८.५ ओभरमा ४ विकेट गुमाएर भेटायो।

पाकिस्तानको लागि कप्तान आजमले सर्वाधिक ८२ रन बनाए जुन क्रममा ५५ बलमा ९ चौका र १ छक्का प्रहार गरे। मोहम्मद हफिजले ३६ तथा फखर जमानले १९ रन बनाए। ओपनर आजमले ६२/२ को अवस्थाबाट तेश्रो विकेटको लागि मोहम्मद हफिजसंग ८० रनको साझेदारी गर्दै जितको आधार तयार गरेका थिए।

जिम्बाब्वेको बलिंगमा ब्लेसिंग मुजाराबानिले २ विकेट तथा टेण्डाइ चतरा र रिचर्ड नगराभाले समान १ विकेट लिए।

आजम र हफिजले उत्कृस्ट साझेदारी गरे

जिम्बाब्वेको ब्याटिंग

यस अघि टस जितेर पहिले ब्याटिंग रोजेको जिम्बाब्वेले निर्धारित २० ओभरमा ६ विकेट गुमाउदै १५६ रन बनाएको थियो।

जिम्बाब्वेको लागि वेसले मधिभिरेले अविजित इनिंग खेल्ने क्रममा सर्वाधिक ७० रन बनाएका थिए जुन क्रममा ४८ बलमा ९ चौका र १ छक्का प्रहार गरे। सिन विलियम्सले २५, एल्टन चिगुम्बुराले २१, ब्रेण्डन टेलरले २० रन बनाए।

पाँचौ ओभरमा ब्याटिंग गर्न आएका मधिभिरेले अर्को किनारमा विकेट गुमेता पनि अन्तिमसम्म ब्याटिंग गर्दै जिम्मेवार ब्याटिंग गरेका थिए।

पाकिस्तानको बलिंगतर्फ हरिश राउफ र वहाव रियाजले २ विकेट लिए। यस्तै, उस्मान कादिर र मोहम्मद हसनेनले समान १-१ विकेट हात पारे।

सिरिज अन्तर्गत दोश्रो टि-२० भोलि आइतबार रावलपिण्डीमानै खेलिनेछ भने तेश्रो टि-२० मंगलबार खेलिनेछ। यस अघि पाकिस्तानले ३ खेलको एक दिवसीय शृंखला २-१ ले जितेको थियो।

क्यान बैठक : सम्झौता अवधि घटाउदै सच्याइयो खेलाडी वर्गीकरण, के-के भए अन्य निर्णयहरु

वार्नरलाई आउट दिएको निर्णयको कमेन्टेटरले गरे बिरोध ‘यो गलत भयो’

गम्भिरद्वारा कोहलीको कडा आलोचना ‘८ वर्ष ट्रफी बिना लामो समय हो’





थप समाचार

पुरनको आक्रामक अर्धशतक बाबजुद वेस्टइन्डिज पराजित, पाकिस्तानलाई अग्रता

दोश्रो खेलमा घरेलु टोलि वेस्टइन्डिजलाई ७ रनले पराजित गर्दै पाकिस्तानले ४ खेलको टि-२० अन्तर्राष्ट्रियको सिरिजमा १-० को अग्रता लिएको छ। […]

होल्डरको घातक बलिंग, राम्रो सुरुवातका बाबजुद पाकिस्तानको मध्यम योगफल

पाकिस्तानको वेस्टइन्डिज भ्रमण अन्तर्गत ४ खेलको टि-२० अन्तर्राष्ट्रिय सिरिज अन्तर्गत दोश्रो खेल जित्न पाकिस्तानले वेस्टइन्डिजलाई १५८ रनको लक्ष्य प्रस्तुत गरेको […]

द हन्ड्रेड : क्लार्क चम्किंदा म्यानचेस्टरको जित

वेल्स फायरलाई ७ विकेटले पराजित गर्दै म्यानचेस्टर ओरिजिनलले इंग्ल्यान्डमा जारी द हन्ड्रेड लिग अन्तर्गत दोश्रो जित दर्ता गरेको छ। कार्डिफ […]

अन्तर्राष्ट्रिय क्रिकेटबाट उडानाको सन्यास

श्रीलंकन क्रिकेटर इसुरु उडानाले अन्तर्राष्ट्रिय क्रिकेटबाट सन्यास घोषणा गरेका छन्। उडाना भारत बिरुद्ध भर्खरै सम्पन्न एकदिवसीय र टि-२० सिरिजमा टिमको […]

बेन स्टोक्सले क्रिकेटबाट लिए ब्रेक

इंग्ल्यान्ड क्रिकेट टिमका स्टार अलराउण्डर बेन स्टोक्सले अचानक  सबै किसिमको क्रिकेटबाट ब्रेक लिने निर्णय लिएका छन्। ३० वर्षीय अलराउण्डरले तत्काल […]

‘द हन्ड्रेड’ भिन्सको कप्तानी इनिंग्समा ब्रेभको पहिलो जित

रोमान्चक खेलमा मोईन अलि कप्तानीको बर्मिङगम फोनिक्सलाई ४ विकेटले पराजित गर्दै जेम्स भिन्स कप्तानीको साउदर्न ब्रेभले ‘द हन्ड्रेड’ लिगमा पहिलो […]