प्रतिस्पर्धात्मक खेलमा बंगलादेशद्वारा जिम्बाबे पराजित



बंगलादेश, जिम्बाबे र अफगानिस्तान बीच बंगलादेशमा त्रिकोणात्मक टि-२० सिरिज सुरु भएको छ। सिरिज अन्तर्गत पहिलो खेलमा आयोजक बंगलादेशले जिम्बाबेलाई ३ विकेटले पराजित गर्यो।

शेरे बङ्गला स्टेडियममा वर्षाको कारण १८ ओभरमा घटाइएको खेलमा टस हारेर ब्याटिंग गर्दै जिम्बाबेले दिएको १४५ रनको लक्ष्य घरेलु टिमले २ बल बाँकी छदा पुरा गर्यो।

अत्यन्त खराब सुरुवात गरेको बंगलादेशले पहिलो ६ विकेट ६० रनको योगफलमै गुमाएको थियो। लिटन दास १९, सौम्य सरकार ४, शकिब अल हसन १, मुस्फिकर रहिम ० तथा महमुदुल्लाह १४ रन बनाएर पेभेलियन फर्किदा बंगलादेश हारतिर लम्केको थियो।

तर सातौँ विकेटको लागि मोसद्देक होसेन र अफिफ होसेनले उत्कृस्ट साझेदारी गर्दै घरेलु टिमलाई लक्ष्यतर्फ डोर्याए। अफिफले मात्र २४ बलमा करियरको पहिलो अर्धशतक पुरा गरे। अन्तिम ओभरमा जितको लागि ५ रन आवस्यक रहंदा ओभरको दोश्रो बलमा अफिफ क्याच आउट हुन पुगे। उनले २६ बलमा ८ चौका र १ छक्का मदतले ५२ रन बनाए।

चौथो बलमा मोहम्मद सैफुद्दीनले चौका प्रहार गर्दै बग्लादेशलाई जित दिलाए। मोसद्देक २० रन तथा सैफुद्दीन ६ रनमा अविजित रहे।

जिम्बाबे बलर कायल जार्भिस, तेन्दाइ चतारा र नेभिले मेडजिभाले समान २/२ विकेट लिए।

रायन बर्लको विस्फोटक इनिंग 

यस अघि पहिले ब्याटिंग गर्ने क्रमम जिम्बाबेले निर्धारित १८ ओभरमा ५ विकेट गुमाएर १४४ रन बनाएको थियो।

ओपनर ह्यामिल्टन मासाकाट्जाले ३४ रन बनाए पनि अन्य माथिल्लो क्रमका ब्याट्सम्यानहरु सस्तोमै आउट हुँदा जिम्बाबेले पहिलो ५ विकेट ६३ रनमै गुमाएको थियो।

कम योगफलमा समेटिने खतरा बढ्दै गर्दा छैठौं नम्बरमा ब्याटिंग गरेका रायन बर्लले सातौँ नम्बरका टिनोटेण्डा मुटोम्बोड्जीसंग अविजित ८१ रनको साझेदारी गर्दै टिमलाई राम्रो योगफलतर्फ लागेका थिए।

बर्लले टि-२० अन्तर्राष्ट्रियमा पहिलो अर्धशतक बनाउने क्रममा अविजित ५७ रन बनाए जुन क्रममा ३२ बलमा ५ चौका र ४ छक्का प्रहार गरे। यस्तै मुटोम्बोड्जीले २६ बलमा १ चौका र १ छक्का प्रहार गरे।

रायन बर्ल ( फाइल फोटो )

बर्लले बंगलादेश कप्तान शाकिब अल हसनले गरेको १६ औं ओभरमा ३ छक्का र ३ चौका मदतले ३० रन बनाएका थिए। त्यस क्रममा उनले पहिलो बलमा छक्का, दोश्रो र तेश्रो बलमा चौका, चौथो बलमा छक्का, पाँचौ बलमा चौका र छैठौं बलमा छक्का प्रहार गरेका थिए। छक्कासंगै उनले २८ बलमा अर्धशतक पुरा गरेका थिए।

१४ ओभरम ८१/५ को अवस्थाबाट जिम्बाबेले अन्तिम ४ ओभरमा ६३ रन बनाएको थियो।

त्रिकोणात्मक सिरिज अन्तर्गत दोश्रो खेलमा शनिवार अफगानिस्तान र जिम्बाबेले प्रतिस्पर्धा गर्नेछन्।

 





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]