पीएसएल : बाबर आजम प्रेरित कराची जितपछि शिर्षमा



बाबर आजमले उत्कृस्ट ब्याटिंग गर्दा मुल्तान सुल्तान्सलाई ७ विकेटले पराजित गर्दै कराची पाकिस्तान सुपर लिग ( पीएसएल ) टि-२० अंकतालिकाको शिर्ष स्थानमा उक्लेको छ .

नेसनल स्टेडियम कराचीमा सम्पन खेलमा मुल्तानले दिएको १९६ रनको लक्ष्य कराचीले ७ बल बाँकी रहँदै ३ विकेट क्षेतीमा पुरा गरेको हो।

कराचीलाई जिताउन ओपनर बाबर आजमले उत्कृस्ट ब्याटिंग गर्दै अविजित ९० रन बनाए जुन क्रममा उनले ६० बलमा १३ चौका र १ छक्का प्रहार गरे। आजमले अघिल्लो खेलमा इश्लामावाद बिरुद्ध पनि अर्धशतक ६२ रन बनाएका थिए। यस्तै जो क्लार्कले २६ बलमा ३ चौका र ४ छक्का प्रहार गर्दै ५४ रन बनाए। शर्जिल खानले २७ तथा मोहम्मद नाबीले अविजित १३ रन बनाए।

बाबरले शर्जिलसंग ५६ रनको ओपनिंग साझेदारी गरेका थिए। त्यसपछि दोश्रो विकेटको लागि क्लार्कसंग ९७ रनको साझेदारी गर्दै जितको आधार तयार गरे। १५ औं र १६ औं ओभरमा क्लार्क र कोलिन इन्ग्राम आउट भएपछि चौथो विकेटको लागि आजमले नाबीसंग अविजित ३६ रनको साझेदारी गर्दै जितसम्म पुर्याए।

मुल्तानको बलिंगमा शाहनवाज धानीले २ तथा सोहेल खानले १ विकेट लिए।

बाबर आजमले लगातार दोश्रो अर्धशतक बनाए

यस अघि टस हारेर ब्याटिंग गरेको मुल्तानले निर्धारित ओभरमा ६ विकेट क्षेतीमा १९५ रन बनाएको थियो।

राम्रो सुरुवात गरेको मुल्तानको लागि ओपनर तथा कप्तान मोहम्मद रिजवानले क्रिस लिनसंग ५३ रनको साझेदारी गरेका थिए। १४ बलमा ६ चौका र १ छक्का मद्दतले ३२ रन बनाएका लिन पाँचौ ओभरमा औउट भएपछि रिजवान र जेम्स भिन्स बीच दोश्रो विकेटको लागि ७० रनको साझेदारी भयो। रिजवान ३२ बलमा ५ चौका मद्दतले ४३ रन बनाएर १२ औं ओभरमा आउट भएपछि मुल्तानले लगातार विकेट गुमाएको थियो। राइली रोसु खुस्दिल शाह र शाहिद अफ्रिदीले खास योगदान नदिएता पनि चौथो नम्बरमा ब्याटिंग गरेका शोयब मक्सुदले ३४ रन बनाएर अविजित रहे।

कराचीको बलिंगमा अर्शद इकबालले २ विकेट तथा इमाद वासिम, मोहम्मद आमिर, वकास मक्सुद र ड्यानियल क्रिस्टीएनले समान १ विकेट लिए।

प्लेयर अफ द म्याच बाबर आजम चुनिए।

जितपछि कराची ३ खेलमा २ जित र १ हारको साथ ४ अंक बटुल्दै अंकतालिकाको शिर्ष स्थानमा पुगेको छ। समान अंक रहेता पनि इश्लामावाद, पेशावर जाल्मी र लाहोर कलन्दर्स नेट रन रेटमा पछि रहँदै दोश्रो देखि चौथो स्थानमा रहेको छ। ४ खेलमा १ जित र ३ हार बेहोर्दै मुल्तान पाँचौ तथा ३ वटै खेलमा जितविहिन रहेको क्वेटा पुछारमा रहेको छ।

धेरैले पढेको 

सन्दिप लामिछाने पाकिस्तान सुपर लिग खेल्न आज पाकिस्तान जाँदै

पीएसएल : रोमान्चक खेलमा पेशावरको जित, क्वेटाको अर्को हार





थप समाचार

हाईस्कोरिंग खेलमा कोलकातालाई हराउदै चेन्नाई शिर्षमा

कोलकाता नाइट राइडर्सलाई १८ रनले पराजित गर्दै १४ औं आईपीएल अंकतालिकाको शिर्षस्थानमा पुगेको छ। मुम्बईको वानखेडे स्टेडियममा सम्पन्न खेलमा चेन्नाईले […]

IPL : हैदरावादको पहिलो जित, पन्जाब पुछारमा पुग्दा हैदरावाद पाँचौ स्थानमा

पन्जाब किंग्सलाई ९ विकेटले पराजित गर्दै सनराइजर्स हैदरावादले आईपीएल १४ मा पहिलो जित दर्ता गरेको छ। चेन्नाई स्थित एमए चिदम्बरम स्टेडियममा […]

पाकिस्तानको जितमा रिजवान र कादिर उत्कृस्ट

जिम्बाबेलाई ११ रनले पराजित गर्दै भ्रमण टोलि पाकिस्तानले पहिलो टि-ट्वान्टीमा ११ रनको जित दर्ता गरेको छ। जितसंगै तिन वटा टि-ट्वान्टीको […]

बराबरीमा टुंगियो मलेसिया र नेदरल्याण्डको खेल, नेपाल र नेदरल्याण्ड फाइनलमा

नेपालमा त्रि-देशीय टि-ट्वान्टी सिरिज अन्तर्गत नेदरल्याण्ड र मलेसिया बीचको खेल बराबरीमा टुंगिएको छ। यो संगै सिरिजको फाइनलमा नेपाल र नेदरल्याण्ड […]

कुपरले उत्कृस्ट ब्याटिंग गर्दा वर्षाप्रभावित खेलमा नेदरल्याण्डले बनायो १०७ रन

नेपाल, नेदरल्याण्ड र मलेसिया बीच जारि त्रि-देशीय टि-ट्वान्टी सिरिज अन्तर्गत पाँचौ खेलमा बुधबार नेदरल्याण्ड र मलेसिया प्रतिस्पर्धा गरिरहेका छन्। टियु […]

आईसीसी ब्याटिंग वरियतामा शिर्ष १०० भित्र कुशल भुर्तेल

नेपाल, नेदरल्याण्ड र मलेसिया बीच जारि त्रिदेशीय टि-ट्वान्टी सिरिजमा उत्कृस्ट ब्याटिंग गरिरहेका कुशल भुर्तेलले अन्तर्राष्ट्रिय क्रिकेट परिषद ( आईसीसी ) […]