दक्षिण अफ्रीका बिरुद्ध बंगलादेशको शानदार जित, शाकिबको विश्वकिर्तिमान



इंग्ल्याण्डमा जारि आईसीसी एकदिवसीय विश्वकप क्रिकेट अन्तर्गत पाँचौ खेलमा बंगलादेशले शानदार जित हाँसिल गरेको छ । आफ्नो पहिलो खेलमा उसले दक्षिण अफ्रीकालाई २१ रनले पराजित गरेको हो।

बंगलादेशले दिएको ३३१ रनको लक्ष्य पछ्याउने क्रममा दक्षिण अफ्रीकाले ५० ओभरमा ८ विकेट गुमाएर ३०९ रन मात्रै बनाउन सक्यो।

दक्षिण अफ्रीकाको यो लगातार दोश्रो हार हो। यस अघि विश्वकपको उद्घाटन खेलमा इंग्ल्याण्डसंग दक्षिण अफ्रीका १०४ रनले पराजित भएको थियो।

लक्ष्य पछ्याउने क्रममा दक्षिण अफ्रीकाले राम्रो सुरुवात गरेको थियो। तर निरन्तर अन्तरालमा बंगलादेशले विकेट भने निकाली रह्यो।  क्विन्टन डी कक २३, ऐडेन मारक्रम ४५, फाफ डु प्लेसिस ६२, डेभिड मिलर ४८, भान डर डुसेन ४१ रन बनाएर आउट भए।

जेपी डुमिनिले ४५ रन बनाउदै जिततर्फ लैजाने प्रयास गरेता पनि तल्लो क्रमका ब्याट्सम्यानले उनलाई साथ दिन सकेनन्। ४८ औं ओभरमा डुमिनिको विकेटसंगै दक्षिण अफ्रीकाको आशा पनि सकिएको थियो।

५० ओभर ब्याटिंग गरे पनि दक्षिण अफ्रीकाले ८ विकेट गुमाएर ३०९ रन मात्रै बनाउन सक्यो।

बंगलादेशको लागि मुस्तफिजुर रहमानले सर्वाधिक ३ ( १०-०-६७-३ ) , मोहम्मद सैफुद्दीनले २ ( ८-१-५७-२ ) तथा मेहदी हसन ( १०-०-४४-१ ) र शाकिव अल हसनले ( १०-०-५०-१ ) १ विकेट लिए।

 बंगलादेशको रेकर्ड योगफल, शकिब र मुस्फिकुरको रेकर्ड साझेदारी 

यस अघि पहिले ब्याटिंग गर्ने क्रममा बंगलादेशले ५० ओभरमा ६ विकेट गुमाएर ३३० रनको योगफल तयार गरेको थियो। यो बंगलादेशले एकदिवसीय अन्तर्राष्ट्रियमा बनाएको सबैभन्दा ठुलो योगफल हो।

बंगलादेशको लागि मुस्फिकुर रहिमले सर्वाधिक ७८ ( ८० बलमा ८ चौका ) , शाकिब अल हसनले ७५ ( ८४ बलमा ८ चौका र १ छक्का ) , महमुदुल्लाहले अविजित ४६ रन ( ३३ बलमा ३ चौका र १ छक्का ) बनाए।

पहिलो विकेटको लागि तामिम इकबाल ( १६ ) र सौम्य सरकार ( ४२ ) ले पहिलो विकेटको लागि ६० रनको साझेदारी गरेका थिए। यस्तै तेश्रो विकेटको लागि शाकिब र मुस्फीकुर रहिमले १४२ रनको साझेदारी गरे।

दक्षिण अफ्रीकि बलर क्रिस मोरिस ( १०-०-७३-२ ) , एन्डीले फेलुक्वायो ( १०-१-५२-२ ) र इमरान ताहिर ( १०-०-५७-२ ) ले २/२ विकेट लिएका थिए। स्कोरकार्ड 

खेलको प्लेयर अफ द म्याच शाकिव अल हसन घोषित भए।

शाकिवको विश्व किर्तिमान 

बंगलादेशी अल-राउण्डर शाकिब अल हसन एकदिवसीय अन्तर्राष्ट्रिय क्रिकेटमा २५० विकेट र ५ हजार बढी रन बनाउने सबैभन्दा छिटो क्रिकेटर बनेका छन्।

१९८ औं एकदिवसीय अन्तर्राष्ट्रिय खेल्ने क्रममा शाकिवले यो रेकर्ड आफ्नो नाम गरेका हुन्। यस अघि श्रीलंकाका सनथ जयसूर्याले ३०४ खेलमा, पाकिस्तानका शाहिद अफ्रिदीले २७३ खेलमा, दक्षिण अफ्रीकाका ज्याक कालिसले २९६ खेलमा तथा पाकिस्तानका अब्दुल रज्जाकले २३४ खेलमा यो रेकर्ड आफ्नो नाम गरेका थिए।

देब्रे हाते स्पिनर शाकिबले एडेन मारक्रमको विकेट लिंदै २५० विकेट पुरा गरेका हुन्। उनले ब्याटिंगमा कुल ५७१७ रन बनाएका छन्। आजको खेलमा उनले ७५ रन बनाएका थिए।

आजै शाकिबले मुस्फिकर रहिमसंग तेश्रो विकेटको लागि १४२ रन बनाएका थिए जुन बंगलादेशको कुनै पनि विकेटको लागि सबैभन्दा ठुलो साझेदारी हो।





थप समाचार

T20WC : अफ्रिदीको घातक बलिंग, संकटमा कोहलीको उत्कृस्ट ब्याटिंग गर्दा भारतको मध्यम योगफल

युएईमा जारि टि-ट्वान्टी विश्वकपको सातौँ संस्करणको सुपर-१२ चरण अन्तर्गतको खेलमा भारत र पाकिस्तान प्रतिस्पर्धा गरिरहेका छन्। दुबई अन्तर्राष्ट्रिय स्टेडियममा टस […]

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]