बागमतीको दोश्रो जित, सुदूरपश्चिम विशाल अन्तरले पराजित



प्रधानमन्त्री कप एकदिवसीय राष्ट्रिय प्रतियोगिता अन्तर्गत ज्ञानेन्द्र मल्ल कप्तानीको बागमती प्रदेशले लगातार दोश्रो जित दर्ता गर्ने क्रममा सुदूरपश्चिम प्रदेशलाई १८० रनको विशाल अन्तरले पराजित गरेको छ। अघिल्लो खेलमा बागमतीले डिफेन्डिङ च्याम्पियन नेपाल पुलिस क्लबलाई ७ विकेटले स्तब्ध पारेको थियो। जितपछि बागमती समुह ‘बि’ अंकतालिकामा ४ अंक सहित शिर्षस्थानमा रहेको छ।

स्कोरकार्ड  ,अंकतालिका खेलतालिका 

टियु मैदानमा सम्पन्न खेलमा बागमतीले दिएको ३०० रनको लक्ष्य पछ्याउने क्रममा सुदुरपश्चिमले २१ ओभरमा सम्पूर्ण विकेट गुमाउदै ११९ रन मात्र बनाउन सक्यो।

सुदूरपश्चिमको लागि नारायण जोशीले सर्वाधिक अविजित ४४ रन बनाए जुन क्रममा २९ बलमा १ चौका र ५ छक्का प्रहार गरे। अर्जुन साउदले ३१ तथा किरण ठगुन्नाले २४ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्।

लक्ष्य पछ्याउने क्रममा अत्यन्त खराब सुरुवात गरेको सुदूरपश्चिमले पहिलो ५ विकेट मात्र ४ रनको योगफलमा गुमाएको थियो। रामनरेश गिरिले सुरुवात ४ विकेट लिंदै सुदूरपश्चिमलाई सुरुवात देखि दबाबमा राखेका थिए।

Ramnaresh Giri

छैठौं विकेटको लागि अर्जुन साउद र किरण ठगुन्नाले अर्धशतकीय साझेदारी गर्दै सुदूरपश्चिमलाई लज्जास्पद योगफलमा समेटिनबाट जोगाए। ५९ रनको साझेदारी गरेपछि अर्जुनलाई नन्दन यादबले आफैद्वारा क्याच आउट गराए। त्यसपछि तल्लो क्रममा नारायण जोशीले आक्रामक ब्याटिंग गरेता पनि सुदूरपश्चिमले लगातार विकेट गुमायो।

बागमतीको बलिंगमा फास्ट बलर रामनरेश गिरिले सर्वाधिक ४ विकेट लिए जुन क्रममा ५ ओभरमा ३२ रन खर्चिए। नन्दन यादवले २ तथा दिपेश श्रेष्ठ, तिलक भण्डारी र बिपिन आचार्यले समान १ विकेट लिए।

बागमतीको ब्याटिंग : पृथु र आदीलको उत्कृस्ट इनिंग्स

खेलमा टस हारेर ब्याटिंग गरेको बागमतीले निर्धारित ५० ओभरमा ९ विकेट गुमाएर २९९ रन बनाएको थियो।

बागमतीको लागि पृथु बास्कोटाले सर्वाधिक ८४ रन बनाए जुन क्रममा ९४ बलमा १० चौका र २ छक्का प्रहार गारे। यस्तै ओपनर आदील खानले ८६ बलमा १० चौका मद्दतले ६३ रन बनाए। यस्तै कप्तान ज्ञानेन्द्र मल्ल र बिपिन आचार्यले समान ३२ रन, पारस खड्काले २०, इशान पाण्डेले १७ तथा आकाश थापाले १३ रन योगदान दिए।

Prithu Baskota

ओपनर आकाश थापा दोश्रो ओभरमा आउट भएपछि आदील खान र पारस खड्काले दोश्रो विकेटको लागि ४६ रनको साझेदारी गरे। १० औं ओभरमा पारसलाई बिनोद लामाले बोल्ड गरे। तेश्रो विकेटको लागि आदील र पृथु बीच १०९ रनको साझेदारी भयो। ३१ औं ओभरमा अदिललाई भोजराज भट्टले क्याच आउट गराए। शतकतर्फ अघि बढेका पृथुलाई ३८ औं ओभरमा सन्तोष भट्टले विकेटकिपर संजु दमाईबाट क्याच आउट गराए। लगत्तै ओभरमा इशान पाण्डेलाई नारायण जोशीले क्याच आउट गराए।छैठौं विकेटको लागि कप्तान ज्ञानेन्द्र मल्ल र बिपिन आचार्यले ६१ रनको साझेदारी गरे। मल्ल र बिपिन दुवैलाई नारायण जोशीले आउट गरे।

सुदूरपश्चिमको बलिंगमा नारायण जोशीले सर्वाधिक ३ विकेट लिए। यस्तै भोज राज भट्ट र सन्तोष भट्टले समान २ विकेट र बिनोद लामाले १ विकेट लिए। १० ओभरमा २ मेडन गर्दै ३४ रन खर्चिएका शेर मल्ल विकेटविहिन रहे।

स्कोरकार्ड  ,अंकतालिका खेलतालिका 





थप समाचार

न्याभ कप अस्ट्रेलिया : एक्स्पर्ट सगरमाथालाई उपाधि

अस्ट्रेलियाको नेपाल एसोसिएसन अफ भिक्टोरियाद्वारा आयोजित १६ औं संस्करणको न्याभ कप क्रिकेट प्रतियोगिताको उपाधि एक्स्पर्ट सगरमाथा स्टार्स क्लबले जितेको छ। […]

पीएसएल : सन्दिप आवद्ध लाहोरको शानदार जित

पाकिस्तान सुपर लिग अन्तर्गत आइतबार राति सम्पन्न ११ औं खेलमा नेपाली लेग स्पिनर सन्दिप लामिछाने आवद्ध लाहोर कलन्दर्सले कराची किंग्सलाई […]

लिटल फ्लावर प्रिमियर लिग : शारदा र होल्याण्ड विजयी

धनगढी : धनगढीमा जारी विद्यालयस्तरीय राष्ट्रिय क्रिकेट प्रतियोगिता चण्डिका ग्रुप लिटल फ्लावर प्रिमियर लिग अन्तरगत आज भएका खेलमा शारदा विद्या […]

एभरेस्ट प्रिमियर लिगको नयाँ मिति सार्वजनिक

नेपाली फ़्रेन्चाइज् टि-२० क्रिकेट लिग एभरेस्ट प्रिमियर लिगको चौथो संस्करणको नयाँ मिति सार्वजनिक गरिएको छ। गत वर्ष चैत्र १ गते […]

PSL 2021 : Sandeep Lamichhane joins Lahore Qalandars as a replacement of Rashid Khan

Nepal’s 20-year-old spin prodigy Sandeep Lamichhane departs towards Karachi today at 11:00 PM to participate in the ongoing 6th edition […]

पीएसएल : कप्तान रियाजले उत्कृस्ट बलिंग गर्दा पेशावरको सहज जित

कप्तान वहाव रियाजले उत्कृस्ट बलिंग गर्दा इश्लामावाद युनाइटेडलाई ६ विकेटले पराजित गर्दै पेशावर जाल्मी पाकिस्तान सुपर लिग ( पीएसएल ) […]