भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”



क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय र टि-ट्वान्टी विश्वकप इतिहासमा पछिल्लो १२ वटा भेटमा भारतसंग पराजित भएको पाकिस्तानले १३ औं पटक भने अवसरलाई खेर जान दिएन। दुबई अन्तर्राष्ट्रिय स्टेडियममा भारतले दिएको १५२ रनको लक्ष्य पाकिस्तानले विकेटनै नगुमाई १३ बल बाँकि रहँदै भेटायो र इतिहास रच्न पुग्यो।

जितपछि अन्तर्वार्तामा बाबरले बताए – “यो पुरा टिमको प्रयास हो। हामीले आफ्ना योजनाहरु राम्रोसंग लागु गर्न सक्यौं। सुरुवाती विकेटले निकै सहयोग गर्यो। शाहिनको विकेटहरुले आत्मविश्वास दियो जसपछि स्पिनरहरुले पनि राम्रो दबाब बनाए।” ३ विकेट लिंदै प्लेयर अफ द म्याच चुनिएका देब्रे हाते पेसर शाहिन अफ्रिदीले स्पेलको सुरुवातमै रोहित शर्मा र केएल राहुलको विकेट लिंदै दबाब बनाएका थिए।

लक्ष्य पछ्याउनेक्रममा रिजवानसंगको योजना बारे बोल्दै आजमले दोश्रो इनिंग्समा मैदानमा शित हुँदा ब्याटिंग गर्न सहज भएको बताए- “रिजवानसंग मेरो योजना सधैं सामान्य रहन्छ त्यो हो साझेदारी बनाउने। हामि क्रिजको भित्र जाने प्रयास गरिरहेका थियौं र ८ ओभरपछि जब मैदानमा शित आयो त्यसपछि बल सहज रुपमा ब्याटमा आयो। विकेट राम्रो हुँदै गएकाले हामी अन्तिमसम्म ब्याटिंग गर्न चाहन्थ्यौं जसमा हामी सफल पनि भयौं।” आजम र रिजवानले १५२ रनको ओपनिंग साझेदारी गर्दै भारतलाई खेलमा हावी हुने कुनै पनि अवसर दिएनन्।   रिजवानले ७९ तथा आजमले ६८ रन बनाए।

जितले आत्मविश्वास दिएको आजमले बताए – “भारतलाई पराजित गर्दैमा सबै कुरा सहज हुँदैन। यो सुरुवात मात्र हो , हामिसंग यसलाई निरन्तरता दिने आत्मविश्वास छ। एक पटकमा एउटा खेल बारे मात्र सोच्नेछौँ  र अझै धेरै यात्रा बाँकीछ।”

खेल अघि भारतसंगको खराब रेकर्ड बारे नसोचेको उनले बताए – “हामिसंग दबाब धेरै थिएन र रेकर्ड बारे पटक्कै सोचीरहेका थिएनौं। म मात्र हार्मो खेलाडीहरुलाई हौसला दिन चाहन्थे जो राम्रो तयारी गरिरहेका थिए। ठुलो प्रतियोगिता अघि हाम्रो घरेलु प्रतियोगिताले पनि तयारीमा निकै सहयोग गर्यो जसले आत्मविश्वास प्रदान गर्यो।”

प्रतियोगिता अन्तर्गत पाकिस्तानले आफ्नो दोश्रो खेलअक्टोबर २६ तारिख मंगलबार न्युजिल्यान्ड बिरुद्ध खेल्नेछ। त्यसपछि अक्टोबर २९ तारिखमा अफगानिस्तानसंग, अक्टोबर २ तारिखमा नामिबियासंग तथा नोभेम्बर ७ तारिखमा स्कटल्याण्डसंग खेल्ने तालिका छ। समुह चरणमा सबै टिमसंग एक/एक खेल खेलेपछि समुहको उत्कृस्ट दुई टिम सेमीफाइनल प्रवेश गर्नेछ।





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]