एसियाकप क्रिकेटको ईतिहासमा भारतको पहिलो हार



  • विकेटनेपाल, जेठ २४ – बिहिबार

मलेसियामा जारि महिला एसिया कप टि२० क्रिकेट प्रतियोगितामा भारत बंगलादेशसँग पराजित भएको छ। यो भारतको महिला टिमले एसियाकप क्रिकेटमा प्राप्त गरेको पहिलो हार हो। यसअघि भारतले खेलेका २२ एकदिवसीय र १२ टि२० खेलमा अपराजित यात्रा कायम राखेको थियो।

भारतबिरुद्द कुनैपनि फर्म्याटमा पहिलोपल्ट जित प्राप्त गर्नेक्रममा भारतले दिएको १४२ रनको जितको लक्ष्य बंगलादेशले २ बल अगावै मात्र ३ विकेट गुमाएर पुरा गर्यो। बंगलादेशको जितमा कुनै समय ४९/३ मा रहेको अवस्थाबाट फर्गाना हकले अविजित ५२ रन (४६ बल, ५ चौका) तथा कप्तान रुमाना अहमदले अविजित ४२ रन (३४ बल, ६ चौका) बनाउँदै चौथो विकेटको लागि ९३ रनको साझेदारी गरेका थिए।

म्यान अफ द म्याच समेत घोषित कप्तान रुमाना अहमदले अविजित ४२ रनका साथै भारतलाई कम योगफलमा रोक्न ४ ओभरमा २१ रन खर्चेर ३ विकेट समेत हात पारेकी थिइन्।

भारतका लागि १४१/७ को योगफल तयार पार्न कप्तान हर्मनप्रित कौरले ४२ रन (३७ बल) तथा दिप्ती शर्माले ३२ रन (२८ बल) बनाउँदै ४२ बलमा ५० रनको साझेदारी गरेका थिए। तर जब दुबै ब्याट्सवुमन छिटो अन्तरालमा आउट भए, भारतले अन्तिम ४ ओभरमा मात्र २२ रन बनाउन सक्यो। भारतका हर्मनप्रित कौर, दिप्ती शर्मा र अन्जली पाटिललाई रुमना अहमदले आउट गरिन।

अन्तिम ४ ओभरमा जितको लागि ३२ रन आबश्यक रहेकोमा फर्गानाले १७ औं ओभरमा १२ रन तथा त्यसपछिको ओभरमा रुमानाले १० रन बनाउँदै खेललाई जित नजिक पुर्याए। अन्तिम ओभरमा जितको लागि ४ रन चाहिएको अवस्थामा ४ सिंगल निकाल्दै ऐतिहासिक जित हात पारे।





थप समाचार

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]