बालुवाटारलाई खुकुरी कपको उपाधि, रोमान्चक फाइनलमा केसिटिसी पराजित

Baluwatar Cricket Club


  • विकेटनेपाल – ५ फाल्गुन, शनिवार

खुकुरी इन्टरटेन्टमेन्टको आयोजनामा काठमाडौंमा सम्पन्न खुकुरी च्यालेन्जर्स टि-२० क्रिकेट प्रतियोगिताको उपाधि बालुवाटार क्रिकेट क्लबले जितेको छ। रोमान्चक फाईनल खेलमा बालुवाटार क्रिकेट क्लबले केसिटिसीलाई ८ रनले पराजित गर्यो।

प्रतियोगिताको उपाधि जितेसंगै बालुवाटार क्रिकेट क्लबले नगद ३ लाख रुपैयाँ प्राप्त गर्यो भने उप-विजेता केसिटिसीले १ लाख रुपैयाँमा चित्त बुझाउनु पर्यो। मुलपानी मैदानमा सम्पन्न पहिलो सेमिफाइनल खेलमा शान्तिनगर युथ क्लबलाई ४ विकेटले पराजित गर्दै बालुवाटारले फाइनलमा स्थान बनाएको थियो भने केसिटिसीले सेमिफाइनल खेलमा रोएल पिसी फाइटरलाई ४१ रनले पराजित गर्दै फाइनलमा बालुवाटारसंगको भेट पक्का गरेको थियो।

फाइनल खेलमा पहिले ब्याटिंग गर्दै बालुवाटारले दिएको १५२ रनको लक्ष्यको पिछा गरेको केसिटिसीले निर्धारित २० ओभरमा ६ विकेट गुमाएर १४३ रन मात्र जोड्न सक्यो। जसको फलस्वरूप खेलको नतिजा ८ रनको झिनो अन्तरले बालुवाटारको पक्षमा गयो।

स्कोरकार्ड :

लक्ष्य पछ्याउने क्रममा केसीटिसीका आदील खानले ३२ र दुर्गेश थापाले २१ रन बनाएपनि टोलिलाई जित दिलाउन सकेनन्। ३२ बलमा आदीलले १ चौका सहित ३२ तथा दुर्गेशले १७ बलमा २ चौका सहित २१ रन जोडेपनि अन्य ब्याट्सम्यानहरुले पर्याप्त साथ निभाउन सकेनन्।

बालुवाटारका बलरले उत्कृस्ट बलिंग गर्दा आफ्नो टोलिलाई उपाधि दिलाउन सफल रहे। बालुवाटारका लागि फाईनल खेलमा  म्यान अफ दि म्याच बनेका अभिनास बस्यालले सर्वाधिक ३ विकेट लिए। यस्तै सिद्धान्त साह, क्षितिज सिंह र अमर सिंह रौटेलाले समान १-१ विकेट लिए।

यसअघि टस जित्दै पहिले ब्याटिंग गरेको बालुवाटारले निर्धारित २० ओभरमा ९ विकेट गुमाएर १५१ रन जोडेको थियो। बालुवाटारको इनिंगमा अमर सिंह रौटेलाले ३३ तथा प्रनित थापा मगरले २७ रन जोडेका थिए। मात्र १८ बल खेलेका रौटेलाले ३ चौका र २ छक्का सहित ३३ रन जोडे। यस्तै प्रनितले २८ बलमा ३ चौका र १ छक्का प्रहार गरेका थिए।

बालुवाटारका लागि धेरै ब्याट्सम्यानले सुरुवात पाएपनि ठुलो स्कोरमा परिणत गर्नबाट चुकेका थिए। सोनु तामांग २३ (९) र पृथु बास्कोटा २५ (२३) रनमा पभेलीयन फर्किएका थिए। केसिटिसीका बलरले लगातार रुपमा विकेट लिंदा बालुवाटारका ब्याट्सम्यानले ठुलो साझेदारी गर्नबाट चुकेका थिए।

Man of the series: Kshitiz Singh (Baluwatar Cricket Club)
Man of the series: Kshitiz Singh (Baluwatar Cricket Club)

केसिटिसीको बलिंग तर्फ सुमित झाले सर्वाधिक ३ विकेट हात पारेका थिए। आफ्नो ४ ओभरको स्पेलमा झाले २९ रन खर्चेर केसिटिसीलाई ३ सफलता दिलाएका थिए। यस्तै संजय बस्नेतले २ तथा नन्दन यादवले १ विकेट चट्काएका थिए।

प्रतियोगिताको म्यान अफ दि सिरिज बालुवाटार क्रिकेट क्लबका क्षितिज सिंह घोषित हुँदै नगद २० हजार रुपैयाँ प्राप्त गरे। यस्तै  टिकापुर क्रिकेट क्लबका रबिन्द्र जंग शाही उत्कृस्ट ब्याट्सम्यान र त्रिभुवन आर्मी क्लबका अभिनास बोहरा उत्कृस्ट बलर घोषित भए।  यस्तै वाईवाई जि.एच.सी.ए. का सागर ढकाल इमर्जिंग खेलाडी घोषित भए।  उनीहरु तिनैजनाले समान नगद १०-१० हजार रुपैयाँ प्राप्त गरे।

खुकुरी इन्टरटेन्टमेन्टको आयोजनामा सम्पन्न प्रतियोगितामा २० टोलिको सहभागिता रहेको थियो। प्रतियोगिताका खेलहरु मुलपानी मैदान र त्रिभुवन विश्वबिद्यालयको खेल मैदानमा भएका थिए।

 





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]