DPL Auction 2018
Live
Home - समाचार - डिफेन्डिङ च्याम्पियन बालुवाटार थाईल्याण्ड प्रस्थान

समाचार

डिफेन्डिङ च्याम्पियन बालुवाटार थाईल्याण्ड प्रस्थान

Wicket Nepal
Administrator

थाईल्याण्डमा यही अक्टोबर २८ देखि १ नोभेम्बर सम्म संचालन हुने इन्टरन्यासनल सिक्सेज प्रतियोगितामा सहभागी हुन डिफेन्डिंग च्याम्पियन बालुवाटार क्रिकेट क्लब आज थाईल्याण्ड प्रस्थान गरेको छ l

गत बर्ष बालुवाटारले सिंगापुरको मरिनर्स क्लबलाई पराजित गर्दै उपाधि हात पारेको थियो l नेपाल सहित प्रतियोगितामा भारत, अस्ट्रेलिया, बेलायत, श्रीलंका, हंगकंग, सिंगापुर, मलेसिया, थाईल्याण्ड, चिन, युएई,फिलिपिन्सका टोलिहरु सहभागी हुँदैछन् l

प्रतियोगितामा सहभागी हुने खेलाडीहरुलाई  क्यानका पुर्ब अध्यक्ष बिनयराज पाण्डे, बालुवाटार क्रिकेट क्लबका अध्यक्ष उपेन्द्र भट्टराई तथा प्रशिक्षक अरुणकुमार अर्यालले बिदाइ गरेका थिए l बिदाइ कार्यक्रममा बोल्दै बालुवाटार क्रिकेट एकेडेमी अध्यक्ष भट्टराईले टिम क्लबको मात्रै नभई देशकै प्रतिनिधित्व गरेर थाईल्याण्ड जान लागेको बताए र खेलाडीहरुलाई अनुशाशित भएर खेल्दै देशको नाम उच्च राख्न सुभकामना ब्यक्त गर्नु भएको थियो l

बालुवाटार टिमको कप्तान तथा प्रशिक्षक सुनिल लामा रहनेछन् भने टोलिमा सोनु तामांग, सुमन उदय, रबिन जोशी, विजय गौतम, नरेश कुमार , प्रविन ढकाल, दिपेश खत्री, भिबिन शर्मा छन् l