बाबर हायातले पनि छाडे हंगकंग टिम, विश्वकप छनौटबाट लिए नाम फिर्ता



अंशुमन रथले हंगकंग टिमबाट नखेल्ने निर्णय गरेको १ साता पनि नबित्दै अर्का ठुला क्रिकेटर बाबर हायातले पनि रथकै बाटो समातेका छन्।

हंगकंग पुर्व कप्तान हायातले आगामी महिना युएईमा आयोजना हुने टि-२० विश्वकप छनौटबाट आफ्नो नाम फिर्ता लिएका छन्। हायातसंगै तिब्र गति बलरद्वय एहसान नवाज र तन्भिर एहमदले पनि तुरुन्त लागु हुने गरि क्रिकेट हंगकंगको अनुबन्ध रद्द गरेका छन्।

इमर्जिंगक्रिकेटका अनुसार हंगकंगका पुर्व कप्तान तथा नियमित क्रिकेटर तन्भिर अफजललाईलाई टि-२० विश्वकप छनौट टिममा नराखी अतिरिक्त खेलाडीको सुचीमा राखेपछि अफजललाई टिममा समावेश गर्न हायात, नवाज र एहमदले प्रशिक्षक ट्रेन्ट जोन्सनसंग माग गरेका थिए। अफजललाई टिममा राख्न उनीहरुले प्रशिक्षक जोन्सनलाई अल्टिमेटमनै दिएका थिए र उनलाई नराखे आफु ३ जनाले पनि नखेल्ने धम्कि दिएका थिए। उनीहरुको माग पुरा नभए पछि टिमबाट नाम फिर्ता लिएका हुन्।

तन्भिर अफजल

मात्र ३ साता देखि प्रशिक्षकको जिम्मेवारी सम्हालेका पुर्व आयरल्याण्ड क्रिकेटर समेत रहेका जोनसनले क्रिकेट हंगकंगसंग सल्लाह पछि विद्रोही खेलाडीहरुलाई टिममा समावेस नगर्ने निर्णय गरेका हुन्।

एहसान नवाज, तन्भिर एहमद र तन्भिर अफजलले हंगकंग क्रिकेट संगको सम्झौता रद्द गरेका छन् भने छनौटबाट पनि अधिकारिक रुपमा बाहिरिएका छन् । बाबर हायात भने सम्झौतामा रहेका थिएनन्।

२०१४ मा हंगकंगको लागि एकदिवसीय अन्तर्राष्ट्रियमा डेब्यु गरेका हायातले २२ एकदिवसीय अन्तर्राष्ट्रिय, २४ टि-२० अन्तर्राष्ट्रिय र ६ प्रथम श्रेणी खेल खेलेका छन्। यस्तै एहसान नवाजले १२ एकदिवसीय र ५ टि-२० ,तन्भिर एहमदले ६ एकदिवसीय र ५ टि-२० खेलेका छन् तथा तन्भिर अफजलले २० एकदिवसीय र २१ टि-२० अन्तर्राष्ट्रिय खेलेका छन्।

टि-२० विश्वकप छनौट अघि हंगकंगले नेपाल सहित ५ राष्ट्र सम्मिलित टि-२० सिरिज खेल्नेछ। सिरिज अन्तर्गत हंगकंगले पहिलो खेल नेपालसंग अक्टोबर ६ तारिकमा खेल्दैछ।





थप समाचार

IPL : मुम्बईलाई हराउदै दिल्ली दोश्रो स्थानमा उक्लियो

भारतमा जारि १४ औं आईपीएल अन्तर्गत १३ औं खेलमा दिल्ली क्यापिटल्सले डिफेन्डिङ च्याम्पियन मुम्बई इन्डीयन्सलाई ६ विकेटले पराजित गरेको छ। […]

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]