प्रम कप : बागमतीसंग डिफेन्डिङ च्याम्पियन पुलिस स्तब्ध



काठमाडौंमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत समुह ‘बि’ अन्तर्गतको पहिलो खेलमा विभागीय टोलि डिफेन्डिङ च्याम्पियन नेपाल पुलिस क्लबलाई बागमती प्रदेशले स्तब्ध पार्दै विजयी सुरुवात गरेको छ।

टियु मैदानमा सम्पन्न खेलमा पुलिसले दिएको ११२ रनको लक्ष्य बागमतीले ३ विकेट गुमाएर ३४.४ ओभरमा भेटायो।

स्कोरकार्ड , अंकतालिका , खेलतालिका 

बागमतीको जितमा पृथु बास्कोटाले अविजित ४८ तथा इशान पाण्डेले अविजित १७ रन बनाए। यस्तै पारस खड्काले १७, आदील खानले १२ रन योगदान दिए।

लक्ष्य पछ्याउने क्रममा खराब सुरुवात गरेको बागमतीले ३५ रनमा ३ विकेट गुमाएको थियो। आकाश थापा १ रन, आदील खान १२ रन तथा पारस खड्का १७ रन बनाएर आउट भए। चौथो विकेटको लागि इशान पाण्डे र पृथु बास्कोटाले जिम्मेवारीपूर्वक ब्याटिंग गर्दै टिमलाई जिततर्फ डोर्याएका थिए। दुवैले चौथो विकेटको लागि ७९ रनको साझेदारी गरे।

पुलिसको बलिंगमा दिपेन्द्र ऐरी र ललित राजबंशीले समान १ विकेट लिए।

यस अघि टस हारेर ब्याटिंग गरेको नेपाल पुलिस क्लबले २९.३ ओभरमा सम्पूर्ण विकेट गुमाएर १११ रन बनाएको थियो।

पुलिसको लागि दिपेन्द्र ऐरी र आरिफ शेखले समान २१ रन तथा सुनिल धमला र कुशल भुर्तेलले समान १७ रन योगदान दिए।

पहिलो विकेटको लागि सुनिल धमला र कुशल भुर्तेल बीच ३२ रनको साझेदारी भएपछि सातौँ ओभरमा धमलालाई रामनरेश गिरिले एलबिडब्लु आउट गरे। त्यसपछि पुलिसले निरन्तर अन्तरलमा विकेट गुमाउन पुग्यो। नवौं ओभरमा अमित श्रेष्ठलाई गिरिले क्याच आउट गराए। १५ औं ओभरमा कुशललाई नन्दन यादबले क्याच आउट गराए।

लेग स्पिनर तिलक भण्डारीले ४ विकेट लिए

चौथो विकेटको लागि दिपेन्द्र ऐरी र आरिफ शेखले ३४ रनको साझेदारी गरे। २२ औं ओभरमा आरिफलाई तिलक भण्डारीले तथा २३ औं ओभरमा दिपेन्द्रलाई नन्दन यादबले आउट गर्दा बागमती खेलमा हाबी बन्यो। त्यसपछि भण्डारीले अनिल साह र पवन सर्राफको तथा नन्दनले मन्जित श्रेष्ठ, राशिद खान र ललीत राजबंशीको विकेट लिए।

१०० रनको योगफलमा चौथो विकेट गुमाएको पुलिसले बाँकी ६ विकेट मात्र ११ रन जोड्दा गुमाउन पुग्यो।

बागमतीको बलिंगमा नन्दन यादव र तिलक भण्डारीले समान ४ विकेट लिए। दायाँ हाते फास्ट बलर यादवले ९ ओभरमा १ मेडन ओभर गर्दै ३१ रन खर्चिए भने लेग स्पिनर भण्डारीले ७.३ ओभरमा १ मेडन ओभर गर्दै १७ रन खर्चिए। यस्तै अर्का फास्ट बलर रामनरेश गिरिले २ विकेट लिए।

स्कोरकार्ड , अंकतालिका , खेलतालिका 





थप समाचार

पीएसएल : खेलाडीलाई कोरोना देखिएपछि इश्लामावाद र क्वेटा बीचको खेल स्थगित

पाकिस्तान सुपर लिग अन्तर्गत क्वेटा ग्ल्याडीएटर्स र इश्लामावाद युनाइटेड बीच सोमबार रातिको खेल १ दिन सारिएको छ। इश्लामावाद युनाइटेडका अस्ट्रेलियन […]

एलपीएल स्कुल क्रिकेट : गजेन्द्र चम्किदा हिमालयन ह्याइट हाउस विजयी

धनगढी : धनगढीमा जारी विद्यालयस्तरीय राष्ट्रिय क्रिकेट प्रतियोगिता चण्डिका ग्रुप लिटल फ्लावर प्रिमियर लिग (एलपिएल) अन्तर्गत आज भएका खेलमा रुपन्देहीको […]

रुपन्देही सुपर लिग : बुद्ध क्रिकेट क्लब सेमिफाइनलमा

प्रकाश न्यौपाने, भैरहवा, फागुन १७ भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत सोमबार भएको डिभिजन […]

मेयर कप : ‘काठमाडौँ मेयर-११’ टिमको घोषणा, लुम्बिनीबाट सर्वाधिक ५ खेलाडी

फाल्गुन २२ गते देखि काठमाडौँमा सुरु हुने काठमाडौँ मेयर कप पहिलो संस्करणको लागि ‘काठमाडौँ मेयर-११’ टिमको घोषणा गरिएको छ। यही […]

गौतम बुद्ध रंगशालाको लागि ‘मेरो कुर्सि’ अभियानको घोषणा, ३ अर्ब रुपैयाँ संकलन हुने आशा

चितवनको भरतपुर नगरपालिका वडा नबर-१५ मा निर्माणाधीन गौतम बुद्ध अन्तर्राष्ट्रिय क्रिकेट रंगशालालाई सहयोग गर्न धुर्मुस सुन्तली फाउन्डेसनले नयाँ अभियानको घोषणा […]

न्याभ कप अस्ट्रेलिया : एक्स्पर्ट सगरमाथालाई उपाधि

अस्ट्रेलियाको नेपाल एसोसिएसन अफ भिक्टोरियाद्वारा आयोजित १६ औं संस्करणको न्याभ कप क्रिकेट प्रतियोगिताको उपाधि एक्स्पर्ट सगरमाथा स्टार्स क्लबले जितेको छ। […]